Amaran: శివ కార్తికేయన్ టైటిల్ టీజర్ అదిరింది.. కానీ, ఆమె కూడా ఉంటే ఇంకా బావుండేది

Amaran: కోలీవుడ్ స్టార్ హీరో శివకార్తికేయన్ ప్రస్తుతం వరుస సినిమాలతో బిజీగా మారాడు. వైవిధ్యమైన కథలను ఎంచుకొని మంచి విజయాలను అందుకుంటున్నాడు. ఈ మధ్యనే అయలాన్ సినిమాతో మంచి హిట్ అందుకున్నాడు. ప్రస్తుతం శివకార్తికేయన్ నటిస్తున్న చిత్రం అమరన్. ఉలగనాయగన్ కమల్ హాసన్, సోనీ పిక్చర్స్ ఇంటర్నేషనల్ ప్రొడక్షన్స్, ఆర్ మహేంద్రన్ నిర్మిస్తుండగా, వకీల్ ఖాన్ గాడ్ బ్లెస్ ఎంటర్‌టైన్‌మెంట్ సహ నిర్మాతగా వ్యవహరిస్తున్నారు. రాజ్‌కుమార్ పెరియసామి దర్శకత్వం వహిస్తున్న ఈ చిత్రం మేజర్ ముకుంద్ వరదరాజన్ నిజ జీవిత సంఘటనల స్ఫూర్తితో, రాహుల్ సింగ్, శివ్ అరూర్ రాసిన ఇండియాస్ మోస్ట్ ఫియర్‌లెస్ సిరీస్‌లోని ఒక అధ్యాయం ఆధారంగా ఈ సినిమా రూపొందించబడింది. ఇక ఈ చిత్రంలో శివకార్తికేయన్ సరసన సాయిపల్లవి నటిస్తోంది. నిన్న శివకార్తికేయన్ పుట్టినరోజు సందర్భంగా ఈ సినిమా టైటిల్ టీజర్ ను మేకర్స్ రిలీజ్ చేశారు.

ఇక ఈ టైటిల్ టీజర్ లో శివకార్తికేయన్ ఇండియన్ ఆర్మీ ఆఫీసర్ గా కనిపించాడు. కశ్మీర్‌లోని షాపియన్ బ్యాక్‌డ్రాప్‌లో ఈ సినిమాను తెరకెక్కించారు. టెర్రరిస్టులు దేశాన్ని నాశనం చేయడం.. వారి నుంచి దేశాన్ని కాపాడడానికి ఇండియన్ ఆర్మీ ఏం చేసింది అనేది సినిమాగా తెరకెక్కింది. రాష్ట్రీయ రైఫల్స్ అనే టీమ్‌కు, సౌత్ కశ్మీర్‌లోని ఉగ్రవాదులకు మధ్య జరిగే మధ్య ఏం జరిగింది అనేది ఎంతో అద్భుతంగా తెరక్కించినట్లు తెలుస్తోంది. రచయిత-దర్శకుడు రాజ్‌కుమార్ పెరియసామి అమరన్ చిత్రానికి కథ-స్క్రీన్‌ప్లే కోసం చాలా రిసెర్చ్ చేసి రూపొందిస్తున్నారు. ఇది ఇండియన్ సినిమా మాస్టర్ పీస్‌గా మారడానికి సిద్ధంగా ఉంది.శివకార్తికేయన్.. నిజ జీవిత హీరో ఆధారంగా రూపొందుతున్న ఈ చిత్రంలో ఒక ప్రత్యేకమైన పాత్రలో అద్భుతమైన నటనతో ఆకట్టుకోనున్నారు. మునుపెన్నడూ చూడని డిఫరెంట్ అవతార్ లో కనిపించాడు. అయితే టీజర్ బావుంది కానీ.. సైపల్లవి షాట్ ఒక్కటి కూడా కనిపించలేదు. దీంతో సాయిపల్లవి ఫ్యాన్స్ ఫీల్ అవుతున్నారు. శివ కార్తికేయన్ టైటిల్ టీజర్ అదిరింది.. కానీ, ఆమె కూడా ఉంటే ఇంకా బావుండేది అంటూ కామెంట్స్ పెడుతున్నారు. మరి ఈ సినిమాతో శివకార్తికేయన్ ఎలాంటి హిట్ ను అందుకుంటాడో చూడాలి.