ఐకాన్ స్టార్ అల్లు అర్జున్, దర్శకుడు సుకుమార్ కాంబోలో వస్తున్న భారీ బడ్జెట్ పాన్ ఇండియా మూవీ “పుష్ప”. ఈ చిత్రం హిందీలో భారీ ఎత్తున విడుదలకు సిద్ధమైంది. హిందీ విడుదల విషయంలో ప్రొడక్షన్ హౌస్, డిస్ట్రిబ్యూటర్ మధ్య తలెత్తిన సమస్యను పరిష్కరించడంలో అల్లు అర్జున్ కీలకపాత్రను పోషించినట్లు సమాచారం. అల్లు అర్జున్ చొరవ తీసుకుని డిస్ట్రిబ్యూటర్తో స్వయంగా చర్చించి విజయం సాధించారు. “పుష్ప” నిర్మాతలు హిందీ పంపిణీదారులతో ప్రారంభ దశలో జరిపిన చర్చలు విఫలమయ్యాయి.
Read Also : పాత పంథాలోకి సమంత… ‘పుష్ప’లో ఐటమ్ సాంగ్
అసలు ‘పుష్ప’ సమస్య ఏమిటంటే… టాలీవుడ్ ఫిల్మ్ మేకర్స్ సాధారణంగా హిందీ డబ్బింగ్ రైట్స్ని డిస్ట్రిబ్యూటర్లకు అమ్మడం, వారు డబ్బింగ్ వెర్షన్లను వివిధ ఛానెల్లలో విడుదల చేయడం తెలిసిందే. ‘పుష్ప’ మేకర్స్ కూడా ముందుగానే ప్రాజెక్ట్ లాంచ్ సమయంలో హిందీ డిస్ట్రిబ్యూటర్కి అదే పద్ధతిలో హక్కులను విక్రయించారు. అయితే అల్లు అర్జున్ తరువాత ఈ ప్రాజెక్ట్ను పాన్ ఇండియా ఎంటర్టైనర్గా మార్చాలని, సినిమాను హిందీలోనూ థియేటర్లలో విడుదల చేయాలని నిర్ణయించుకున్నాడు. అయితే దీనికి ముందుగా రైట్స్ తీసుకున్న డిస్ట్రిబ్యూటర్ ఒప్పుకోలేదు. ఎట్టకేలకు బన్నీ రంగంలోకి దిగి సమస్యను పరిష్కరించారు. ఇప్పుడు “పుష్ప” 2021 డిసెంబర్ 17న ప్రపంచవ్యాప్తంగా ఐదు భాషల్లో గ్రాండ్ రిలీజ్కి సిద్ధంగా ఉంది. సినిమా నుంచి నాలుగో సింగిల్ ‘ఏయ్ బిడ్డా ఇది నా అడ్డా’ నవంబర్ 19న విడుదల కానుంది.
