Allu Arjun New Look: బన్నీ నయా లుక్.. ఫోటోలు వైరల్

Allu Arjun New Look Going Viral On Social Media: సబ్జెక్ట్‌ల పరంగానే కాదు.. లుక్ పరంగానూ అల్లు అర్జున్ వైవిధ్యం కనబరుస్తాడు. సినిమా సినిమాకి లుక్ మారుస్తూ.. సరికొత్త ట్రెండ్స్‌ని సృష్టిస్తుంటాడు. ఇప్పుడు లేటెస్ట్‌గా మరో కొత్త లుక్‌లో దర్శనమిచ్చి.. అందరికీ షాకిచ్చాడు బన్నీ. కొద్దిగా నెరసిన గెడ్డం, నోట్లో సిగరేట్‌, బ్లాక్ గాగుల్స్, చెవికి పోగు పెట్టి.. రఫ్ లుక్‌లో చాలా స్టైలిష్‌గా కనిపించాడు. అంతకుముందే ప్రీ-లుక్స్ బయటకు రాగా.. తాజాగా ఫుల్ లుక్ వచ్చేసింది.

అయితే.. ఈ నయా లుక్ సినిమా కోసం కాదు. ఓ యాడ్ షూటింగ్ కోసం బన్నీ ఇలా కొత్త అవతారం ఎత్తాడు. ఈమధ్యే త్రివిక్రమ్ శ్రీనివాస్ దర్శకత్వంలో ఓ యాడ్ చిత్రీకరణలో పాల్గొన్న బన్నీ.. తాజాగా హరీశ్‌ శంకర్‌ డైరెక్షన్‌లో మరో యాడ్‌ చేశాడు. దాని కోసమే ఈ కొత్త లుక్. ఈ ఫోటోని బన్ని సోషల్‌ మీడియా షేర్ చేయగా.. కొన్ని సేపట్లోనే అది నెట్టంట వైరల్ అయ్యింది. బన్నీ నయా లుక్ అదిరిందంటూ.. లైక్స్, రీట్వీట్స్ చేస్తూ సోషల్ మీడియాని హోరెత్తిస్తున్నారు. అంతేకాదు.. పుష్ప-2లోనూ ఇదే లుక్‌లో కనిపిస్తే, రచ్చ మామూలుగా ఉండదని అభిప్రాయాలు వ్యక్తం చేస్తున్నారు. మరి, ఆ సీక్వెల్‌లో బన్నీ ఇదే లుక్‌లో కనిపిస్తాడా? లేక పుష్ప-1 లుక్‌నే కంటిన్యూ చేస్తాడా? లెట్స్ వెయిట్ అండ్ సీ!

కాగా.. ‘పుష్ప: ద రైజ్’ సినిమా ఘనవిజయం సాధించడంతో బన్నీ పాన్ ఇండియా స్టార్‌గా అవతరించాడు. దీంతో.. సీక్వెల్‌ని గ్రాండ్‌గా ప్లాన్ చేస్తున్నాడు సుకుమార్. ముందుగా రాసుకున్న స్క్రిప్ట్‌ని మార్చేసి, కొత్తగా మెరుగులు దిద్దుతున్నాడు. ఈసారి బడ్జెట్ కూడా భారీగా పెరగనుందని తెలుస్తోంది. త్వరలోనే ఈ సినిమాని సెట్స్ మీదకి తీసుకెళ్లాలని ప్రణాళికలు జరుగుతున్నాయి. వచ్చే ఏడాది సమ్మర్‌లో ప్రేక్షకుల ముందుకు తీసుకొచ్చేలా సన్నాహాలు చేస్తున్నారు.