బాలీవుడ్లో పెద్ద కుటుంబాల నుంచి వచ్చిన వారిని అవకాశాలు తేలిగ్గా దొరుకుతాయన్న విషయం తెలిసిందే. కానీ నిజానికి, వారసత్వం ఉన్నా కూడా సొంత టాలెంట్తోనే ఎదగాల్సిన పరిస్థితులు ఉంటాయి. ఇప్పటికి చాలా మంది స్టార్ హీరోల వారసులు నిరూపించుకో లేక అడుగున పడిపోయారు. అలాగే, సొంత కుటుంబం నుంచి ఇండస్ట్రీలో స్టార్స్ ఉన్నప్పటికీ కొందరు మాత్రం వాళ్ల సహాయం తీసుకోరు. దీనికి కారణాలు కూడా అనేకం ఉంటాయి. బాలీవుడ్ నటుడు అక్షయ్ ఒబెరాయ్ లైఫ్ కూడా అలాంటిదనే చెప్పాలి. తాజాగా ఓ ఇంటర్వ్యూలో మాట్లాడిన అక్షయ్ ఈ విషయం పై షాకింగ్ కామెంట్స్ చేశారు..
Also Read : Hansika : గణేష్ చతుర్థి వేడుకల్లో విడాకుల రూమర్స్కు.. గట్టి రిప్లై ఇచ్చిన హన్సిక
అక్షయ్ మాట్లాడుతూ.. ‘స్టార్ హీరో వివేక్ ఒబెరాయ్ సొంత కజిన్ అయినప్పటికీ.. ముంబైకి కొత్తగా వచ్చినప్పుడు ఎలాంటి సహాయం అందలేదు. ఇది చాలా మందికి తెలియని విషయం. వివేక్ తండ్రి సురేష్ ఒబెరాయ్ మరియు నా తండ్రి క్రిస్ ఒబెరాయ్ సొంత అన్నదమ్ములు. అయినప్పటికి అతడి నుంచి ఎలాంటి సహాయం తీసుకోలేదు. మొదట్లో చాలా మందికి వివేక్ మా బంధువు అని తెలియదు. ఇప్పుడు కొంచెం గుర్తింపు వచ్చిన తర్వాత ఈ విషయం వెలుగులోకి వచ్చింది’ అని అక్షయ్ ఓపెన్గా చెప్పాడు. ఇందులో భాగంగా అక్షయ్ తన సొంత టాలెంట్, కష్టాలతోనే ఇండస్ట్రీలో స్థానం సంపాదించుకున్న వ్యక్తి అని స్పష్టమవుతుంది.
