గత కొంతకాలంగా సరైన హిట్ కోసం ఎదురుచూస్తున్న అక్కినేని అఖిల్, ఈసారి ‘లెనిన్’ చిత్రంతో బాక్సాఫీస్ వద్ద గట్టిగా కొట్టాలని ఫిక్స్ అయ్యారు. ఈ సినిమా స్క్రిప్ట్ విషయంలో దర్శకుడు మురళీ కిషోర్ అబ్బూరి ఎన్నో జాగ్రత్తలు తీసుకుంటుండగా, తాజాగా ఈ చిత్రంలోని ఒక స్పెషల్ ఎపిసోడ్ గురించి ఆసక్తికర వార్త బయటకు వచ్చింది. సినిమాలోని సెకండ్ హాఫ్లో వచ్చే ఒక కీలకమైన ఎపిసోడ్ కథను మలుపు తిప్పుతుందని సమాచారం. ఈ ఎపిసోడ్ కోసం దర్శకుడు ఒక ప్రత్యేకమైన పాత్రను డిజైన్ చేశారట. ఇప్పటికే జరిగిన షూటింగ్ షెడ్యూల్లో ఈ పాత్రకు సంబంధించిన కొన్ని కీలక సన్నివేశాలను కూడా చిత్రీకరించినట్లు తెలుస్తోంది. అయితే,
ఆ స్పెషల్ రోల్లో నటించిన నటుడు ఎవరనేది చిత్ర యూనిట్ ప్రస్తుతం సస్పెన్స్గా ఉంచింది. ఆ పాత్ర సినిమాకే హైలైట్గా నిలుస్తుందని యూనిట్ సభ్యులు ధీమా వ్యక్తం చేస్తున్నారు. అఖిల్ సరసన అందాల భామ భాగ్య శ్రీ బోర్సే హీరోయిన్గా నటిస్తుండగా, వీరిద్దరి మధ్య వచ్చే లవ్ సీన్స్ మరియు కెమిస్ట్రీ ప్రేక్షకులను ఆకట్టుకుంటుందని చిత్ర బృందం చెబుతోంది. అవుట్పుట్ విషయంలో అఖిల్ చాలా సంతృప్తిగా ఉన్నారని, ఈ సినిమా తన కెరీర్లో ఒక మైలురాయిగా నిలుస్తుందని ఆయన నమ్ముతున్నారు.