Sarath Babu: శరత్ బాబు కోట్ల ఆస్తి వారికే.. వీలునామాలో ఏమి రాశారు..?
Sarath Babu: టాలీవుడ్ సీనియర్ నటుడు శరత్ బాబు మూడు రోజుల క్రితం మృతిచెందిన విషయం తెల్సిందే. అనారోగ్యంతో చికిత్స పొందుతూనే ఆయన మరణించారు. శరత్ బాబు మరణం చిత్ర పరిశ్రమకు తీరని లోటు. ఎన్నో మంచి సినిమాలను ఆయన ప్రేక్షకులకు అందించారు. ఆయన మన మధ్య లేకపోయినా.. ఆయన సినిమాల రూపంలో నిత్యం మనతోనే ఉంటారు. ఇక శరత్ బాబుకు కోట్లకొద్దీ ఆస్తి ఆయన మరణాంతరం ఎవరికి చెందుతుందో అని అభిమానులు ఎంతో ఉత్కంఠగా ఎదురుచూస్తున్నారు. శరత్ బాబుకు ఇద్దరు భార్యలు. మొదటి భార్య రమాప్రభ.. వారు ఎప్పుడో విడాకులు తీసుకొని విడివిడిగా ఉంటున్నారు. ఇక రమాప్రభ తరువాత స్నేహలతను వివాహమాడిన శరత్ బాబు.. ఆమెతో కూడా విభేదాలు రావడంతో విడాకులు ఇచ్చేశారు. అప్పటినుంచి విడిగా ఉంటున్నారు. అయితే మూడో పెళ్లి కూడా చేసుకున్నారు అని టాక్ నడుస్తుంది కానీ నిజం ఎంత అనేది తెలియదు.
ఇకపోతే శరత్ బాబుది ఉమ్మడి కుటుంబం. 8 మంది అన్నదమ్ములు, 5 గురు అక్కచెల్లెళ్లు. ఈయన మూడోవాడు. ఇప్పటికీ కూడా వీరందరూ కలిసే ఉంటున్నారట. ఇక వీరి బాధ్యతలు మొత్తం శరత్ బాబునే చూసుకొనేవాడట. చెల్లెళ్ళ పెళ్లిళ్లు.. వారి కూతుళ్ళ పెళ్లిళ్లు కూడా ఆయనే దగ్గర ఉండి చేసేవారట. ఇక ఆయన మరణం తరువాత ఆయన ఆస్తి వీరిలో ఎవరికి చెందుతుంది అనే ప్రశ్నకు శరత్ బాబు సోదరుడు మధు స్పందించాడు. ఆస్తి పంపకాలు ఇంకా మొదలుకాలేదని, ఆయన దశదిన కర్మ జరిగాకా చూస్తామని చెప్పుకొచ్చాడు.
“మాడు ఉమ్మడి కుటుంబం.. ఆయన ఆస్తికోసం ఇక్కడ ఎవరు కొట్టుకోవడం లేదు. ముందు ఆయన దశదిన కర్మ చెస్ పనిలో ఉన్నాం.శరత్ బాబు గారి ఆస్తి ఏదైనా ఉంటే .. దాన్ని ఏం చేయాలి అనేది అప్పుడు ఆలోచిస్తాం. ఒకవేళ ఆయన వీలునామా రాసి పెట్టి ఉంటే.. అందులో ఎవరికి రాస్తే.. వారికే ఆ ఆస్తి దక్కుతుంది. ఆ లాకర్లు, డబ్బు వ్యవహారాలు అన్ని కూడా ఆయన దశదిన కర్మ తరువాతే చూస్తాం. ఆస్తి ఎవరికి ఇచ్చినా.. ఏంటి మాకివ్వలేదు అని కొట్టుకోము.. ఎందుకంటే .. మేము అందరం ఒక్కటే. మా మధ్య విబేధాలు ఏమి లేవు” అని మధు చెప్పుకొచ్చాడు. అయితే అందుతున్న సమాచారం ప్రకారం.. శరత్ బాబ ఎప్పుడో తన వీలునామాను రాసిపెట్టి ఉంచారని, తన కుటుంబంలో ఉన్న 23 మందికి సరిసమానంగా ఆస్తిని పంచి పెట్టారని తెలుస్తోంది. మరి ఆ ఆస్తిలో మాజీ భార్యలకు ఏమైనా వాటా ఇచ్చాడేమో తెలియాల్సి ఉంది.