Prabhas:”దురంధర్” దర్శకుడితో ప్రభాస్ మూవీ… ఆ హీరోలకు దక్కని ఛాన్స్!

Prabhas : ప్రస్తుతం భారతీయ సినీ పరిశ్రమలో అత్యంత బిజీ స్టార్ హీరో ఎవరంటే చాలా మంది ప్రభాస్ పేరే చెబుతారు. వరుస పాన్ ఇండియా ప్రాజెక్ట్‌లు, భారీ బడ్జెట్ చిత్రాలు, దేశవ్యాప్తంగా ఉన్న అభిమాన వర్గం కారణంగా ఆయనతో సినిమా చేయాలనే ఆసక్తి ప్రతి దర్శకుడిలో కనిపిస్తోంది. ఇప్పుడు అలాంటి జాబితాలో మరో ప్రముఖ దర్శకుడు చేరినట్లు బాలీవుడ్ వర్గాల్లో చర్చ సాగుతోంది. ‘ధురంధర్ 2: ది రివెంజ్’ తర్వాత దర్శకుడు ఆదిత్య ధర్ తదుపరి ప్రాజెక్ట్ కోసం ప్రభాస్‌తో చేతులు కలపాలని ఆసక్తిగా ఉన్నారనే వార్తలు సినీ వర్గాల్లో హాట్ టాపిక్‌గా మారాయి.

ఇటీవలి కాలంలో ఆదిత్య ధర్ పేరు మళ్లీ బాలీవుడ్‌లో బలంగా వినిపిస్తోంది. తన చిత్రాల ద్వారా యాక్షన్, ఎమోషన్, దేశభక్తి అంశాలను ప్రేక్షకులకు ఆకట్టుకునే విధంగా చూపించిన ఆయన, ప్రస్తుతం తెరకెక్కిస్తున్న ‘ధురంధర్ 2: ది రివెంజ్’ తో తన మార్కెట్ ను మరో స్థాయికి తీసుకెళ్లారు. ఈ సినిమా తర్వాత పలువురు బాలీవుడ్ హీరోలు మాత్రమే కాకుండా దక్షిణాది స్టార్ హీరోలు కూడా ఆయనను సంప్రదించినట్లు ప్రచారం జరుగుతోంది. అయితే అందరి కంటే ప్రభాస్‌తో సినిమా చేయడంపైనే ఆయన ఎక్కువ ఆసక్తి చూపుతున్నారని సమాచారం. ప్రభాస్ కు ప్రస్తుతం ఉన్న ఫేమ్ కూడా ఈ ఆసక్తికి ప్రధాన కారణంగా కనిపిస్తోంది. ‘బాహుబలి’ తర్వాత ప్రభాస్ కేవలం తెలుగు హీరోగా కాకుండా అంతర్జాతీయ స్థాయిలో గుర్తింపు పొందిన పాన్ ఇండియా స్టార్‌గా మారిపోయారు. అరుదైన హీరోల్లో ప్రభాస్ ఒకరిగా నిలిచారు.

భారీ కాన్సెప్ట్‌లు, పాన్ ఇండియా కథలు, అంతర్జాతీయ స్థాయి యాక్షన్ డ్రామాలకు ఆయన బ్రాండ్ గా మారిపోయారు. దేశంలోని దాదాపు ప్రతి అగ్ర దర్శకుడు కనీసం ఒక్కసారి అయినా ప్రభాస్‌తో సినిమా చేయాలని కోరుకోవడం కూడా ఇదే కారణం. ప్రస్తుతం ప్రభాస్ చేతిలో ఇప్పటికే పలు ప్రతిష్టాత్మక ప్రాజెక్ట్‌లు ఉన్నప్పటికీ, ఆదిత్య ధర్‌తో కలయిక నిజమైతే అది మరో క్రేజీ కాంబినేషన్‌గా మారే అవకాశం ఉందని అభిమానులు భావిస్తున్నారు. అయితే ఈ ప్రాజెక్ట్‌పై ఇప్పటివరకు ఎలాంటి అధికారిక ప్రకటన వెలువడలేదు. అయినప్పటికీ బాలీవుడ్‌లో వినిపిస్తున్న ఈ వార్తలు అభిమానుల్లో ఆసక్తిని పెంచుతున్నాయి. ఒకవేళ ఆదిత్య ధర్, ప్రభాస్ కలయిక నిజమైతే యాక్షన్ ప్రియులకు మరో భారీ విజువల్ ట్రీట్ దక్కే అవకాశం ఉందనే అభిప్రాయం వ్యక్తమవుతోంది. ప్రస్తుతం ఈ వార్తపై సినీ అభిమానులు ఆసక్తిగా ఎదురుచూస్తున్నారు.