Aditi Marriage: సిద్ధార్థ్-అదితి సీక్రెట్ పెళ్ళిలో మరో ట్విస్టు.. షూటింగ్ అంటూ పర్మిషన్.. ఇప్పుడు అసలు పెళ్లే కాదట?
Aditi Rao Hydari Announces Engagement with Siddharth: సినీ హీరో సిద్ధార్థ హీరోయిన్ అదితి రావు హైదరిని వివాహం చేసుకున్నారని నిన్న మీడియాలో పెద్ద ఎత్తున వార్తలు వచ్చిన సంగతి తెలిసిందే. అయితే ఈ విషయంలో మరో షాకింగ్ న్యూస్ బయటకొచ్చింది. పెబ్బేరు మండలంలో ఉన్న రంగనాయక పురం రంగనాయక స్వామి ఆలయంలో వీరు రహస్యంగా పూజలు చేయడంతో వివాహం జరిగిందంటూ పెద్ద ఎత్తున ప్రచారం జరిగింది. దానికి తోడు స్థానిక పూజారులను ఆలయంలోకి అనుమతించకుండా షూటింగ్ చేస్తున్నామని పర్మిషన్ తీసుకోవడం చర్చనీయాంశమైంది. తమిళనాడు నుంచి పూజారులను తీసుకొచ్చి లోపలికి వెళ్లడంతో దాదాపుగా పెళ్లి అయిపోయిందంటూ పెద్ద ఎత్తున ప్రచారం జరిగింది. ఇక ఇదే విషయం మీద ఎట్టకేలకు అదితీ రావు హైదరి సోషల్ మీడియా వేదికగా స్పందించింది.
తాను సిద్ధార్థతో కలిసి ఉన్న ఫోటో షేర్ చేసి అతను ఎస్ చెప్పాడు మేము ఎంగేజ్మెంట్ చేసుకున్నాము అంటూ క్లారిటీ ఇచ్చింది. దీంతో వీరిద్దరికీ వివాహం జరిగిందంటూ జరుగుతున్న ప్రచారానికి బ్రేకులు పడినట్లు అయింది. సిద్ధార్థ 2003 వ సంవత్సరంలో తన చిన్ననాటి స్నేహితురాలు అయిన మేఘనను వివాహం చేసుకున్నారు. వివాదాలు రావడంతో ఇద్దరూ 2007వ సంవత్సరంలోనే విడాకులు కూడా తీసుకున్నారు. తర్వాత సిద్ధార్థ పలువురు హీరోయిన్లతో డేట్ చేసినట్లు వార్తలు వచ్చాయి కానీ ఎవరితోనో పెళ్లి వరకు వెళ్లలేదు. తెలంగాణ రాష్ట్రంలో వనపర్తి సంస్థాన రాజ కుటుంబానికి చెందిన అదితీరావు హైదరికి కూడా గతంలోనే ఒక వ్యక్తితో వివాహం జరగగా వారి బంధం కూడా ఎక్కువ కాలం కొనసాగలేదు. వారు కూడా విడాకులు తీసుకున్నారు. ఇప్పుడు ఈ ఇద్దరు త్వరలోనే వివాహం చేసుకోబోతున్నట్లు తెలుస్తోంది.