ఇండియన్ బుక్ ఆఫ్ రికార్డ్స్ లో అదిరే అభి ‘వైట్ పేపర్’

జి.ఎస్.కె ప్రొడక్షన్స్ పతాకంపై శివ దర్శకత్వంలో శివ ప్రసాద్ నిర్మిస్తున్న చిత్రం ‘వైట్ పేపర్’. ప్రభాస్ ‘ఈశ్వర్’లో ప్రభాస్ ఫ్రెండ్ గా నటించిన అభినయ కృష్ణ ఆ తర్వాత పలు చిత్రాల్లో కమెడియన్ గా నటించి మంచి పేరు సంపాదించుకున్నాడు. ఇక ‘జబర్దస్త్’ షో తో అదిరే అభి గా మారాడు. అతడు ఇప్పుడు ‘వైట్ పేపర్’ చిత్రంతో హీరోగా పరిచయం అవుతున్నాడు. అయితే ఈ చిత్రాన్ని 9 గంటల 51 నిమిషాల్లో పూర్తి చేయటం విశేషం. దీనిని ఇండియన్ బుక్ ఆఫ్ రికార్డ్స్ అరుదైన రికార్డ్ గా గుర్తించింది. సెప్టెంబర్ 24న అదిరే అభి పుట్టిన రోజు సందర్భంగా ఈ సినిమా టైటిల్ లుక్ ను మనో, ఇంద్రజ, అనసూయ విడుదల చేసారు. వారు అభిని ప్రశంసలతో ముంచెత్తారు. ‘కథ ఆసక్తిగా అనిపించటం, తక్కువ సమయంలో షూటింగ్ పూర్తి చేయటం, ఇండియన్ బుక్ ఆఫ్ రికార్డ్స్ అవార్డు రావటం, మనో, ఇంద్రజ, అనసూయ టైటిల్ లుక్ పోస్టర్ విడుదల ఎంతో సంతోషాన్ని కలిగించే అంశాలని అభి చెబుతున్నాడు.