Actress Tabu Reveals A Secret Of Her In Interview: సాధారణంగా నటీనటులు తమ వ్యక్తిగత విషయాలకు సంబంధించిన రహస్యాలను ఎప్పటికీ బయటపెట్టరు. ఏదైనా సరే.. వాటిని అత్యంత గోప్యంగా ఉంచుతారు. ఎంతైనా పబ్లిక్ ఫిగర్స్ కదా.. వాళ్లు సీక్రెట్స్ బట్టబయలైతే, సోషల్ మీడియాలో ట్రోలర్స్ ఓ ఆట ఆడేసుకుంటారు. అందుకే, ఏవీ బయటపెట్టరు. అయితే.. సీనియర్ టబు మాత్రం ఓ సీక్రెట్‌ని షేర్ చేసింది. అదే.. వయసు పెరుగుతున్నా, తరగని తన అందానికి సంబంధించి రహస్యం. ఓసారి తాను రూ. 50 వేలు ఖరీదు చేసే ఫేస్ క్రీమ్‌ని కూడా కొన్నానంటూ ఈమె కుండబద్దలు కొట్టింది.
ఫిల్మ్ కంపానియన్‌కి ఇచ్చిన ఇంటర్వ్యూలో టబు మాట్లాడుతూ.. ‘మీ అందానికి రహస్యం ఏంటని ఓసారి నా మేకప్ ఆర్టిస్ట్ నన్ను ప్రశ్నించింది. అప్పుడు ఏ సీక్రెట్ లేదని నేను చెప్పాను. అయితే, కొన్ని రోజుల తర్వాత తను నాకు ఒక ఫేస్ క్రీమ్ కొనాల్సిందిగా సూచించింది. దాని విలువ రూ. 50 వేలు. అది కేవలం ఒక్కసారి మాత్రమే కొన్నాను. ఇకపై ఎప్పుడు కొనను’’ అని టబు పేర్కొంది. నిజానికి.. తాను అందంగా కనిపించడం కోసం ఎలాంటి క్రీములు గానీ, ప్రత్యేక ఫేస్ వాష్‌లు గానీ చేయించనని తెలిపింది. కాకపోతే.. బాగా కనిపించడం కోసం చేయాల్సిన సాధారణ పద్ధతుల్ని మాత్రం అనుసరిస్తుంటానని, తగిన జాగ్రత్తలు తీసుకుంటానని చెప్పింది. హెల్దీగా ఉండేందుకు తనవంతు కృషి చేస్తానంది. కానీ, ప్రత్యేకంగా ఇతర కసరత్తులైతే చేయనని చెప్పుకొచ్చింది.
కాగా.. బాలీవుడ్‌లో భూల్ భులయ్యా-2 సక్సెస్‌తో ఫుల్ జోష్‌లో ఉన్న టబు, మరిన్ని ప్రాజెక్టులతో ఫుల్ బిజీగా ఉంది. దృశ్యం-2 సినిమా కోసం తన ఫేవరెట్ నటుడు అజయ్ దేవగణ్‌తో మరోసారి కలిసి నటిస్తోంది. ఈ చిత్రం త్వరలోనే ప్రేక్షకుల ముందుకు రానుంది. దాంతో పాటు తమిళ సినిమా ఖైదీ రీమేక్ అయిన భోలా చిత్రంలోనూ నటిస్తోంది. కేవలం హిందీలోనే కాదు.. దక్షిణాది సినీ పరిశ్రమ నుంచే వచ్చే ఆఫర్లను సైతం ఒప్పుకుంటోంది.