Salaar: ‘సలార్’ ఊహించని అప్డేట్‌… గేమ్ ఆఫ్ థ్రోన్స్ రేంజులో కొత్త యూనివర్స్

ఒక్కో రోజుని లెక్కపెడుతూ సెప్టెంబర్ 28 కోసం వెయ్యి కళ్లతో ఎదురు చూస్తున్నారు ప్రభాస్ ఫ్యాన్స్‌. సలార్ సినిమా థియేటర్లోకి రావడమే ఆలస్యం, అన్నిరికార్డులు లేస్తాయని అందరూ ఫిక్స్ అయిపోయారు. ట్రేడ్ వర్గాలైతే… సలార్ కలెక్షన్స్ ధాటిని బాక్సాఫీస్ తట్టుకుంటుందా? అనేలా ఇప్పటి నుంచే లెక్కలు వేస్తున్నారు. ఏ మాత్రం బ్లాక్ బస్టర్ టాక్ వచ్చినా ఇప్పటి వరకున్న ఇండియన్ సినిమాల రికార్డులన్నీ సలార్ తుడిచిపెట్టేయడం ఖాయం. ఈ ఏడాదిలో మోస్ట్ వైలెంట్ మ్యాన్‌గా ప్రభాస్ ఊచకోత ఉండబోతోంది. ప్రశాంత్ నీల్ ఈ సినిమాను ఓ రేంజ్‌లో తెరకెక్కిస్తున్నాడు. అయితే.. యాక్షన్ సినిమాలకే బాప్‌లా సలార్ ఉండబోతోందని లేటెస్ట్ అప్టేడ్ ఒకటి బయటకి వచ్చి సోషల్ మీడియాను షేక్ చేస్తోంది. ఈ సినిమాలో హీరోయిన్‌గా శృతి హాసన్ నటిస్తుండగా… వెటరన్ బ్యూటీ శ్రీయా రెడ్డి కూడా కీ రోల్ ప్లే చేస్తోంది. ఇప్పటికే ఆమెకు సంబంధించిన షూటింగ్ పార్ట్ కూడా కంప్లీట్ అయింది. గతంలో తనను అప్రోచ్ అయ్యి, ఒప్పించిన ప్రశాంత్ నీల్‌కి థాంక్స్ చెప్తూ స్పెషల్ పోస్ట్ చేసింది శ్రీయ రెడ్డి. ఇక ఇప్పుడు సలార్ గురించి అదిరిపోయే అప్డేట్ ఇచ్చింది.

ఇప్పటి వరకు సలార్… రెండు కెజియఫ్ సినిమాలు కలిస్తే ఎలా ఉంటాయో, అలా ఉంటుందని అనుకున్నారు కానీ అంతకుమించి అనేలా భారీ యాక్షన్ ఎలిమెంట్స్‌తో సలార్‌ను తెరకెక్కిస్తున్నాడట ప్రశాంత్ నీల్. ఏ రేంజ్‌లో అంటే.. హాలీవుడ్ సెన్సేషనల్ సిరీస్ గేమ్ ఆఫ్ థ్రోన్స్ రేంజ్‌లో ఓ సరికొత్త వరల్డ్ క్రియేట్ చేశాడట. గేమ్ ఆఫ్ థ్రోన్స్ సిరీస్ గురించి అందరికీ తెలిసిందే. ఈ సిరీస్ వరల్డ్ వైడ్‌గా సంచలనం సృష్టించింది. ఇప్పుడు ఈ సిరీస్‌ ఇంపాక్ట్‌తోనే సలార్‌ రాబోతోందని శ్రియా రెడ్డి చెప్పడం సినిమాపై అంచనాలు పెంచే విషయమే. ఈ లెక్కన సలార్ ఎలా ఉంటుందో ఊహించుకోవచ్చు. ఇక ఇటీవలే శ్రియా రెడ్డి ‘సలార్’ షూటింగ్‌ పూర్తి చేసిన సందర్భంగా.. ఈ సినిమాలో పనిచేసిన తన సిబ్బందికి బంగారు నాణేలను బహుమతిగా ఇచ్చినట్టు తెలుస్తోంది. ఏదేమైనా.. సెప్టెంబర్ 28న ఇండియన్ బాక్సాఫీస్ దగ్గర చరిత్ర సృష్టించబోతోంది సలార్ సినిమా.