Actor Jayam Ravi Complaint On Her Wife Aarthi: తన భార్య ఆర్తికి విడాకులు ఇస్తున్నట్లు నటుడు జయం రవి ప్రకటించారన్న సంగతి తెలిసిందే . అయితే ఈ విషయంలో ఆర్తి తనకు సంబంధం లేకుండానే జయం రవి ప్రకటించారని వెల్లడించింది. ఈ విడాకుల గురించి జయం రవి ప్రకటించినప్పుడు, ఇద్దరూ పరస్పరం చర్చించుకుని ఈ నిర్ణయం తీసుకుంటారని చాలా మంది అనుకున్నారు. అయితే ముఖ్యంగా వీరి విడాకులకు గాయని కెనిషా ఫ్రాన్సిస్ కారణం అనే చర్చ జరుగుతోంది. అదేమీ లేదని జయం రవి చెబుతున్న క్రమంలో ఇప్పుడు తాజాగా జయం రవి తన భార్య ఆర్తిపై చెన్నై అడయార్ పోలీస్ స్టేషన్‌లో ఫిర్యాదు చేసినట్లు వార్తలు వస్తున్నాయి.
Kanaka: సీనియర్ ఎన్టీఆర్ హీరోయిన్ ఇప్పుడు ఎలా ఉందో చూస్తే షాక్ అవుతారు!
ఆమె తనను ఇంటి నుంచి గెంటివేసినట్టు పేర్కొన్నట్లు తెలుస్తోంది. అలాగే, జయం రవి తన ఫిర్యాదులో చెన్నైలోని ఈసీఆర్ రోడ్‌లోని ఆర్తి ఇంటి నుండి తన వస్తువులను తిరిగి ఇవ్వాలని పోలీసు శాఖను అభ్యర్థించినట్లు సమాచారం. గత కొన్ని నెలలుగా తమిళ చిత్రసీమలో సినిమా ప్రమోషన్ల కంటే నటీనటుల విడాకుల గురించే ఎక్కువగా చర్చ జరుగుతోంది. కొన్ని నెలల క్రితం జి.వి. ప్రకాష్-సైంధవి ఇష్యూ గురించి మాట్లాడుకుంటే, ఇప్పుడు జయం రవి-ఆర్తి గురించి చాలా మాట్లాడుకున్నారు. జయం రవి విడాకులు ప్రకటించే ముందు, గాయని సుచిత్ర తన యూట్యూబ్ ఛానెల్‌లో జయం రవి-ఆర్తి విడాకుల గురించి మాట్లాడారు.