Gufi Paintal: ‘మహాభారత్’ నటుడు ఇకలేరు

Gufi Paintal: చిత్ర పరిశ్రమలో వరుస మరణాలు ప్రజలను భయబ్రాంతులకు గురిచేస్తున్నాయి. ఒకరి తరువాత ఒకరు ఇండస్ట్రీలోని నటులు మృతిచెందుతున్నారు. తాజాగా మహాభారతం సీరియల్ లో శకునిగా నటించి మెప్పించిన గుఫీ పైంటాల్ కన్నుమూశారు. ప్రస్తుతం ఆయన వయస్సు 80. గత కొన్ని ఏళ్లుగా వయో వృద్ధాప్య సమస్యలతో పోరాడుతున్న ఆయనను కొన్నిరోజుల క్రితం ఒక ప్రైవేట్ ఆసుపత్రిలో జాయిన్ చేశారు. చికిత్స తీసుకుంటూనే ఆయన నేటి ఉదయం మృతిచెందినట్లు కుటుంబ సభ్యులు ధృవీకరించారు.

Naga Vamsi: ఈ యంగ్ ప్రొడ్యూసర్ ‘సింహం’తో సినిమా చేస్తున్నాడా?

గుఫీ.. చాలా సినిమాలతో పాటు సీరియల్స్ లో కూడా నటించి మెప్పించారు. ఆయనకు ఎక్కువ పేరు తెచ్చిన సీరియల్స్ అంటే పౌరాణికమే అని చెప్పాలి. మహాభారతం లో శకునిగా గుర్తింపు తెచ్చుకున్న ఆయన .. ఆ తరువాత ఓం నమశ్శివాయ, రాధాకృష్ణ, సీఐడీ తదితర సీరియల్స్ లో నటించి మెప్పించారు. ఇకపోతే ఆయన మృతిపట్ల పలువురు సినీ ప్రముఖులు సోషల్ మీడియా వేదికగా సంతాపం వ్యక్తం చేస్తున్నారు. గుఫీకి ఒక కొడుకు ఉన్నాడు. ఇక ఆయన అంత్యక్రియలను నేటి సాయంత్రం అంధేరిలో నిర్వహించనున్నట్లు కుటుంబ సభ్యులు తెలిపారు. గుఫీ మరణవార్త విన్న అభిమానులు ఆయనకు సంతాపం వ్యక్తం చేస్తున్నారు.