బాలీవుడ్ లో ప్రస్తుతం అందరూ తెగ మాట్లాడుకుంటోన్న మల్టీ స్టారర్ ‘పఠాన్’. అదేంటి ఆ సినిమా ఓన్లీ షారుఖ్ ఖాన్ మూవీనే కదా అంటారా? నిజమే ‘పఠాన్’లో ఎస్ఆర్కేనే హీరో. కానీ, దాదాపు 20 నిమిషాల సేపూ తెరపై సల్మాన్ కనిపిస్తాడట. అదీ దుమ్మురేపే యాక్షన్ సీన్స్ లో! ఇందుకోసం నిర్మాత ఆదిత్య చోప్రా, దర్శకుడు సిద్ధార్థ్ ఆనంద్ భారీగా బిల్డప్ షాట్స్ ప్లాన్ చేశారట. రష్యన్ మాఫియాని ఎదుర్కొంటోన్న షారుఖ్ అనుకోకుండా ఇబ్బందుల్లో పడగా ‘టైగర్’ వస్తాడు. అంటే, సల్మాన్ ‘టైగర్’ సినిమా ఫ్రాంఛైజ్ నుంచీ అక్కడి సీక్రెట్ ఏజెంట్ వస్తాడన్నమాట! అయితే, ఇప్పుడు లెటెస్ట్ టాక్ ఏంటంటే సల్మాన్ ఖాన్ ఎంట్రీ భారీ హెలికాప్టర్ లో జరుగుతుందట. దానికి వేలాడుతూ ‘దబంగ్’ ఖాన్ ఇంట్రో జరగ్గానే థియేటర్లు దద్ధరిల్లుతాయని చెప్పుకుంటున్నారు. చూడాలి మరి, షారుఖ్, సల్మాన్ తో పాటూ దీపికా పదుకొణే, జాన్ అబ్రహాం లాంటి వారు కూడా ఉన్న భారీ బడ్జెట్ ‘పఠాన్’ ప్రేక్షకుల్నించీ ఎలాంటి రెస్పాన్స్ పొందుతుందో!
