Daaku Maharaaj : బాలయ్య ఫ్యాన్స్ పై కేసు నమోదు.. ఎందుకంటే..?

నందమూరి బాలకృష్ణ హీరోగా డైరెక్టర్ బాబీ కొల్లి కాంబోలో తెరకెక్కిన లేటెస్ట్ యాక్షన్ థ్రిల్లర్ మూవీ ‘డాకు మహారాజ్’. సంక్రాంతి పండుగ కానుకగా జనవరి 12న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద దుమ్మురేపుతోంది. శ్రద్ధా శ్రీనాథ్, చాందినీ చౌదరి, ఊర్వశి రౌతేలా, బాబీ డియోల్‌, సచిన్ ఖేడేకర్, హర్షవర్థన్, హిమజ లు ప్రధాన పాత్రల్లో నటించగా, బాలయ్య మాస్ యాక్షన్, డైరెక్టర్ బాబీ విజన్, తమన్ మ్యూజిక్ బీజీఎం కాంబో సక్సెస్ కావడంతో ఈ మూవీ సూపర్ హిట్ అయింది. అంతేకాదు పాజివిట్ టాక్‌ని పొందడంతో పాటు కలెక్షన్ల పరంగా కూడా దూసుకెళ్తోంది.

ఇదిలా ఉంటే తాజాగా బాలయ్య ఫ్యాన్స్ పై పోలీసులు కేసు నమోదు చేశారు. వివరాల్లోకి వెళితే ‘డాకు మహారాజ్’ మూవీ రిలీజ్ రోజు జనవరి 12న రాత్రి సమయంలో కొందరు అభిమానులు థియేటర్ వద్దకు పొట్టేలును తోలుకొచ్చి.. బహిరంగంగా కత్తితో బలిచ్చి.. దాని రక్తం సినిమా పోస్టర్ పై చల్లారు.దీనికి సంబంధించిన వీడియో సోషల్ మీడియాలో వైరల్‌గా మారింది. ఈ ఘటనపై స్పందించిన తిరుపతి డీఎస్పీ వెంకట నారాయణ వారిపై కేసు నమోదు చేయాలని ఆదేశించాడు. దీంతో వీడియో ని పరిశీలించి ఆర్సీపురం మండలం మచ్చారెడ్డిపల్లికి చెందిన శంకరయ్య, తిరుపతి కొర్లగుంటకు చెందిన రమేష్, చింతామణికి చెందిన సురేష్ రెడ్డి, బంగారు పాలెం కు చెందిన ప్రసాద్, పల్లె పట్టుకు చెందిన లోకేష్ బాబు గా గుర్తించారు. వారిపై జంతు చట్టం కింద కేసు నమోదు చేసి దర్యాప్తు చేస్తున్నారు.‌‌