Yoga vs Gym: గుండె ఆరోగ్యానికి యోగా బెటారా? జిమ్‌కు వెళ్లాలా.?

Yoga vs Gym: ప్రపంచవ్యాప్తంగా అనారోగ్యం వల్ల పెరుగుతున్న మరణాల్లో ‘‘గుండె సంబంధిత వ్యాధులు’’ ఎక్కువగా ఉంటున్నాయి. శారీరక శ్రమ లేకపోవడం, ఆహారపు అలవాట్లు, మద్యం-సిగరేట్ అలవాట్లు గుండె ఆరోగ్యాన్ని ప్రభావితం చేస్తున్నారు. ఇదే కాకుండా బీపీ, షుగర్ వంటి సమస్యలు కూడా గుండె పనితీరును ప్రభావితం చేస్తున్నాయి. అయితే, గుండె ఆరోగ్యం కోసం యోగా చేయడం బెటారా? లేక జిమ్ చేయడం బెటారా? అనే విషయం చాలా మందిని వేధిస్తుంటుంది.

జిమ్, యోగా రెండూ కూడా హార్ట్ హెల్త్‌కు చాలా ప్రయోజనాలు చేకూరుస్తాయని వైద్యులు చెబుతున్నారు. ఈ రెండు వేర్వేరు మార్గాల ద్వారా గుండె ఆరోగ్యాన్ని మెరుగుపరుస్తాయి. ఈ రెండింటిని వేరు చేయకుండా, రెండు మార్గాలను అనుసరిస్తే చాలా మంచిదని చెబుతున్నారు.

జిమ్ ఎలా ప్రయోజనం:

వేగంగా నడబడం, జాగింగ్, సైక్లింగ్, రోయింగ్, స్ట్రెంత్ ట్రైనింగ్ వంటి జిమ్ వ్యాయామాలు గుండె ఫిట్‌నెస్‌ను మెరుగుపరుస్తాయి. గుండె సమర్థవంతంగా పనిచేసేలా చేస్తాయి. ఈ వ్యాయామం వల్ల తక్కువ శ్రమతో కండరాలకు, అవయవాలకు ఆక్సిజన్ ఉన్న రక్తం అందించడానికి వీలవుతుంది.

జిమ్ వల్ల శరీరంలోని కొలెస్ట్రాల్ తగ్గుతాయి. దీని ఫలితంగా బీపీ కంట్రోల్ అవుతుంది. శరీరం బరువు అదుపులో ఉంటుంది. గుండెపోటు, స్ట్రోక్ రిస్క్ తగ్గుతుంది. శారీరక సామర్థ్యం పెరుగుతుంది.

యోగా బెనిఫిట్స్:

జిమ్ వర్కౌట్‌లలా కాకుండా, యోగా శరీర సౌలభ్యం, శ్వాస, సమతుల్యత మరియు మానసిక శ్రేయస్సుపై దృష్టి పెడుతుంది. ఇది వేగంగా నడవడం లేదా జాగింగ్ చేసినంతగా ఏరోబిక్ ఫిట్‌నెస్‌ను పెంచకపోయినా, గుండెకు మేలు చేసే అనేక ప్రయోజనాలను అందిస్తుంది. యోగా వల్ల ఒత్తిడి, ఆందోళన తగ్గుతాయి. గుండెపై ప్రభావం చూపించే హార్మోన్లు తగ్గుతాయి. శరీరం ప్లెక్సిబిలిటీ మెరుగవుతుంది. మానసిక శ్రేయస్సు పెరుగుతుంది. మనసును ప్రశాంత పరచడం వల్ల నాడీ వ్యవస్థ విశ్రాంతి పెరుగుతుంది.

ఏదో ఒకటి చేస్తే సరిపోతుందా?

యోగా వల్ల ఎన్నో ప్రయోజనాలు ఉన్నప్పటికీ గుండె పనితీరు, స్టామినా పెంచడానికి అవసరమైన ఏరోబిక్ వ్యాయామాన్ని పూర్తిగా భర్తీ చేయదు. ఆరోగ్యవంతమైన పెద్దవారు వారానికి కనీసం 150 నిమిషాల పాటు మోస్తారు నుంచి తీవ్రమైన ఏరోబిక్ వ్యాయామం చేయాలని వైద్యులు సూచిస్తున్నారు. గుండె ఆరోగ్యానికి యోగా, జిమ్ ఒక్కటే పరిష్కారం కాదు. ఈ రెండింటిని సమతుల్యం చేయడం ద్వారా మరింత బెటర్ రిజల్ట్స్ పొందొచ్చు.