Heart Rate: భయం, ఏదైనా ఆలోచిస్తున్నప్పుడు హార్ట్ బీట్ అస్మాత్తుగా ఎందుకు పెరుగుతుంది?
కొన్నిసార్లు మనం లోతైన ఆలోచనల్లో మునిగిపోయినప్పుడు లేదా ఆందోళన, భయంతో చుట్టుముట్టబడినప్పుడు.. మన హృదయ స్పందన అకస్మాత్తుగా పెరుగుతుంది. ఈ పరిస్థితి చాలా మందికి సంభవిస్తుంది. సాధారణంగా ఓ వ్యక్తి హృదయ స్పందన నిమిషానికి 60 నుంచి 100 బీట్స్ (BPM) ఉంటుంది. కానీ హృదయ స్పందన రేటు 100 BPM కంటే ఎక్కువగా ఉంటే.. దానిని ‘టాచీకార్డియా’ అంటారు. ఇది ఎందుకు జరుగుతుంది? ఏదైనా వ్యాధికి సంకేతమా? అనే విషయాలను తెలుసుకుందాం..
READ MORE: YS Jagan: మహిళలకు మీరు కల్పిస్తున్న రక్షణ ఇదేనా..? నిలదీసిన జగన్..
మనం ఏదైనా ఆందోళన, భయం, ఉద్రిక్తత లేదా గందరగోళ ఆలోచనలలో మునిగిపోయినప్పుడు..శరీరంలో ఒత్తిడి హార్మోన్ల స్థాయి అంటే కార్టిసాల్, అడ్రినలిన్ పెరగడం ప్రారంభమవుతుంది. దీని కారణంగా హృదయ స్పందన పెరుగుతుంది. ఇది శరీరంలో జరిగే సహజ ప్రక్రియ. మనస్సులో జరుగుతున్న ఊహలు ఏదో ప్రమాదం పొంచి ఉన్నట్లు శరీరాన్ని అనుభూతి చెందిస్తాయి. అంతే కాకుండా.. ఆలోచించేటప్పుడు వేగవంతమైన పల్స్ మానసిక ఒత్తిడికి కూడా సంకేతం కావచ్చు. ఇది శరీరాన్ని శారీరకంగా కూడా ప్రభావితం చేస్తుంది.
ఈ అంశంపై కార్డియాలజీ విభాగానికి చెందిన ప్రముఖ డాక్టర్ అజిత్ జైన్ వివరణ ఇచ్చారు. “ఏదైనా ఆలోచిస్తున్నప్పుడు హృదయ స్పందన రేటు పెరగడం తీవ్ర అనారోగ్యాన్ని సూచించదు. కానీ అది మానసిక లేదా గుండె సంబంధిత రుగ్మతకు సంకేతం కావచ్చు. కొన్నిసార్లు ఇది థైరాయిడ్ లేదా కెఫిన్ అధికంగా తీసుకోవడం వల్ల జరగవచ్చు. దానితో పాటు మైకము, భయము, ఛాతీ నొప్పి, చెమట లేదా శ్వాస ఆడకపోవడం వంటి లక్షణాలు ఉంటే, వెంటనే వైద్యుడిని సంప్రదించాలి.” అని పేర్కొన్నారు.