HIV: HIV చికిత్సలో కీలక ముందడుగు.. చైనా సైంటిస్టుల ఘన విజయం..

HIV: వైద్య రంగం ఇంత అభివృద్ధి చెందినా ఇప్పటికీ HIV చికిత్స పూర్తిస్థాయిలో అందుబాటులోకి రాలేదు. ఒక్కసారి హెచ్‌ఐవీ సోకితే, చనిపోయే దాకా దీనితో బాధపడాల్సిందే. వ్యాధి ముదరకుండా ఉండేందుకు వైరస్‌ను కట్టడి చేసే మెడిసిన్స్ ఉన్నప్పటికీ, పూర్తిగా క్యూర్ చేసే చికిత్స లేదు. అయితే, తాజాగా HIV నిపూర్తిగా శరీరం నుంచి తరిమికొట్టేలా చైనా శాస్త్రవేత్తలు ఘన విజయం సాధించారు.

Read Also: Muhammad Yunus: దిగిపోతూ, భారత్‌పై యూనస్ అక్కసు..‘‘7 సిస్టర్స్ కామెంట్స్’’..

CRISPR జీన్‌ ఎడిటింగ్ సాంకేతికతను ఉపయోగించి మానవ కణాల DNA నుండి HIV ను విజయవంతంగా తొలగించారు. ఈ కొత్త అధ్యయనం ప్రపంచవ్యాప్తంగా అందరి దృష్టిని ఆకర్షించింది. CRISPR మాలిక్యులర్ కత్తెరలా పనిచేస్తుంది. డీఎన్ఏ నిర్దిష్ట భాగాలను ఖచ్చితంగా కత్తిరించడానికి వీలు కల్పిస్తుంది. హెచ్‌ఐవీ ఇన్ఫెక్షన్‌లో, వైరస్ తన జన్యపదార్థాన్ని మానవుడి కణాల్లోకి చొప్పించి, దాక్కుంటుంది. దీంతో ఈ వైరస్ చికిత్సలకు లొంగకుండా ఉంటుంది. యాంటీరెట్రోవైరల్ థెరపీ (ART) ద్వారా ప్రస్తుతం హెచ్ఐవీకి చికిత్స అందిస్తున్నారు. ఇది వైరస్ శరీరంలో ఎక్కువ కాకుండా అడ్డుకుంటుంది, తప్పితే పూర్తిగా శరీరం నుంచి తీసేయదు. కొత్త కణాల్లోకి వైరస్ వెళ్లకుండా చేయగలుగుతుంది.

అయితే, ఇది ప్రారంభ దశలో ఉన్న పరిశోధన మాత్రమే అని నిపుణులు చెబుతున్నారు. ఇది ప్రస్తుతం ప్రయోగశాల వరకు మాత్రమే పరిమితమైందని, భవిష్యత్తులో హ్యుమన్ ట్రయల్స్ ప్రారంభం అవసరమని చెబుతున్నారు. జీన్‌ ఎడిటింగ్ కూడా ప్రమాదాలను కలిగి ఉంటుందని, ఇన్ఫెక్షన్ సోకిన కణాలకు బదులుగా ఆరోగ్యవంతమైన కణాల్లోని డీఎన్‌ఏ కత్తిరించే అవకాశం ఉంటుందని, ఇది ప్రమాదకరంగా మారుతుందని చెబుతున్నారు. ప్రస్తుతం ప్రపంచవ్యాప్తంగా 4 కోట్ల మంది హెచ్ఐవీలో బాధపడుతున్నారు. అయితే, CRISPR-ఆధారిత చికిత్స భవిష్యత్తులో హెచ్ఐవీ లేని సమాజంగా మార్చే అవకాశం ఉంది.