Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
- Follow Us :
-
-
Add as a preferred
source on google
Crispy Murmura Mixture: సాయంత్రం వేళ టీ తాగేటప్పుడు ఏదైనా కరకరలాడే స్నాక్ తినాలని ప్రతి ఒక్కరికీ అనిపిస్తుంది. అయితే బయట కొనే చిరుతిళ్లు, నూనెలో డీప్ ఫ్రై చేసిన పదార్థాలు ఆరోగ్యానికి అంత మంచివి కావు. అలాంటి వారికోసం డీప్ ఫ్రై అనే మాటే లేకుండా, కేవలం రెండు టేబుల్ స్పూన్ల నూనెతో నిమిషాల్లో తయారయ్యే రుచికరమైన ‘మరమరాల మిక్చర్’ రెసిపీ ఎలా చేసుకోవాలో ఇక్కడ చూసేద్దాం. కొత్తిమీర, పుదీనా ఫ్లేవర్తో ఎంతో కమ్మగా ఉండే ఈ స్నాక్ను ఒక్కసారి ఇలా చేసి పెట్టారంటే పిల్లలు కూడా లొట్టలేసుకుంటూ తింటారు. పైగా దీనిని గాజు సీసాలో నిల్వ చేసుకుంటే 15 రోజుల పాటు తాజాగా ఉంటుంది. మరి ఈ హెల్తీ అండ్ టేస్టీ మిక్చర్ ఎలా తయారు చేసుకోవాలో ఇప్పుడు తెలుసుకుందాం.
కావలసిన పదార్థాలు:
* మరమరాలు/బొరుగులు – 150 గ్రాములు
* పచ్చిమిర్చి – 4
* కొత్తిమీర – ఒక గుప్పెడు
* పుదీనా – ఒక గుప్పెడు
* ఎండు కొబ్బరి ముక్కలు – 50 గ్రాములు (చిన్న ముక్కలుగా కట్ చేసినవి)
* పల్లీలు (వేరుశనగ గింజలు) – 3 టేబుల్ స్పూన్లు
* కరివేపాకు – 2 రెబ్బలు
* పసుపు – అర టీస్పూన్
* ఉప్పు – అర టేబుల్ స్పూన్
* నూనె – 2 టేబుల్ స్పూన్లు
Also Read
- Amla Pulihora Recipe: పుల్లపుల్లగా, కమ్మకమ్మగా నోరూరించే 'ఉసిరికాయ పులిహోర'.. కేవలం నిమిషాల్లోనే రెడీ చేసుకోండి ఇలా..!
- Homemade Healthy Snacks: బయట కొనే పని లేకుండా ఇంట్లోనే పల్చటి, క్రిస్పీ నువ్వుల పట్టీ.. ఇలా చేస్తే 2 వారాలు ఫ్రెష్!
- AMH తక్కువగా ఉంటే IVF తప్పనిసరా? మహిళలు తెలుసుకోవాల్సిన విషయాలు...
- Low Cost House Construction: రూ.5 లక్షలకే సొంత ఇల్లు.. ఇటుకలు, సిమెంట్ లేకుండానే నిర్మాణం..? అద్భుతమైన టెక్నాలజీ!
తయారీ విధానం:
గ్రీన్ పేస్ట్ తయారీ:
ముందుగా ఒక మిక్సీ జార్ తీసుకుని అందులో 4 పచ్చిమిర్చి, ఒక గుప్పెడు కొత్తిమీర, ఒక గుప్పెడు పుదీనా వేసి మెత్తని పేస్ట్లా గ్రైండ్ చేసి పక్కన పెట్టుకోవాలి. తర్వాత స్టవ్ మీద ఒక వెడల్పాటి కడాయి పెట్టి, అందులో 150 గ్రాముల మరమరాలు వేసి రెండు నుండి మూడు నిమిషాల పాటు డ్రై రోస్ట్ (నూనె లేకుండా వేయించడం) చేసుకోవాలి. మరమరాలు క్రిస్పీగా మారిన తర్వాత వాటిని ఒక గిన్నెలోకి తీసి పక్కన పెట్టుకోవాలి.
డ్రై ఫ్రూట్స్, తాలింపు వేయించడం:
ఇప్పుడు అదే కడాయిలో రెండు టేబుల్ స్పూన్ల నూనె వేసి వేడి చేయాలి. నూనె కాగిన తర్వాత మనం ముందుగానే చిన్న ముక్కలుగా కట్ చేసి పెట్టుకున్న 50 గ్రాముల ఎండు కొబ్బరి ముక్కలు, మూడు టేబుల్ స్పూన్ల పల్లీలు వేసి దోరగా వేయించుకోవాలి. అవి చక్కగా వేగిన తర్వాత రెండు రెబ్బల కరివేపాకు వేసి మరో అర నిమిషం పాటు వేయించి, ఈ మిశ్రమాన్ని ఒక బౌల్లోకి తీసి పక్కన పెట్టుకోవాలి.
మసాలా పేస్ట్ తో మిక్చర్ కలపడం:
అదే కడాయిలో మనం ముందుగా గ్రైండ్ చేసి పెట్టుకున్న కొత్తిమీర, పుదీనా పేస్ట్ వేసి.. అందులో అర టీస్పూన్ పసుపు, అర టేబుల్ స్పూన్ ఉప్పు వేసి బాగా కలపాలి. ఈ పేస్ట్లో ఉన్న తేమ అంతా పూర్తిగా పోయి, నూనె పైకి తేలేంత వరకు సన్నని మంటపై బాగా వేయించుకోవాలి. ఆ తర్వాత మనం ముందుగానే వేయించి పెట్టుకున్న ఎండు కొబ్బరి ముక్కలు, పల్లీలు, కరివేపాకు మిశ్రమాన్ని ఇందులో వేసి మరో నిమిషం పాటు ఫ్రై చేసుకోవాలి. చివరగా మనం వేయించి పెట్టుకున్న మరమరాలను కూడా కడాయిలో వేసి, మసాలా అంతా మరమరాలకు బాగా పట్టేలా గరిటెతో కలుపుతూ స్టవ్ ఆఫ్ చేయాలి. ఈ మరమరాల మిక్చర్ పూర్తిగా చల్లారిన తర్వాత ఒక శుభ్రమైన గాజు సీసాలో (ఎయిర్ టైట్ కంటైనర్) స్టోర్ చేసుకుంటే 10 నుండి 15 రోజుల పాటు ఎంతో కరకరలాడుతూ, కమ్మగా ఉంటుంది.
తాజావార్తలు
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
IPL 2027 Retention Live: రిటెన్షన్ లిస్ట్ ఎప్పుడు ప్రకటిస్తారు?.. లైవ్ స్ట్రీమింగ్ డీటెయిల్స్ ఇవే!
-
Vijaya Dairy Board Emergency Meeting: విజయ డైరీలో కీలక పరిణామం.. రేపటికి వాయిదా పడిన బోర్డు అత్యవసర సమావేశం!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!
-
Lakshya Raichandani: ఆ ఐపీఎల్ టీమ్లో ఆడడమే నా టార్గెట్.. మనసులో మాట చెప్పేసిన అండర్-19 కెప్టెన్!
ట్రెండింగ్
-
ఏడు అంగుళాల భారీ డిస్ప్లే, 13,300mAh బ్యాటరీతో HONOR కొత్త స్మార్ట్ఫోన్..!
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!