ఉద్యోగాల కోసం ట్రై చేస్తున్నారా? మీరు ఇంజినీరింగ్ పూర్తి చేసి ఖాళీగా ఉన్నారా? అయితే మీకు గుడ్ న్యూస్. భారత్ హెవీ ఎలక్ట్రికల్స్ లిమిటెడ్ ఒప్పంద ప్రాతిపదికన ఇంజినీర్ ట్రైనీ, సూపర్ వైజర్ ట్రైనీ పోస్టుల భర్తీకి నోటిఫికేషన్ రిలీజ్ చేసింది. ఈ రిక్రూట్ మెంట్ ద్వారా మొత్తం 400 పోస్టులను భర్తీ చేయనున్నది. భర్తీకానున్న పోస్టుల్లో ఇంజనీర్ ట్రైనీలు–150, సూపర్వైజర్ ట్రైనీ–250 ఉన్నాయి. ఈ పోస్టులకు ఎంపికైతే నెలకు రూ. 50 వేల శాలరీ పొందొచ్చు. జాబ్ లేదని వర్రీ అవుతున్న వారు ఈ ఛాన్స్ ను మిస్ చేసుకోకండి.
బెల్ జాబ్స్ కోసం పోటీపడే అభ్యర్థులు ఇంజనీరింగ్/టెక్నాలజీలో ఫుల్టైం బ్యాచిలర్ డిగ్రీ లేదా సంబంధిత విభాగంలో ఇంటిగ్రేటెడ్ మాస్టర్ డిగ్రీ,డ్యూయల్ డిగ్రీ, ఇంజనీరింగ్ డిప్లొమా ఉత్తీర్ణులై ఉండాలి. అభ్యర్థుల వయసు 01.02.2025 నాటికి 27 ఏళ్లు మించకూడదు. ఈ పోస్టులకు సీబీటీ టెస్ట్, ఇంటర్వ్యూ, డాక్యుమెంట్ వెరిఫికేషన్ ఆధారంగా అభ్యర్థులను ఎంపికచేస్తారు. ఎంపికైన వారికి ఇంజనీర్ ట్రైనీ పోస్టులకు నెలకు రూ.50 వేలు, సూపర్వైజర్ ట్రైనీ పోస్టులకు నెలకు రూ.32 వేలు అందిస్తారు.
దరఖాస్తు ఫీజు UR/EWS/OBC వారు ఎగ్జామ్ ఫీజు రూ. 600, 400 +GST కలుపుకుని రూ. 1072 చెల్లించాలి. SC/ST/PWD/Ex-Servicemen ఎగ్జామ్ ఫీజు లేదు. కానీ, ప్రాసెసింగ్ ఫీజు 400 +GST కలుపుకుని రూ. 472 చెల్లించాలి. దరఖాస్తు ప్రక్రియ ఫిబ్రవరి 01 నుంచి ప్రారంభం కానున్నది. అర్హత, ఆసక్తి ఉన్నవారు ఫిబ్రవరి 28 వరకు ఆన్ లైన్ విధానంలో అప్లై చేసుకోవచ్చు. అభ్యర్థులు పూర్తి సమాచారం కోసం www.bhel.comపై క్లిక్ చేసి పొందొచ్చు.
