బీటెక్ కుర్రాళ్లకు ఐటీ జాబ్స్ కు మించిన ప్రభుత్వ ఉద్యోగాలున్నాయి. బీటెక్ కంప్లీట్ చేసి జాబ్స్ కోసం ట్రై చేస్తున్న వారు ఈ ఛాన్స్ ను మిస్ చేసుకోకండి. కేంద్ర విద్యుత్ సంస్థలో జాబ్ పొందే ఛాన్స్ వచ్చింది. ఏకంగా నెలకు రూ. లక్ష జీతంతో ఈ ఉద్యోగాలు భర్తీకానున్నాయి. ఇటీవల నేషనల్ థర్మల్ పవర్ కార్పోరేషన్ సీనియర్ ఎగ్జి్క్యూటివ్ పోస్టుల భర్తీకి నోటిఫికేషన్ రిలీజ్ చేసింది. ఈ రిక్రూట్ మెంట్ ద్వారా మొత్తం 8 పోస్టులను భర్తీ చేయనున్నారు. జాబ్ సెర్చ్ లో ఉన్నవారు ఈ ఛాన్స్ ను మిస్ చేసుకోకండి.
సీనియర్ ఎగ్జిక్యూటివ్స్ పోస్టుల కోసం పోటీపడే వారు గుర్తింపు పొందిన యూనివర్సిటీ నుంచి బీఈ/బీటెక్ ఉత్తీర్ణులై ఉండాలి. కనీసం 60 శాతం మార్కులు సాధించి ఉండాలి. పీజీడీఎం/ఎంబీఏ అర్హత కలిగిన వారు కూడా అప్లై చేసుకోవచ్చు. దీంతోపాటు సంబంధిత రంగంలో కనీసం 5 ఏళ్ల అనుభవం కలిగి ఉండాలి. అభ్యర్థుల వయసు 38 ఏళ్లు మించకూడదు. రిజర్వ్డ్ కేటగిరీ వర్గాల వారికి వయో సడలింపు నిబంధనలు వర్తిస్తాయి. సీనియర్ ఎగ్జిక్యూటివ్ పోస్టులకు ఎంపికైన వారికి నెలకు రూ. 1లక్ష జీతం అందిస్తారు.
అభ్యర్థులు అప్లికేషన్ ఫీజుగా జనరల్ కేటగిరి వారు రూ. 300 చెల్లించాలి. ఎస్సీ/ ఎస్టీ, పీడబ్ల్యూడీబీ, ఎక్స్సర్వీస్మెన్, మహిళలకు ఫీజు నుంచి మినహాయింపు కల్పించారు. అభ్యర్థులు ఆన్ లైన్ విధానంలో అప్లై చేసుకోవాల్సి ఉంటుంది. ఇప్పటికే దరఖాస్తు ప్రక్రియ ప్రారంభమైంది. అర్హత, ఆసక్తి ఉన్నవారు ఫిబ్రవరి 4 వరకు అప్లై చేసుకోవచ్చు. అభ్యర్థులు పూర్తి సమాచారం కోసం ఎన్టీపీసీ అధికారిక వెబ్ సైట్ ను సందర్శించాల్సి ఉంటుంది.