డిగ్రీలు, పీజీలు పూర్తి చేసి జాబ్ కోసం వెయిట్ చేస్తున్న వారు వేల సంఖ్యలో ఉన్నారు. ఉద్యోగం లభించక, బిజినెస్ చేసే స్థోమత లేక నిరాశలో కొట్టుమిట్టాడుతున్నారు. ఇలాంటి వారికి గుడ్ న్యూస్. ఏకంగా సెంట్రల్ గవర్నమెంట్ జాబ్ ను సాధించే ఛాన్స్ వచ్చింది. ఇటీవల సెంట్రల్ బోర్డ్ ఆఫ్ సెకండరీ ఎడ్యుకేషన్ పలు ఉద్యోగాల భర్తీకి నోటిఫికేషన్ రిలీజ్ చేసింది. సూపరింటెండెంట్, జూనియర్ అసిస్టెంట్ పోస్టుల భర్తీకి ప్రక్రియ ప్రారంభించింది. ఈ రిక్రూట్ మెంట్ ద్వారా మొత్తం 212 పోస్టులను భర్తీ చేయనున్నారు.
భర్తీ కానున్న పోస్టుల్లో సూపరింటెండెంట్ 142, జూనియర్ అసిస్టెంట్ 70 పోస్టులున్నాయి. డైరెక్ట్ రిక్రూట్ మెంట్ ప్రాతిపదికన భర్తీ చేయనున్నారు. ఈ పోస్టులకు పోటీపడే అభ్యర్థులు పోస్టులను అనుసరించి ఇంటర్, డిగ్రీ ఉత్తీర్ణులై ఉండాలి. కంప్యూటర్ నాలెడ్జ్ కలిగి ఉండాలి. ఇంగ్లీష్, హిందీ టైపింగ్ స్కిల్స్ కలిగి ఉండాలి. అభ్యర్థుల వయసు సూపరింటెండెంట్ పోస్టులకు 30 ఏళ్లు.. జూనియర్ అసిస్టెంట్ పోస్టులకు 18 నుంచి 27 ఏళ్లు మించకూడదు. రిజర్వ్డ్ కేటగిరీ వర్గాల వారికి వయోసడలింపు నిబంధనలు వర్తిస్తాయి.
అప్లికేషన్ ఫీజు అన్‌రిజర్వ్‌డ్‌/ ఓబీసీ/ ఈడబ్ల్యూఎస్‌ వారికి రూ.800గా నిర్ణయించారు. ఎస్సీ/ ఎస్టీ/ దివ్యాంగులు/ ఎక్స్‌సర్వీస్‌మెన్‌/ మహిళా అభ్యర్థులకు ఫీజు చెల్లించాల్సిన పనిలేదు. ఈ పోస్టులకు సీబీటీ, స్కిల్‌ టెస్ట్‌, షార్ట్‌లిస్టింగ్‌ తదితరాల ఆధారంగా అభ్యర్థులను ఎంపిక చేస్తారు. అర్హత, ఆసక్తి ఉన్నవారు జనవరి 31 వరకు ఆన్ లైన్ విధానంలో అప్లై చేసుకోవచ్చు. అభ్యర్థులు పూర్తి సమాచారం కోసం ఈ లింక్ పై క్లిక్ చేయండి.