Usha Vance: మత మార్పిడిపై ఉషా వాన్స్ కీలక వ్యాఖ్యలు
- మత మార్పిడిపై ఉషా వాన్స్ కీలక వ్యాఖ్యలు
- తన భర్త ఎప్పుడూ అలా చేయలేదని వెల్లడి
- సోషల్ మీడియాలో వీడియోలు వైరల్
- Follow Us :
-
-
Add as a preferred
source on google
అమెరికా ఉపాధ్యక్షుడు జేడీ వాన్స్ భార్య ఉషా వాన్స్ మరోసారి తన మత విశ్వాసాలపై స్పందించారు. తాను హిందూ కుటుంబంలో పెరిగానని.. అందువల్ల క్రైస్తవ మతంలోకి మారాల్సిన అవసరం ఎప్పుడూ అనిపించలేదని స్పష్టం చేశారు. జేడీ వాన్స్ కేథలిక్ మతంలోకి మారినప్పటికీ.. తనపై ఎప్పుడూ మత మార్పిడి ఒత్తిడి తీసుకురాలేదని చెప్పారు.
ఇటీవల ప్రసారమైన ఒక ఇంటర్వ్యూలో ఉషా వాన్స్ మాట్లాడుతూ.. ‘‘జేడీ నన్ను క్రైస్తవ మతంలోకి మార్చాలని కోరుకుంటున్నారని చాలామంది భావిస్తున్నారు. కానీ అది అపార్థం. ఆయన కేథలిక్ కావడంతో తన విశ్వాసాన్ని ఇతరులతో పంచుకోవాలనే భావన ఉంటుంది. అంతే తప్ప ప్రతిరోజూ నన్ను మతం మార్చుకోమని ఒత్తిడి చేయరు’’ అని వివరించారు. జేడీ వాన్స్ తన బాల్యంలో అనేక కుటుంబ సమస్యలు, అస్థిర పరిస్థితులను ఎదుర్కొన్నారని గుర్తుచేశారు. ఆయన జీవితంలో స్థిరత్వం కోసం చాలా కాలం వెతికారని.. ఆ స్థిరత్వాన్ని ఆయన మత విశ్వాసంలో కనుగొన్నారని చెప్పారు. అయితే తన పెంపకం పూర్తిగా భిన్నమని పేర్కొన్నారు. ‘‘నేను భారతీయ వలసదారుల కుటుంబంలో, హిందూ సంప్రదాయాల మధ్య చాలా స్థిరమైన, సంతోషకరమైన వాతావరణంలో పెరిగాను. అందుకే జేడీలా కొత్తగా ఏదో వెతకాల్సిన అవసరం నాకు అనిపించలేదు’’ అని తెలిపారు.
Also Read
- Bangladesh: భారత్ నుంచే చుక్కలు చూపిస్తున్న హసీనా.. బంగ్లాదేశ్లో లాక్డౌన్!
- Asteroids: భూమి వైపు దూసుకొస్తున్న 5 గ్రహశకలాలు.. నాసా 48 గంటల పాటు అలర్ట్!
- Hindu Population: హిందూ జనాభాలో అగ్రస్థానం.. ముస్లిం జనాభాలో రెండో స్థానం.. 2070 నాటి ప్రపంచంలో భారత్లో పరిస్థితి!
- Fire Accident: నోబెల్ శాంతి బహుమతి గ్రహీత ఇంట్లో అగ్ని ప్రమాదం.. నిప్పు పెట్టిన దుండగులు..
జేడీ వాన్స్ మత విశ్వాసాల గురించి మాట్లాడుతూ.. ‘‘ఒకసారి నేను ఆయనతో ‘నీకు థెరపీ పనిచేయలేదు.. కానీ చర్చి పనిచేసింది’ అని చెప్పాను’’ అని ఉషా వెల్లడించారు. అయితే థెరపీ అందరికీ పనికిరాదని తాను చెప్పడం లేదని.. కానీ జేడీకి ఆ ప్రక్రియపై నమ్మకం ఏర్పడలేదని, చర్చిలో మాత్రం ఆయనకు మానసిక ప్రశాంతత లభించిందని చెప్పారు. ఈ ఇంటర్వ్యూలో తమ కుటుంబ జీవితంపై కూడా ఉషా ఆసక్తికర విషయాలు పంచుకున్నారు. ఇప్పటికే ముగ్గురు పిల్లలకు తల్లిదండ్రులైన జేడీ, ఉషా దంపతులు త్వరలో నాలుగో బిడ్డకు స్వాగతం పలకబోతున్నారు. మరొక బిడ్డను కనాలని గత కొంతకాలంగా జేడీ ఆలోచిస్తున్నారని ఉషా వెల్లడించారు. ‘‘భవిష్యత్తులో పశ్చాత్తాపం లేకుండా ఉండాలంటే మరో బిడ్డ ఉండాలని ఆయన భావించారు’’ అని చెప్పారు.
ఇదిలా ఉండగా.. ఫాదర్స్ డే సందర్భంగా ఉషా నిర్వహించే ‘స్టోరీటైమ్ విత్ ది సెకండ్ లేడీ’ పోడ్కాస్ట్లో జేడీ వాన్స్ పాల్గొన్నారు. కార్యక్రమంలో ఉషా ‘‘హనీ.. ఈ రోజు వచ్చినందుకు ధన్యవాదాలు’’ అని చెప్పగా.. జేడీ ‘‘నిన్ను చూడటం ఆనందంగా ఉంది’’ అంటూ ఆమె మోకాలిపై చేయి వేసిన దృశ్యం సోషల్ మీడియాలో వైరల్ అయింది. ఈ వీడియోపై కొందరు నెటిజన్లు విమర్శలు గుప్పించారు. ‘‘ఇది చాలా అసౌకర్యంగా కనిపించింది’’ అని కొందరు వ్యాఖ్యానించగా.. మరికొందరు ‘‘ఆయన ఆమెను పెంపుడు జంతువును తడిమినట్టుగా తట్టారు’’ అంటూ ట్రోల్ చేశారు.
Usha Vance: I didn’t need to convert to Catholicism and try to be someone I’m not like JD because I grew up in a happy, stable household.
I love this woman. JD can rewrite every aspect of his own identity in order to gain power. But he can’t change Usha. pic.twitter.com/GRsjBRdKKv
— Richard Hanania (@RichardHanania) June 23, 2026
The face Usha Vance makes when JD touches her knee is a cry for help if I've ever seen one pic.twitter.com/UQX2khC9CW
— Mike Nellis (@MikeNellis) June 23, 2026
- Tags
- hindu
- Religion
- Usha Vance
తాజావార్తలు
-
Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
-
Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
-
‘RAPO23’ లో ఊహించని ట్విస్ట్ ఇదేనట! విలన్గా ఆ సీనియర్ స్టార్?
-
TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
-
CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!