UK Elections 2024: బ్రిటన్‌లో 2024 ఎన్నికల్లో లేబర్ పార్టీ ఘనవిజయం సాధించింది. సంక్షోభంలో ఉన్న ఆర్థిక వ్యవస్థ, జీవన వ్యయ సంక్షోభం, ప్రజా సేవల కొరత, అక్రమ వలసలతో బ్రిటన్ పోరాడుతోంది. ఇదిలా ఉంటే లేబర్ పార్టీ సాధించిన చారిత్రాత్మక విజయం.. పార్టీ భుజాలపై బాధ్యతల భారాన్ని పెంచింది. బ్రిటన్ ప్రజలు లేబర్ పార్టీపై భారీ అంచనాలు పెట్టుకున్నారు. నిజానికి లేబర్ పార్టీ బ్రిటీష్ ప్రజలకు ఆర్థిక స్థిరత్వాన్ని పునరుద్ధరిస్తుందని, ప్రభుత్వ వ్యయాన్ని అదుపులో ఉంచుతుందని, తక్కువ పన్నులను విధిస్తామని హామీలు చేసింది. లేబర్ పార్టీ తమది సుస్థిరమైన, బాధ్యతాయుతమైన పార్టీ అని ఓటర్లను నమ్మించేందుకు ప్రయత్నిస్తోంది. ఈ పార్టీ కొనసాగుతున్న ఆర్థిక సంక్షోభాన్ని చక్కగా నిర్వహించగలదని ప్రజల్లో నమ్మకం ఉంది.
Read Also: Crime Thriller Kidnap : తనకు తానే కిడ్నప్ అయినట్లు సృష్టించి తల్లితండ్రుల నుండి 2 లక్షలు డిమాండ్..
బ్రిటన్ ఎన్నికల్లో రిషి సునాక్ ఎందుకు ఓడిపోయాడు?
‘గెట్ బ్రిటన్ బిల్డ్ ఎగైన్’ తరహాలో పనిచేస్తామని లేబర్ పార్టీ హామీ ఇచ్చింది. అంటే హౌసింగ్, ఆధునిక మౌలిక సదుపాయాలపై పెట్టుబడి పెట్టబడుతామని చెప్పింది. వచ్చే ఐదేళ్లలో 1.5 మిలియన్ల కొత్త ఇళ్లను నిర్మిస్తామని లేబర్ పార్టీ హామీ ఇచ్చింది. ఇది క్లీన్ ఎనర్జీ వంటి భవిష్యత్ సాంకేతికతలలో పెట్టుబడిని ప్రోత్సహించడానికి, జాతీయ సంపద నిధిని కూడా సృష్టించాలనుకుంటోంది. మొత్తం మీద లేబర్ పార్టీ బ్రిటన్‌ను ‘క్లీన్ ఎనర్జీ సూపర్ పవర్’గా మార్చాలనే ఆలోచనలో ఉంది.
ఆర్థిక వ్యవస్థను గాడిలో పెట్టేందుకు లేబర్ పార్టీ చర్యలు చేపడుతుందని ప్రజలు విశ్వసించారు. విద్యుత్ బిల్లులను నియంత్రించడానికి, గ్రీన్ ఎనర్జీని ప్రవేశపెట్టడానికి ప్రభుత్వ యాజమాన్యంలోని గ్రేట్ బ్రిటిష్ ఎనర్జీ కంపెనీని ఏర్పాటు చేయాలనే దాని ప్రణాళిక దీనికి ఉదాహరణ. విఫలమవుతున్న నేషనల్‌ హెల్త్ సర్వీస్‌(NHS)ను పరిష్కరించడానికి ప్రజలంతా ఆరోగ్య సంరక్షణ వ్యవస్థలో భారీ మార్పులను కోరుకుంటున్నారు. దీని అర్థం ఎక్కువ మంది ఆరోగ్య కార్యకర్తలను నియమించడం, మరిన్ని ఆసుపత్రులను నిర్మించడం, అపాయింట్‌మెంట్‌ల కోసం వేచి ఉండే సమయాన్ని తగ్గించడం వంటి వాటిని ఆశిస్తున్నారు.
వలసల సమస్య పరిష్కారానికి..
వలసల సమస్యను పరిష్కరించడానికి బోర్డర్ సెక్యూరిటీ కమాండ్‌ను రూపొందించాలని లేబర్ పార్టీ కోరుకుంటోంది. ప్రతి సంవత్సరం యూకేలోకి ప్రవేశించడానికి ఎంత మంది వలసదారులను అనుమతించాలో నియంత్రించడానికి ఇది యూరోపియన్ దేశాలతో కలిసి పని చేస్తుంది. చివరగా లేబర్ పార్టీ కూడా రక్షణ వ్యయాన్ని జీడీపీలో 2.5 శాతంకు పెంచాలని లక్ష్యంగా పెట్టుకుంది. ఉక్రెయిన్‌పై రష్యా దాడి చేసినప్పటి నుండి, అనేక యూరోపియన్ దేశాలు తమ రక్షణ వ్యయాన్ని పెంచాయి. బ్రిటన్ సాయుధ బలగాలు సంవత్సరాల కోత తర్వాత తీవ్రంగా బలహీనపడ్డాయి. ఆధునికీకరణ అవసరం ఉంది. రక్షణ విధానంలో బలంగా ఉండాలన్నదే తమ ఉద్దేశమని లేబర్ పార్టీ స్పష్టం చేసింది.