Site icon NTV Telugu

Trump: ఇరాన్‌తో ఒప్పందం చేసుకునే ప్రసక్తే లేదు.. 3 వారాల్లో కఠిన చర్యలుంటాయని వార్నింగ్

Suresh Maddala
Trump1

Trump1

ఇరాన్‌తో ఒప్పందం చేసుకునే ప్రసక్తేలేదని.. భవిష్యత్‌లో కూడా ఎలాంటి ఒప్పందం చేసుకోబోమని ట్రంప్ ప్రకటించారు. అమెరికా ప్రజలను ఉద్దేశించి ట్రంప్ ప్రసంగించారు. రాబోయే రెండు, మూడు వారాల్లో ఇరాన్‌పై కఠిన చర్యలు ఉంటాయని హెచ్చరించారు. ఇరాన్‌ అంతు చూస్తామని… చమురు క్షేత్రాలపై దాడి చేస్తామని వార్నింగ్ ఇచ్చారు. కాకపోతే యుద్ధం మాత్రం చాలా త్వరగా ముగుస్తుందని సంకేతాలు ఇచ్చారు. ఎట్టి పరిస్థితుల్లో ఇరాన్‌ను అణ్వస్త్ర శక్తిగా మారడానికి ఒప్పుకోబోమని తేల్చి చెప్పారు. ఇరాన్‌పై ఆపరేషన్ ఎపిక్ ఫ్యూరీ కొనసాగుతుందని వెల్లడించారు.

అయితే ఈ సందర్భంగా తనదో సూచన అన్నారు. హార్ముజ్‌తో అమెరికాకు ఎలాంటి ఇబ్బంది లేదని.. దానితో మాకు అంత పని లేదన్నారు. హార్ముజ్‌పై ఆధారపడే దేశాలే కాపాడుకోవాలని హితవు పలికారు. ఇక అమెరికా దగ్గర చమురు పుష్కలంగా ఉందని.. తమ దగ్గర చమురు కొనుగోలు చేసుకోవాలని ప్రపంచ దేశాలకు ట్రంప్ విజ్ఞప్తి చేశారు.

గల్ఫ్ దేశాలను అవసరమైన అన్ని మార్గాల ద్వారా కాపాడుకుంటామని హామీ ఇచ్చారు. ఇరాన్‌లో తమ లక్ష్యాలను పూర్తి చేయడానికి చాలా దగ్గరగా ఉన్నామని తెలిపారు. చాలా వీలైనంత త్వరగా ఈ చర్యను ముగిస్తామని అమెరికా ప్రజలకు ట్రంప్ హామీ ఇచ్చారు. ఇరాన్ నౌకాదళం, వైమానిక దళం, ఐఆర్‌జీసీ కమాండ్ పూర్తిగా ధ్వంసమైందని పేర్కొన్నారు. ఒక నాయకుడిగా ఎంత గొప్పవాడినో చూపించబోతున్నానని ట్రంప్ కీలక వ్యాఖ్యలు చేశారు.

ఇది కూడా చదవండి: Trump: అమెరికా నాశనం కావాలని కోరుకున్న వారి అంతు చూశాం

వేగవంతమైన చర్య ద్వారా వెనిజులా దేశాన్ని తమ నియంత్రణలోకి తీసుకున్నామని.. ఈ సందర్భంగా అమెరికా సైనికులను ట్రంప్ ప్రశంసంచారు. వెనిజులాలోని విస్తారమైన చమురు, గ్యాస్ నిల్వలను అభివృద్ధి చేసి.. విక్రయించడానికి ఇప్పుడు ఆ దేశంతో కలిసి పని చేస్తున్నట్లుగా ట్రంప్ వెల్లడించారు.

 

Exit mobile version