Donald Trump: పాకిస్తాన్ రాజధాని ఇస్లామాబాద్ వేదికగా జరుగబోతున్న అమెరికా-ఇరాన్ శాంతి చర్చలపై ప్రతిష్టంభన వీడలేదు. చర్చలకు ముందు ఇరాన్ 2 కొత్త డిమాండ్లను పెట్టడం సంచలనంగా మారింది. ఇదిలా ఉంటే, ఇప్పుడు అమెరికా అధ్యక్షుడు డొనాల్డ్ ట్రంప్ ఇరాన్కు స్ట్రాంగ్ వార్నింగ్ ఇచ్చారు. శనివారం నుంచి ప్రారంభం కావాల్సిన చర్చలకు కొన్ని గంటల ముందు ట్రంప్ ఈ వ్యాఖ్యలు చేయడం గమనార్హం. డీల్ కుదరకుంటే మళ్లీ దాడులు ప్రారంభిస్తామని హెచ్చరించారు. ఇరాన్పై దాడి చేయడానికి అమెరికా యుద్ధనౌకలలో ఆయుధాలను తిరిగి నింపుతున్నామని అమెరికా అధ్యక్షుడు డొనాల్డ్ ట్రంప్ అన్నారు.
Read Also: Aditya Dhar: లెజెండ్ ప్రభాస్ “స్పిరిట్” సినిమా కోసం వేచి చూస్తున్నా.. “ధురంధర్” డైరెక్టర్ ఆదిత్యధర్
న్యూయార్క్ పోస్ట్కు ఇచ్చిన ఒక ఇంటర్వ్యూలో ట్రంప్ మాట్లాడుతూ.. ‘‘ మళ్లీ మేము ప్రారంభిస్తాము. మేము నౌకల్ని అత్యుత్తమ మందుగుండు సామాగ్రితో, ఇప్పటి వరకు తయారు చేసిన అత్యుత్తమ ఆయుధాలతో నింపుతున్నాము. గతంలో మనం ఉపయోగించిన వాటి కన్నా మెరుగైనవి, వాటితోనే మనం వారిని పేల్చేస్తాము’’ అని ఇరాన్కు హెచ్చరిలకు పంపారు. అమెరికా ఈ ఆయుధాలను సమర్థవంతంగా ఉపయోగిస్తుందని ట్రంప్ అన్నారు.