Taliban Rule: ఆఫ్ఘనిస్తాన్లో తాలిబన్ పాలనలో మహిళలకు పూర్తిగా హక్కులు లేని పరిస్థితి ఏర్పడింది. మహిళల్ని కేవలం వంటింటికే పరిమితం చేశారు. సంతాన్ని కనే మిషన్లుగా మార్చారు. తాజాగా, తాలిబన్ పాలకులు తీసుకువచ్చిన కొత్త క్రిమినల్ కోడ్ మహిళల్ని పురుషుల చేతిలో ఒక బానిసగా మార్చిందని చెప్పవచ్చు. తాలిబన్ నాయకుడు హిబతుల్లా అఖుండ్జాదా సంతకం చేసిన 90 పేజీల క్రిమినల్ కోడ్ అనేక శిక్షలు ఉన్నాయి. ముఖ్యంగా స్త్రీ స్వేచ్ఛను నిరాకరించేలా చట్టాలు ఉన్నాయి.
Read Also: Harish Rao: దళిత నాయకుడు బాల్క సుమన్ అరెస్టును తీవ్రంగా ఖండిస్తున్నాం..
అయితే, ఇది ఆఫ్ఘాన్ సమాజంలో హోదాలను చూసి శిక్షలను సృష్టిస్తోంది. మత నాయకులు, ముల్లాలు క్రిమినల్ ప్రాసిక్యూషన్ల నుంచి మినహాయింపు పొందారు, కింది స్థాయి ప్రజలు కఠిన శిక్షలను ఎదుర్కోవాల్సి వస్తోంది. ఇదిలా ఉంటే, భార్య/మహిళల్ని యథేచ్ఛగా శిక్షించవచ్చని నిబంధనలు పేర్కొంటున్నాయి. మహిళల్ని భర్త లేదా తండ్రి శిక్షించవచ్చు. దాడికి గురైన మహిళలు తమ గాయాలను న్యాయమూర్తులకు చూపిస్తేనే అది శిక్షార్హంగా మారుతుంది. అదే సమయంలో ఆమె పూర్తిగా తన శరీరాన్ని కప్పుకుని ఉంచుకోవాలి, ఆమె భర్త లేదా పురుష సహాయకుడు (మహ్రామ్) ఆమె వెంట కోర్టుకు రావాల్సి ఉంటుంది. ఇలాంటి నేరాల్లో నిందితులు భర్తలే అయినప్పటికీ, వారి సాయం తీసుకునే కోర్టుకు రావాల్సిన పరిస్థితి ఏర్పడింది.
ఒక మహిళ భర్త అనుమతి లేకుండా తన పుట్టింటికి లేదా ఇతర బంధువుల ఇంటికి వెళ్తే దానిని నేరంగా పరిగణిస్తారు. ఒక వేళ భర్త పిలిచినా ఆయన వద్దకు వెళ్లకున్నా, వెళ్లేందుకు కుటుంబీకులు/బంధువులు అడ్డు చెప్పినా వారిని నేరస్తులుగా పరిగణిస్తారు. ఇందుకు మూడు నెలల శిక్షను విధిస్తారు. ఈ నిబంధనలు గృహ హింసను పెంచే అవకాశం ఉందని హక్కుల సంస్థలు ఆందోళన వ్యక్తం చేస్తున్నాయి. మహిళ భర్తకు పూర్తిగా బానిసగా మారుతుందని చెబుతున్నారు.
