ప్రధాని మోడీ ఇజ్రాయెల్లో పర్యటిస్తున్నారు. రెండు రోజుల పర్యటన కోసం మోడీ బుధవారం ఇజ్రాయెల్ వెళ్లారు. టెల్ అవీవ్లో మోడీకి ఇజ్రాయెల్ ప్రధాని నెతన్యాహు దంపతులు ఘనస్వాగతం పలికారు. ఈ సందర్భంగా నెతన్యాహు భార్య సారా దుస్తులు-మోడీ పాకెట్ స్క్వేర్ ప్రత్యేక ఆకర్షణగా నిలిచాయి. సారా నారింజ రంగు (కుంకుమ పువ్వు) దుస్తులు ధరించారు. మోడీ పాకెట్ స్క్వేర్ కూడా అదే కలర్లో ఉండడంతో నెతన్యాహు ప్రత్యేకంగా వేలు పెట్టి చూపిస్తూ ఇద్దరి కలర్లు ఒకేలా ఉన్నాయని చూపించారు. ఇందుకు సంబంధించిన ఫొటోలు, వీడియోలు వైరల్ అవుతున్నాయి.
ఇది కూడా చదవండి: Arjun Tendulkar Wedding: జామ్నగర్లో అర్జున్ టెండూల్కర్ ప్రత్యేక వివాహ వేడుకలు.. వీడియో వైరల్
‘‘మిమ్మల్ని చూడటం ఆనందంగా ఉంది’’ అని ప్రధాని మోడీతో నెతన్యాహు అన్నారు. మోడీ కూడా అంతే వేగంగా హృదయపూర్వకంగా పలకరించారు. మోడీ సాంప్రదాయ తెల్లటి కుర్తా, పైజామా ధరించి.. స్లీవ్లెస్ జాకెట్ ధరించారు. పాకెట్లో కాషాయ చతురస్రాన్ని ధరించారు. అలాగే నెతన్యాహు భార్య కూడా అదే రంగులో ఉన్న దుస్తులు ధరించింది. దీన్ని గమనించిన నెతన్యాహు ఇద్దరికి ఒకే పోలికగా ఉన్నాయని చూపించారు. ‘‘ఆమె ఏం వేసుకుందో చూశారా?’’ అని నెతన్యాహు.. ప్రధాని మోడీ పాకెట్ స్క్వేర్ వైపు.. భార్య దుస్తుల వైపు చూపించారు. ప్రధాని మోడీ వెంటనే ఆ విషయాన్ని గ్రహించి.. ‘‘అవును.. కాషాయం’’ అని నవ్వుతూ సమాధానమిచ్చారు.
ఈ సందర్భంగా ప్రధాని మోడీతో సారా హృదయపూర్వక సంభాషణ చేశారు. భారతదేశం ‘‘అద్భుతమైన దేశం’’గా అభివర్ణించారు. ఈ సందర్భంగా భారతదేశానికి రావాలనే తన కోరికను ప్రస్తావించారు. నెతన్యాహు వెంటనే తన అభిప్రాయాన్ని వ్యక్తం చేస్తూ.. మోడీ స్వయంగా ‘‘అద్భుతమైన నాయకుడు.’’ అని కొనియాడారు.
ఇక ఉమ్మడి విందుకు ముందు కూడా భారత సాంప్రదాయ దుస్తులతో నెతన్యాహు.. మోడీని పలకరించారు. ఇందుకు సంబంధించిన వీడియో కూడా వైరల్ అవుతోంది. ‘‘దుస్తుల దౌత్యం.. నేను నా స్నేహితుడు ప్రధాని మోడీని సాంప్రదాయ భారతీయ దుస్తులు ధరించి ఆశ్చర్యపరిచాను.’’ అని నెతన్యాహు రాసుకొచ్చారు.
ప్రధాని మోడీకి ఇజ్రాయెల్లో అరుదైన గౌరవం దక్కింది. పార్లమెంట్లో ఎంపీలను ఉద్దేశించి ప్రసంగించారు. అంతేకాకుండా మోడీకి ఇజ్రాయెల్ పార్లమెంట్ అత్యున్నత గౌరవమైన స్పీకర్ అఫ్ ది నెస్సెట్ మెడల్ ప్రదానం చేసింది.
Welcome to Israel my dear friend @narendramodi 🇮🇱🙏🇮🇳 pic.twitter.com/AnRtceD9Ci
— Benjamin Netanyahu – בנימין נתניהו (@netanyahu) February 25, 2026
हमारे संयुक्त रात्रिभोज से पहले, मैंने अपने मित्र प्रधानमंत्री मोदी को पारंपरिक भारतीय परिधान पहनकर चौंका दिया। 🇮🇱🇮🇳@narendramodi pic.twitter.com/3ElIQeLY97
— Benjamin Netanyahu – בנימין נתניהו (@netanyahu) February 25, 2026
