Breaking Bad Actor: ‘బ్రేకింగ్ బ్యాడ్’ నటుడు ఆర్జే మిట్టే హఠాన్మరణం
- ‘బ్రేకింగ్ బ్యాడ్’ నటుడు ఆర్జే మిట్టే హఠాన్మరణం
- 34 ఏళ్ల వయసులో అమెరికాలోని టెక్సాస్లో మరణం
- దివ్యాంగుల హక్కుల కోసం కూడా పోరాటం
- Follow Us :
-
-
Add as a preferred
source on google
ప్రముఖ అమెరికన్ టీవీ సిరీస్ ‘బ్రేకింగ్ బ్యాడ్’ నటుడు, దివ్యాంగుల హక్కుల కోసం పోరాడిన ఆర్జే మిట్టే కన్నుమూశారు. 34 ఏళ్ల వయసులో సోమవారం మరణించినట్లు అధికారులు, ఆయన ప్రతినిధులు వెల్లడించారు. అమెరికాలోని టెక్సాస్ రాష్ట్రం బ్రౌన్స్విల్లేలో ఉన్న ఆయన నివాసంలో చనిపోయినట్లు సమాచారం.
కామెరాన్ కౌంటీ జస్టిస్ ఆఫ్ ది పీస్ సిండీ హినోజోసా తెలిపిన వివరాల ప్రకారం.. సోమవారం మధ్యాహ్నం సుమారు 1.30 గంటలకు ఆర్జే మిట్టే మరణించినట్లు ఆమె ప్రకటించారు. అయితే ఆయన మృతికి గల కారణం ఇంకా వెల్లడికాలేదు. మృతదేహానికి పోస్టుమార్టం నిర్వహించనున్నట్లు అధికారులు తెలిపారు.
Also Read
- Russia Plane Crash: రష్యాలో ఘోర విషాదం.. గాల్లోనే అదుపుతప్పిన An-12 విమానం.. 19 మంది బలి
- US Iran Tensions: హార్ముజ్ జలసంధిపై అమెరికా LUCAS డ్రోన్ కూల్చివేసిన ఇరాన్!
- Bangladesh: ఢాకా ఎయిర్పోర్టు సమీపంలో బాంబు పేలుళ్లు.. షేక్ హసీనా రాకపై ఉత్కంఠ!
- Quad Summit: మోడీ ‘‘టఫ్ మ్యాన్’’.. ప్రధానిపై ట్రంప్ ప్రశంసలు!

ప్రపంచవ్యాప్తంగా ఆదరణ పొందిన ‘బ్రేకింగ్ బ్యాడ్’ టీవీ సిరీస్లో ఆర్జే మిట్టే కీలక పాత్ర పోషించారు. ఈ సిరీస్లో బ్రయాన్ క్రాన్స్టన్ పోషించిన వాల్టర్ వైట్ కుమారుడు వాల్టర్ వైట్ జూనియర్గా ప్రేక్షకులకు దగ్గరయ్యారు. ఐదు సీజన్ల పాటు ప్రసారమైన ఈ సిరీస్లో దాదాపు అన్ని ఎపిసోడ్లలో కనిపించారు. 2008 నుంచి 2013 వరకు ప్రసారమైన ఈ సిరీస్ ఆర్జే మిట్టేకు అంతర్జాతీయ స్థాయిలో గుర్తింపు తీసుకొచ్చింది. ఆ తర్వాత ‘స్విచ్డ్ అట్ బర్త్’, ‘గార్డియన్స్ ఆఫ్ జస్టిస్’ వంటి టీవీ కార్యక్రమాల్లోనూ నటించారు. స్వతంత్ర చిత్రాల నిర్మాణంలోనూ భాగస్వామిగా వ్యవహరించారు.
దివ్యాంగుల హక్కుల కోసం పోరాటం
ఆర్జే మిట్టే నటుడిగానే కాకుండా దివ్యాంగుల హక్కుల కోసం పనిచేసిన కార్యకర్తగానూ గుర్తింపు పొందారు. ఆయనకు మూడేళ్ల వయసులోనే సెరిబ్రల్ పాల్సీ ఉన్నట్లు నిర్ధారణ అయింది. తన జీవిత అనుభవాలను నటనలో ప్రతిబింబిస్తూ.. దివ్యాంగులపై సమాజంలో ఉన్న అపోహలను తొలగించేందుకు కృషి చేశారు. దివ్యాంగులకు వినోద రంగంలో మరింత ప్రాతినిధ్యం కల్పించడం, సమాన అవకాశాలు అందించడం వంటి అంశాలపై ఆయన తన వేదిక ద్వారా అవగాహన కల్పించారు. యునైటెడ్ సెరిబ్రల్ పాల్సీ, ష్రైనర్స్ చిల్డ్రన్స్ సంస్థలకు అంబాసిడర్గా పనిచేశారు. దివ్యాంగుల సంక్షేమం, సామాజిక కార్యక్రమాల కోసం తన పేరుతో ఉన్న మిట్టే ఫౌండేషన్కు అధ్యక్షుడిగానూ వ్యవహరించారు. ఆర్జే మిట్టే మరణవార్తతో టెలివిజన్ రంగంలో విషాదం నెలకొంది. నటుడిగా, దివ్యాంగుల హక్కుల కోసం గళమెత్తిన వ్యక్తిగా ఆయన చేసిన కృషిని అభిమానులు, సహచరులు గుర్తుచేసుకుంటున్నారు.
తాజావార్తలు
-
IPL 2027 Retentions: ధోనీ ఔట్.. ట్రావిస్ హెడ్, స్టార్క్కు షాక్.. 10 జట్ల రిటెన్షన్, రిలీజ్, పర్స్ డీటెయిల్స్ ఇవే!
-
Kulgam Gunfight: కుల్గాంలో ఉగ్రవాదులు, భద్రతా బలగాల మధ్య కాల్పులు.. లతీఫ్ భట్ కోసం వేట
-
200MP కెమెరా, AMOLED సెకండరీ డిస్ప్లే, 6,000mAh బ్యాటరీతో Xiaomi 18 Pro లాంచ్..!
-
Russia Plane Crash: రష్యాలో ఘోర విషాదం.. గాల్లోనే అదుపుతప్పిన An-12 విమానం.. 19 మంది బలి
-
200MP+200MP కెమెరాలు, IP66+IP68+IP69 రేటింగ్స్, 7,050mAh బ్యాటరీతో ప్రీమియం ఫోన్ Xiaomi 18 Pro Max లాంచ్..!
ట్రెండింగ్
-
MS Dhoni IPL Retirement: నా ఆలోచన తప్పు అని ఫాన్స్ నిరూపించారు.. ఎంఎస్ ధోనీ ఎమోషనల్ పోస్ట్!
-
Clothes Washing Mistakes : ఉతికే ముందు ఈ పొరపాటు చేస్తున్నారా? రంగులు వెలిసిపోవడం ఖాయం!
-
IPL Retentions 2027: ఎంఎస్ ధోనీ ఎందుకు, వదిలేయండి.. సీఎస్కే మాజీ స్టార్ సంచలన కామెంట్స్!
-
Crispy Murmura Mixture: బయట కొనే చిరుతిళ్లకు చెక్.. ఇంట్లోనే కమ్మని కరకరలాడే ‘మరమరాల మిక్చర్’ సులువుగా చేసుకోండి ఇలా..!
-
Amla Pulihora Recipe: పుల్లపుల్లగా, కమ్మకమ్మగా నోరూరించే ‘ఉసిరికాయ పులిహోర’.. కేవలం నిమిషాల్లోనే రెడీ చేసుకోండి ఇలా..!