Plastic Currency Trend: ప్రపంచ దేశాల్లో ప్లాస్టిక్ కరెన్సీ హవా! కాగితం కరెన్సీకి గుడ్ బై చెప్పిన దేశాలు ఇవే
- చిరగవు.. నలగవు.. నీటిలో తడిసినా పాడవ్వవు
- విదేశాల్లో ప్లాస్టిక్ కరెన్సీ క్రేజ్ మామూలుగా లేదు
- త్వరలోనే ఇండియాలో కూడా ప్లాస్టిక్ నోట్లు..
- సంచలన నిర్ణయం దిశగా ఆర్బీఐ అడుగులు
- Follow Us :
-
-
Add as a preferred
source on google
Plastic Currency Trend: కరెన్సీ అంటే ప్రేమ లేనిది ఎవరికి.. ప్రతి ఒక్కరి జీవితాలను మార్చే శక్తిని సొంతం చేసుకున్న ఈ నోట్ల కట్టలు ఇకపై చరిత్ర పుట్టల్లో భాగం కానున్నాయని తెలుస్తుంది. దీనికి బ్యాంక్ వర్గాలు కూడా అవుననే చెబుతున్నాయి. దేశంలో వేగంగా పెరుగుతున్న నగదు డిమాండ్ను తట్టుకోవడంతో పాటు, నకిలీ నోట్ల ముఠాలకు చెక్ పెట్టేందుకు రిజర్వ్ బ్యాంక్ ఆఫ్ ఇండియా (RBI) ఒక విప్లవాత్మక అడుగు వేయడానికి రెడీ అవుతుందని సమాచారం. ఇకపై సాంప్రదాయ కాగితపు నోట్లకు గుడ్ బై చెప్పి.. వాటి స్థానంలో అత్యంత మన్నికైన ప్లాస్టిక్ (పాలిమర్) నోట్లను ముద్రించే అంశాన్ని ఆర్బీఐ తీవ్రంగా పరిశీలిస్తోందట. ఇటీవల పాట్నా, ముంబైలలో జరిగిన ఆర్బీఐ బోర్డు సమావేశాలలో ఈ మార్పుపై క్షుణ్ణంగా చర్చలు జరిగినట్లు పలు నివేదికలు చెబుతున్నాయి. వాస్తవానికి ప్రపంచ దేశాల్లో ఇప్పటికే ఈ ప్లాస్టిక్ నోట్లు చలామణిలో ఉన్నాయి. ఏయే దేశాల్లో ఈ ప్లాస్టిక్ కరెన్సీ వాడుకలో ఉందో ఈ స్పెషల్ స్టోరీలో తెలుసుకుందాం.
పూర్తిగా ప్లాస్టిక్ నోట్లు చలామణి అవుతున్న 6 దేశాలు..
ప్రపంచవ్యాప్తంగా దాదాపు 60 దేశాలు ప్లాస్టిక్ నోట్లను పాక్షికంగా వాడుతున్నప్పటికీ, కొన్ని దేశాలు మాత్రం తమ ఆర్థిక వ్యవస్థ నుంచి కాగితపు నోట్లను పూర్తిగా తుడిచేసి, వంద శాతం పాలిమర్ కరెన్సీని వాడుతున్నాయి. ఆ దేశాలు ఏవి అంటే..
Also Read
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
- Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
- Thailand Phuket Fire Accident: థాయ్లాండ్లో ఘోర అగ్నిప్రమాదం.. 11 మంది మృతి, 17 మందికి గాయాలు!
ఆస్ట్రేలియా: 1988లోనే పాలిమర్ నోట్లను ప్రవేశపెట్టిన ప్రపంచపు మొట్టమొదటి దేశం ఆస్ట్రేలియా. ప్రస్తుతం ప్రపంచంలో ఈ నోట్లను ఉత్పత్తి చేస్తున్న ఏకైక దేశం కూడా ఇదే.
న్యూజిలాండ్: ఈ దేశం 1999లోనే తన కాగితపు కరెన్సీ మొత్తాన్ని చలామణి నుంచి తొలగించింది. ఇక్కడ $5 నుంచి $100 వరకు అన్నీ ప్లాస్టిక్ నోట్లే చలామణిలో ఉన్నాయి.
బ్రూనై: ఆగ్నేయాసియాలోని ఈ సంపన్న దేశం నకిలీ నోట్ల ముప్పును పూర్తిగా నిర్మూలించడానికి ప్లాస్టిక్ నోట్లను స్వీకరించింది.
వియత్నాం: 2003లో వియత్నాం పాలిమర్ నోట్లను దేశంలో ప్రవేశపెట్టారు. ఇక్కడి కరెన్సీ ‘డాంగ్’ పూర్తిగా ప్లాస్టిక్తోనే తయారవుతుంది.
రొమేనియా: 2005లో రొమేనియా దేశంలోని అన్ని నోట్లను పాలిమర్గా మార్చిన ఏకైక యూరోపియన్ దేశంగా రికార్డు సృష్టించింది.
పపువా న్యూ గినియా: 1975 తర్వాత ‘కినా’ అనే సరికొత్త ప్లాస్టిక్ కరెన్సీని ఈ దేశం వాడుకలోకి తీసుకొచ్చింది. (జీ-7 శిఖరాగ్ర సమావేశం కోసం ప్రధానమంత్రి నరేంద్ర మోడీ తొలిసారిగా ఈ దేశాన్ని సందర్శిస్తుండటం గమనార్హం).
ప్రపంచవ్యాప్తంగా ప్లాస్టిక్ కరెన్సీకి పెరుగుతున్న క్రేజ్.. కానీ
ప్రస్తుతం సింగపూర్, ఇండోనేషియా, మలేషియా, థాయిలాండ్, కెనడా వంటి దాదాపు 60 దేశాల్లో ఈ సరికొత్త సాంకేతికత అందుబాటులోకి వచ్చింది. అయితే ప్రపంచంలోనే అత్యంత బలమైన కరెన్సీ అయిన అమెరికా డాలర్ ($) మాత్రం ఇప్పటికీ పూర్తిగా ప్లాస్టిక్తో తయారు కాకపోవడం విశేషం. అమెరికా తన కరెన్సీని పత్తి (Cotton), నారల (Linen) ప్రత్యేక మిశ్రమంతో తయారు చేస్తుంది. ప్రస్తుతం ప్రపంచ ధోరణిని బట్టి చూస్తే.. త్వరలోనే భారత కరెన్సీ ‘రూపాయి’ కూడా సరికొత్త ప్లాస్టిక్ రూపంలో మన జేబుల్లోకి రావడం ఖాయంగా కనిపిస్తోందని విశ్లేషకులు అభిప్రాయపడుతున్నారు.
ప్లాస్టిక్ నోట్ల ప్రత్యేకత ఇదే..
కాగితపు నోట్లను దశలవారీగా తొలగించి, ప్లాస్టిక్ నోట్లను తీసుకురావడానికి ప్రధాన కారణాలు.. వాటి తక్కువ ఖర్చు, ఎక్కువ మన్నిక అనే చెబుతున్నారు. సాధారణ కాగితపు నోట్ల కంటే ప్లాస్టిక్ నోట్లు సుమారు రెండున్నర రెట్లు ఎక్కువ కాలం చలామణిలో ఉండగలవని బ్యాంకింగ్ నిపుణులు చెబుతున్నారు. అలాగే ఈ నోట్లు నీరు, తేమ, మురికిని సులభంగా తట్టుకోవడం పెద్ద ప్లస్ అని అంటున్నారు. పొరపాటున జేబులో ఉంచి నీటిలో నానబెట్టినా లేదా వాషింగ్ మెషిన్లో వేసినా ఇవి అస్సలు పాడవ్వవు. అలాగే ఈ నోట్లు అంత తేలిగ్గా చిరగవు. దీనివల్ల పదేపదే కొత్త నోట్లు ముద్రించే ఖర్చు ప్రభుత్వానికి తప్పుతుంది. అన్నింటికంటే ముఖ్యంగా, ప్లాస్టిక్ నోట్లను నకిలీ చేయడం లేదా కాపీ కొట్టడం ఎవరికీ సాధ్యం కాదని చెబుతున్నారు. ఇన్ని ప్రత్యేకతలు ఉండటంతో ఆర్బీఐ కూడా ఈ ప్లాస్టిక్ నోట్లను దేశంలో ప్రవేశ పెట్టాలని భావిస్తుందని చెబుతున్నారు.
తాజావార్తలు
-
Telangana Govt: కీలక నిర్ణయం తీసుకున్న తెలంగాణ ప్రభుత్వం.. గృహ నిర్మాణ పథకం లబ్ధిదారులకు ఊరట..
-
Janta Movie: మెగా హీరో ‘జంట’ సెన్సేషనల్ క్యాప్షన్ వెనుక అసలు కథ ఇదే!!
-
The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
-
UP Congress-SP Alliance: 181 సీట్లు కోరుతున్న కాంగ్రెస్.. లీకైన జాబితాతో అఖిలేష్పై ఒత్తిడి!
-
Success Story: ఐఐటీ కుర్రాడి క్రేజీ బిజినెస్ ఐడియా.. కుల్దీప్ సక్సెస్ స్టోరీ కచ్చితంగా చదవాల్సిందే!
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!