Pakistan Air Hostess Recruitment Rules: పాకిస్తాన్‌లో ఎయిర్ హోస్టెస్ నియామకానికి వింత నిబంధన..
- Follow Us :
-
-
Add as a preferred
source on google
Pakistan Air Hostess Recruitment Rules: పాకిస్తాన్‌లో ఎయిర్ హోస్టెస్ నియామకాలపై ఇటీవల వెలువడిన ప్రకటనలు చర్చనీయాంశమయ్యాయి. ముఖ్యంగా కొన్ని విమానయాన సంస్థలు మహిళా అభ్యర్థులకు “అవివాహిత” అనే నిబంధనను అర్హతగా పేర్కొనడం ఆశ్చర్యానికి గురిచేస్తోంది. సాధారణంగా కమ్యూనికేషన్ నైపుణ్యాలు, శారీరక దృఢత్వం, విద్యార్హత వంటి ప్రమాణాలు విమానయాన రంగంలో తప్పనిసరి. అయితే, అక్కడి కొన్ని ఎయిర్‌లైన్స్ అదనపు నిబంధనలు విధించడం చర్చకు దారితీసింది.
కొన్ని విమానయాన సంస్థలు ఎయిర్ హోస్టెస్‌గా నియమించుకునే మహిళా అభ్యర్థులు అవివాహితులై ఉండాలి అని స్పష్టంగా పేర్కొన్నాయి. విమానయాన రంగంలో శారీరక ఫిట్‌నెస్, ఎత్తు, భాషా ప్రావీణ్యం వంటి ప్రమాణాలు సాధారణమే అయినప్పటికీ, వైవాహిక స్థితిని అర్హతగా నిర్ణయించడం అరుదుగా కనిపించే విషయం. నివేదికల ప్రకారం, Pakistan International Airlines గతంలో మహిళా క్యాబిన్ క్రూ పోస్టుల కోసం నిర్వహించిన వాక్-ఇన్ రిక్రూట్‌మెంట్ డ్రైవ్‌లో అవివాహిత మహిళలకే అర్హత కల్పించినట్లు సమాచారం.
ఏయే నిబంధనలు?
పాకిస్తాన్‌లోని కొన్ని ప్రైవేట్ ఎయిర్‌లైన్స్ క్యాబిన్ క్రూ నియామకాల్లో ఈ క్రింది ప్రమాణాలు పెట్టినట్లు నివేదికలు చెబుతున్నాయి:
* మహిళా అభ్యర్థులు అవివాహితులు కావాలి
* కనీస విద్యార్హత: ఇంటర్మీడియట్
* వయస్సు: 18–25 సంవత్సరాలు
* కనీస ఎత్తు: 5 అడుగులు 2 అంగుళాలు
* ఇంగ్లీష్, ఉర్దూ భాషల్లో ప్రవేశం
* శారీరక దృఢత్వం, BMI ప్రమాణాలు
కొన్ని నివేదికల ప్రకారం, Pakistan International Airlines గతంలో మహిళా క్యాబిన్ క్రూ పోస్టుల కోసం వాక్-ఇన్ డ్రైవ్ నిర్వహించి, అవివాహిత మహిళలకే అర్హత ఉన్నట్లు పేర్కొంది.. విమానయాన రంగంలో సాధారణంగా శారీరక దృఢత్వం, కమ్యూనికేషన్ నైపుణ్యాలు, ఎత్తు వంటి ప్రమాణాలు ఉంటాయి. అయితే, వైవాహిక స్థితిని అర్హతగా పేర్కొనడం అరుదైన విషయంగా విమర్శలు వస్తున్నాయి.
వేతనం మరియు ఎంపిక ప్రక్రియ
ఎంపికైన అభ్యర్థులకు సుమారు 100,000 పాకిస్తానీ రూపాయలు (దాదాపు 32,000 భారతీయ రూపాయలు) జీతంగా ఇస్తారు.. ఇంటర్వ్యూలు 5-స్టార్ హోటల్‌లలో నిర్వహించినట్లు సమాచారం. అయితే, క్యాబిన్ క్రూ ఉద్యోగాల్లో కఠినమైన శారీరక, కమ్యూనికేషన్ ప్రమాణాలు సాధారణమే అయినప్పటికీ, అవివాహితులకే పరిమితం చేయడం వంటి నిబంధనలు సామాజిక చర్చకు దారితీస్తున్నాయి. విమానయాన రంగంలో సమాన అవకాశాలపై మళ్లీ చర్చ మొదలైంది.