Netanyahu: వస్తున్నా.. దమ్ముంటే అరెస్ట్ చేయండి.. న్యూయార్క్ మేయర్కు నెతన్యాహు సవాల్
- న్యూయార్క్కు వచ్చి తీరుతా
- దమ్ముంటే అరెస్ట్ చేయండి
- న్యూయార్క్ మేయర్కు నెతన్యాహు సవాల్
- Follow Us :
-
-
Add as a preferred
source on google
ఇజ్రాయెల్ ప్రధాని బెంజమిన్ నెతన్యాహు తనపై అంతర్జాతీయ క్రిమినల్ కోర్టు అరెస్ట్ వారెంట్ ఉన్నప్పటికీ సెప్టెంబరులో అమెరికాలోని న్యూయార్క్కు వెళ్లి ఐక్యరాజ్యసమితి సర్వసభ్య సమావేశంలో ప్రసంగిస్తానని స్పష్టం చేశారు. న్యూయార్క్ మేయర్ జోహ్రాన్ మమ్దానీ తన అరెస్టుకు పిలుపునిచ్చినా తాను వెనక్కి తగ్గబోనని ప్రకటించారు. ఫాక్స్ న్యూస్కు ఇచ్చిన ఇంటర్వ్యూలో నెతన్యాహు మాట్లాడుతూ.. ‘‘యూదు ప్రజల సత్యం కోసం నేను న్యూయార్క్కు వస్తాను. ఐక్యరాజ్యసమితి వేదికపై ఇజ్రాయెల్ తరఫున, ఇజ్రాయెల్-అమెరికా మైత్రి కోసం నిజాన్ని ప్రపంచానికి చెబుతాను.’’ అని అన్నారు.
మమ్దానీపై నెతన్యాహు విమర్శలు
న్యూయార్క్ మేయర్ జోహ్రాన్ మమ్దానీ నగర ప్రజలందరికీ సమానంగా వ్యవహరించకుండా సమాజంలో విభేదాలు సృష్టిస్తున్నారని నెతన్యాహు ఆరోపించారు. ‘‘మేయర్గా ఆయన యూదులు, క్రైస్తవులు, ముస్లింలు సహా అందరి తరఫున పనిచేయాలి. కానీ ఒక వర్గాన్ని మరో వర్గానికి వ్యతిరేకంగా రెచ్చగొట్టే ప్రయత్నం చేస్తున్నారు.’’ అని విమర్శించారు. అలాగే మమ్దానీ హమాస్కు మద్దతు ఇస్తున్నారని ఆరోపిస్తూ.. 2023 అక్టోబర్ 7న ఇజ్రాయెల్పై హమాస్ దాడిని సమర్థించిన వారిపట్ల ఆయన సానుభూతి చూపారని పేర్కొన్నారు. గాజాలో ఇజ్రాయెల్ మారణహోమానికి పాల్పడిందన్న ఆరోపణలను నెతన్యాహు తిరస్కరించారు. ‘‘మారణహోమం చేసినవారు మేము కాదు. హమాస్ అనే ఉగ్రవాద సంస్థను ఎదుర్కొంటున్నాం. అసలు నేరస్థులు వారే.’’ అని అన్నారు. అలాగే మమ్దానీ వ్యాఖ్యలు న్యూయార్క్లోని యూదు సమాజంలో భయాందోళనలు పెంచుతున్నాయని ఆరోపించారు.
Also Read
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- Imran Khan: ‘‘ప్రాణాలతో తిరిగి రాకపోవచ్చు’’.. నిస్సహాయ స్థితిలో ఇమ్రాన్ ఖాన్ లేఖ!
- Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
- Thailand Phuket Fire Accident: థాయ్లాండ్లో ఘోర అగ్నిప్రమాదం.. 11 మంది మృతి, 17 మందికి గాయాలు!
కొద్ది రోజుల క్రితం న్యూయార్క్ మేయర్ జోహ్రాన్ మమ్దానీ మాట్లాడుతూ.. నెతన్యాహు న్యూయార్క్కు రావడానికి స్వాగతం లేదని.. ఆయన అమెరికా వస్తే అంతర్జాతీయ క్రిమినల్ కోర్టు జారీ చేసిన అరెస్ట్ వారెంట్ను అమలు చేయాలని అమెరికా ఫెడరల్ ప్రభుత్వాన్ని కోరారు. న్యూయార్క్ నగరానికి ఆ వారెంట్ అమలు చేసే చట్టబద్ధ అధికారం లేకపోయినా, ఫెడరల్ అధికారులు చర్యలు తీసుకోవాలని అన్నారు.
ఐసీసీ వారెంట్ ఎందుకు?
2024లో గాజా యుద్ధానికి సంబంధించి యుద్ధ నేరాలు, మానవత్వానికి వ్యతిరేక నేరాలకు పాల్పడ్డారనే ఆరోపణలపై అంతర్జాతీయ క్రిమినల్ కోర్టు (ICC) ఇజ్రాయెల్ ప్రధాని బెంజమిన్ నెతన్యాహు, మాజీ రక్షణ మంత్రి యోవ్ గల్లాంట్లపై అరెస్ట్ వారెంట్లు జారీ చేసింది. అయితే ఇజ్రాయెల్ ఈ ఆరోపణలను పూర్తిగా ఖండించింది. తాము ఐసీసీ సభ్య దేశం కాదని, ఆ కోర్టుకు తమపై అధికార పరిధి లేదని పేర్కొంటోంది.
నెతన్యాహుకు ట్రంప్ మద్దతు
అమెరికా అధ్యక్షుడు డొనాల్డ్ ట్రంప్ కూడా ఈ వివాదంపై స్పందించారు. ‘‘నెతన్యాహు అమెరికాలో ఉన్న సమయంలో ఎట్టి పరిస్థితుల్లోనూ ఆయనను అరెస్ట్ చేయరు.’’ అని సోషల్ మీడియాలో ప్రకటించారు. అమెరికా ప్రభుత్వం కూడా ఇజ్రాయెల్పై ఐసీసీ అధికార పరిధిని అంగీకరించదని ట్రంప్ మరోసారి స్పష్టం చేశారు.
ఈ వారం నెతన్యాహు వాషింగ్టన్లో అధ్యక్షుడు ట్రంప్తో సమావేశం కానున్నారు. అనంతరం సెప్టెంబరులో న్యూయార్క్లో జరిగే ఐక్యరాజ్యసమితి సర్వసభ్య సమావేశంలో పాల్గొని ప్రసంగించనున్నారు. ఆయన పర్యటనతో ఐసీసీ అరెస్ట్ వారెంట్, గాజా యుద్ధం, అంతర్జాతీయ దౌత్యపరమైన పరిణామాలపై మరోసారి ప్రపంచవ్యాప్తంగా చర్చ జరిగే అవకాశం ఉంది.
- Tags
తాజావార్తలు
-
Windfall Tax Hike: కేంద్రం కీలక నిర్ణయం.. డీజిల్ ఎగుమతులపై పన్ను లీటరుకు రూ.14కు పెంపు.. పెట్రోల్పై జీరో డ్యూటీ!
-
IPL 2027-MS Dhoni: ఐపీఎల్ 2027లో ఎంఎస్ ధోనీ ఆడతాడా?.. ఏడాది ఉత్కంఠకు తెర!
-
Indian Employees Emergency Savings: జీతం వస్తేనే జీవనం.. భారత ఉద్యోగుల ఆర్థిక పరిస్థితిపై సంచలన సర్వే..!
-
Motorola Edge 70 Neo: మోటరోలా Edge 70 Neo భారత్లోకి వచ్చేస్తోంది.. 50MP Sony కెమెరా, 7,000mAh బ్యాటరీతో!
-
Varanasi Update: ఇదొక అప్డేటే.. అసలైన బ్లాస్ట్ కోసం వేచి చూడాల్సిందే!
ట్రెండింగ్
-
IPL 2027 రిటెన్షన్లకు నేడే చివరి గడువు.. ఇప్పటి వరకు జరిగిన ట్రేడ్స్ లిస్ట్ ఇదిగో..
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!