Hamas-Israel: బందీల విడుదలలో గందరగోళం.. షాకిచ్చిన ఇజ్రాయెల్

హమాస్-ఇజ్రాయెల్ మధ్య కాల్పుల విరమణ ఒప్పందం జరిగింది. దీంతో బందీల విడుదలకు హమాస్ అంగీకరించడం.. పాలస్తీనా ఖైదీల విడుదలకు ఇజ్రాయెల్ సమ్మతి తెల్పడంతో కొద్దిరోజులుగా ఒప్పందం సాఫీగా సాగుతోంది. అయితే గురువారం బందీల విడుదల సమయంలో హమాస్ అనుచితంగా ప్రవర్తించింది. హమాస్ ఉగ్రవాదులు.. మహిళ బందీ చుట్టుముట్టారు. దీంతో ఆమె విలవిలలాడిపోయింది. కన్నీళ్లు పెట్టుకుంది. తీవ్ర ఇబ్బందులకు గురిచేసినట్లుగా వీడియోలో కనిపించింది. ఈ పరిణామాన్ని ఇజ్రాయెల్ తీవ్రంగా పరిగణించింది. హమాస్ ఉగ్రవాదుల తీరుతో మార్పిడి విధానాన్ని ఇజ్రాయెల్ తాత్కాలికంగా నిలిపివేసింది. హమాస్ బందీల అప్పగింతను ఇజ్రాయెల్ ప్రధాన మంత్రి బెంజమిన్ నెతన్యాహు తీవ్రంగా ఖండించడంతో పాలస్తీనా ఖైదీల మార్పిడిని తాత్కాలికంగా నిలిపివేసింది.

గురువారం హమాస్ ఎనిమిది మంది బందీలను విడుదల చేసింది. వీరిలో ఒక ఇజ్రాయెలీ మహిళా సైనికురాలు(29), 80 ఏళ్ల ఇజ్రాయెల్ వ్యక్తి, ఐదుగురు థాయ్ కార్మికులు ఉన్నారు. ఇక 20 ఏళ్ల అగామ్ బెర్గర్ సైనికుడిని ముందుగానే విడుదల చేశారు. అయితే బందీల విడుదల సమయంలో హమాస్ ఉగ్రవాదులు వికృతంగా ప్రవర్తించారు. ఈ చర్యను ఇజ్రాయెల్ తీవ్రంగా ఖండించింది. బందీల భద్రతపై ఇజ్రాయెల్ ఆందోళన వ్యక్తం చేసింది. దీంతో పాలస్తీనా ఖైదీల విడుదలను తాత్కాలికంగా నిలిపివేసింది. ఇదిలా ఉంటే హమాస్.. ఇప్పటి వరకు 15 మంది బందీలను విడుదల చేసింది. గురువారం ఇజ్రాయెల్ కూడా 115 మంది పాలస్తీనా ఖైదీలను విడుదల చేయాల్సి ఉంది. కానీ వారిని ఇంకా విడుదల చేయలేదు. బందీల భద్రతపై అంతర్జాతీయ మధ్యవర్తులు జోక్యం చేసుకోవాలని ఇజ్రాయెల్ ప్రధాని నెతన్యాహు పిలుపునిచ్చారు.

مباشرة لحظة تسليم المحتجزة الإسرائيلية أربيل يهودا إلى الصليب الأحمر في #خانيونس pic.twitter.com/3Wpc4c5j36

— #القدس_ينتفض 🇵🇸 (@MyPalestine0) January 30, 2025