మొహర్రం పండుగ రోజున దుబాయ్ యువరాణి షైకా మహ్రా మొహమ్మద్ రషీద్ అల్ మక్తూమ్ సంచలన నిర్ణయం తీసుకుంది. తన భర్త షేక్ మనా బిన్ మొహమ్మద్ అల్ మక్తూమ్తో విడాకులు తీసుకుంటున్నట్లు ప్రకటించారు. ఈ మేరకు ఆమె ఇన్స్ట్రాగామ్లో కీలకమైన నిర్ణయాన్ని వెల్లడించింది. ఇదిలా ఉంటే ఈ దంపతులకు మే 2, 2024న తొలి సంతానంగా ఆడ బిడ్డ జన్మించింది. ఆ సంతోషం ఎంతో కాలం లేకుండానే రెండు నెలలకే ఈ ప్రకటన రావడంతో తీవ్ర సంచలనం రేపుతోంది. సోషల్ మీడియాలో ఆమె పోస్టు చూసిన నెటిజన్లు ఆశ్చర్యానికి గురయ్యారు.
ఈ జంట గత ఏడాది మేలో వివాహం చేసుకున్నారు. 12 నెలల తర్వాత మే 2, 2024న కుమార్తె పుట్టడాన్ని.. ఇద్దరు స్వాగతించారు. ఇంతలో ఏమైందో ఏమో.. కొన్ని వారాల క్రితం యువరాణి ఇన్స్టాగ్రామ్లో ఒక పోస్ట్ను పంచుకుంది. తన బిడ్డను కౌగిలించుకుంటూ.. ‘మేమిద్దరం మాత్రమే’ అని రాసింది. దీంతో అనేక అనుమానాలు రేకెత్తాయి. తాజాగా ఆ అనుమానాలకు ఫుల్స్టాప్ పెడితూ యువరాణి కీలక ప్రకటన చేసింది.
యువరాణి పోస్టు సారాంశం..
‘ప్రియమైన భర్తకు.. ఇతర సహచరులతో నిమగ్నమై ఉన్నందున మీతో విడాకులు తీసుకోవాలని నిశ్చయించుకున్నా. ‘ఐ డైవర్స్ యూ’. టేక్ కేర్.. మీ మాజీ భార్య’’ అని షైకా మహ్రా ఇన్స్టాగ్రామ్లో పేర్కొన్నారు. ఇదే సమయంలో దంపతులిద్దరూ ఒకరినొకరు అన్ఫాలో చేయడం, వారు కలిసి దిగిన ఫొటోలను డిలీట్ చేయడంతో ఈ వార్త వైరల్గా మారింది. సోషల్ మీడియాలో ఒకరినొకరు బ్లాక్ చేసుకున్నారని కొందరు.. షైకా మహ్రా అకౌంట్ హ్యాక్ అయ్యిందని మరికొందరు చర్చించుకుంటున్నారు. పలువురు నెటిజన్లు మాత్రం సాహసోపేతమైన నిర్ణయం తీసుకున్నారని మహ్రాపై ప్రశంసలు కురిపిస్తున్నారు.
దుబాయ్ పాలకుడు, యూఏఈ ప్రధానమంత్రి షేక్ మొహమ్మద్ బిన్ రషీద్ అల్ మక్తౌమ్ కుమార్తె షేక్ మెహ్రా. బ్రిటన్లో ఉన్నతవిద్య అభ్యసించిన ఆమె అంతర్జాతీయ వ్యవహారాల్లో పట్టా పొందారు. మహిళా సాధికారతకు కృషి చేస్తున్నారు. దుబాయ్కు చెందిన ప్రముఖ వ్యాపారవేత్త షేక్ మనా బిన్ మొహమ్మద్ అల్ మక్తూమ్తో మే 27, 2023న వీరి వివాహం జరిగింది. ఏడాది తర్వాత.. తన జీవితంలో అత్యంత విలువైన జ్ఞాపకమని పేర్కొంటూ భర్త, చిన్నారితో కూడిన ఫొటోలను మహ్రా సోషల్ మీడియాలో షేర్ చేశారు. ఆ తర్వాత కొన్ని రోజుల్లోనే ‘మేమిద్దరం మాత్రమే’ అంటూ చిన్నారితో కూడిన మరో ఫొటోను యువరాణఇ పోస్టు పెట్టడం చర్చనీయాంశమైంది. ఈ క్రమంలోనే విడాకుల గురించి షేక్ మెహ్రా బహిరంగంగా ప్రకటించారు.
View this post on Instagram
View this post on Instagram
