Bangladesh: మహ్మద్ యూనస్ నేతృత్వంలోని బంగ్లాదేశ్కి వరస షాక్లు తగులుతున్నాయి. షేక్ హసీనా పదవీ నుంచి దిగిపోయిన తర్వాత మతోన్మాదంతో రెచ్చిపోతున్న బంగ్లాదేశ్ ఆర్థికంగా దివాళా తీసే స్థితికి చేరుకోబోతోంది. పాకిస్తాన్తో విస్తృత సంబంధాలు పెట్టుకోవాలని చూస్తు్న్న బంగ్లాదేశ్, పాక్ తీరులోనే అడుక్కునే స్థితిలోకి చేరే అవకాశం ఉంది. యూనస్ ప్రభుత్వం వచ్చిన తర్వాత, బంగ్లాలో దాదాపుగా 10 లక్షల మంది ఉద్యోగాలు పోయాయి, మరోవైపు విదేశీ మారక నిల్వలు వేగంగా తగ్గిపోతున్నాయి.
Read Also: Live-in relation: కుళ్లిపోయిన స్థితిలో తండ్రి, కూతురు మృతదేహాలు.. “లివ్-ఇన్ పార్ట్నర్” అరెస్ట్..
ఇదిలా ఉంటే, ఇటీవల ట్రంప్ బంగ్లాదేశ్కి షాకిస్తూ.. ఎలాంటి ఆర్థిక సాయాన్ని అందించబోమని ప్రకటించారు. ఈ దెబ్బతో బంగ్లాదేశ్ పరిస్థితి దారుణంగా తయారుకాబోతోంది. యునైటెడ్ స్టేట్స్ ఏజెన్సీ ఫర్ ఇంటర్నేషనల్ డెవలప్మెంట్ (USAID), బంగ్లాదేశ్కు తన నిధులను నిలిపివేయాలని నిర్ణయించుకున్న కొన్ని రోజుల తర్వాత, తాజాగా స్విట్జర్లాండ్ కూడా అమెరికా బాటలోనే ప్రయణిస్తోంది. స్విస్ ఏజెన్సీ ఫర్ డెవలప్మెంట్ అండ్ కోఆపరేషన్ (SDC) 2028 చివరి నాటికి బంగ్లాదేశ్లో తన ద్వైపాక్షిక అభివృద్ధి కార్యక్రమాలను నిలిపివేస్తుంది. ఈ నిర్ణయం అల్బేనియా, జాంబియా అనే మరో రెండు దేశాలను కూడా ప్రభావితం చేస్తుంది.
swissinfo.ch నివేదిక ప్రకారం.. డిసెంబర్లో స్విస్ పార్లమెంట్ ప్రభుత్వం కోరిన దాని కంటే తక్కువ నిధులను విదేశీ సాయానికి కేటాయించిన తర్వాత, తాజా నిర్ణయం వచ్చింది. నివేదిక ప్రకారం.. పార్లమెంట్ 2025 అంతర్జాతీయ సహకార బడ్జెట్ నుంచి 121 మిలియన్ డాలర్లను తగ్గించింది. 2026-28 వరకు ఆర్థిక ప్రణాళికలో కోత విధించింది. దీంతో రానున్న రోజుల్లో బంగ్లాదేశ్కి మరింత ఇబ్బందికర పరిస్థితులు తలెత్తబోతున్నాయి.
