కరోనా కేసులు ప్రపంచాన్ని ఇంకా భయపెడుతూనే ఉన్నాయి. కరోనా మహమ్మారి ఉత్పరివర్తనం చెంది వివిధ వేరియంట్లుగా మారుతున్నది. ఇలా మారిన వాటిల్లో డెల్టా వేరియంట్ భౌగోళిక ముప్పుగా అవతరించింది. సెకండ్ వేవ్ సమయంలో ఈ వేరియంట్ పెద్ద సునామిని సృష్టించింది. ఇప్పుడిప్పుడే కరోనా నుంచి ఇండియా బయటపడుతున్నది. ఇప్పుడు డెల్టా వేరియంట్ యూరప్ ను భయపెడుతున్నది. బ్రిటన్లో ఈ వేరియంట్ కేసులు పెద్ద సంఖ్యలో నమోదవుతున్నాయి. వారం రోజుల వ్యవధిలోనే ఏకంగా 35 వేలకు పైగా కేసులు నమోదయ్యాయి.
Read: ‘ఆచార్య’ షూటింగ్ బ్యాలెన్స్ 12 రోజులే!
దీంతో ఆ దేశంలో తిరిగి ఆంక్షలను కఠినంగా అమలు చేస్తున్నారు. డెల్టాతో పాటుగా లాంబ్డా వేరియంట్ కూడా ఆ దేశాన్ని భయపెడుతున్నది. లాంబ్డా వేరియంట్ మొదట పెరూ దేశంలో బయటపడింది. పెరూలో అలజడిని సృష్టించిన లాంబ్డా వేరియంట్, బ్రిటన్లోకి ప్రవేశించింది. ఒకవైపు డెల్టా, మరోవైపు లాంబ్డా వేరియంట్లు బ్రిటన్ ను భయపెడుతున్నాయి.
