CE-25A Electric Aircraft: 22,000 పౌండ్ల ఎలక్ట్రిక్ విమానం.. చైనా CE-25A తొలి పైలట్ ఫ్లైట్ సక్సెస్
- Follow Us :
-
-
Add as a preferred
source on google
CE-25A Electric Aircraft: విమానయాన రంగంలో పర్యావరణహిత సాంకేతికతలకు ప్రాధాన్యం పెరుగుతున్న నేపథ్యంలో చైనా మరో కీలక ముందడుగు వేసింది. చైనాలో స్థానికంగా అభివృద్ధి చేసిన CE-25A ఎలక్ట్రిక్ విమానం విజయవంతంగా తన తొలి పైలట్తో కూడిన టెస్ట్ ఫ్లైట్ ప్రయాణాన్ని పూర్తి చేసింది. చైనా ప్రభుత్వ రంగ విమాన తయారీ సంస్థ Commercial Aircraft Corporation of China (COMAC) అభివృద్ధి చేసిన ఈ 19 సీట్ల ఎలక్ట్రిక్ ప్రయాణికుల విమానం, షాండాంగ్ ప్రావిన్స్లో తన తొలి మానవ సహిత పరీక్షా ప్రయాణాన్ని నిర్వహించింది. ఈ సమయంలో విమానంలో ముగ్గురు సిబ్బంది ఉన్నట్లు COMAC వెల్లడించింది.
చైనా ప్రభుత్వ ప్రసార సంస్థ CCTV వివరాల ప్రకారం, ఇద్దరు పైలట్లతో కూడిన ఈ పరీక్షా విమానం 16 నిమిషాల 38 సెకన్ల పాటు గాల్లో ప్రయాణించింది. ఈ సమయంలో విమానం సుమారు 60.4 కిలోమీటర్ల దూరాన్ని కవర్ చేసింది. మొత్తం పరీక్షా ప్రక్రియకు 57 నిమిషాల 46 సెకన్లు పట్టినట్లు సమాచారం. నెలల తరబడి మానవ రహిత పరీక్షలు నిర్వహించిన తర్వాత ఈ కీలక విజయాన్ని సాధించారు. CE-25A విమానం తొలిసారిగా ఫిబ్రవరి 2న ప్రయాణించినట్లు సమాచారం.
Also Read
- Pakistan BLA: పాక్ సైన్యంలో కెప్టెన్.. ఇప్పుడు బలూచ్ లిబరేషన్ ఆర్మీకి అధిపతి!
- US-Iran Tensions: అమెరికా మరోసారి తప్పు చేస్తే.. ట్రంప్కు ఇరాన్ వార్నింగ్!
- Benjamin Netanyahu: మిడిల్ ఈస్ట్లో మళ్లీ యుద్ధ సైరన్! ఇరాన్ అంతానికి నెతన్యాహు డెడ్లీ వార్నింగ్
- Donald Trump: ట్రంప్కు కోర్టులో మరో షాక్.. వైట్హౌస్ సమీపంలోని గోల్ఫ్ కోర్స్ ప్రాజెక్టుపై బ్రేక్!
చైనా ప్రభుత్వ రంగ సంస్థ COMAC ఈ విమానాన్ని ప్రముఖ చైనా బ్యాటరీ తయారీ సంస్థ CATL, Shanghai Jiao Tong University, ఇతర భాగస్వామ్య సంస్థలతో కలిసి అభివృద్ధి చేసింది. సాధారణ ప్రయాణికుల విమానాల్లో ఉపయోగించే ఇంధన ఆధారిత జెట్ ఇంజిన్లకు భిన్నంగా, CE-25Aలో Electric Ducted-Fan Propulsion Systemను ఉపయోగించారు.
CE-25A ముఖ్యమైన స్పెసిఫికేషన్లు..
ప్రయాణికుల సామర్థ్యం: 19 మంది
గరిష్ట టేకాఫ్ బరువు: 10 టన్నులు (సుమారు 22,000 పౌండ్లు)
ప్రయాణ దూరం: గరిష్టంగా 400 కిలోమీటర్లు
క్రూజింగ్ వేగం: గంటకు 300 కిలోమీటర్లు
క్రూజింగ్ ఎత్తు: 2,400 మీటర్లు
ఇంజిన్ టెక్నాలజీ: ఎలక్ట్రిక్ డక్టెడ్-ఫ్యాన్ ప్రొపల్షన్
CE-25A విమానానికి అవసరమైన Type Certification కోసం COMAC సమర్పించిన దరఖాస్తును చైనా సివిల్ ఏవియేషన్ అడ్మినిస్ట్రేషన్ స్వీకరించినట్లు నివేదికలు పేర్కొన్నాయి. వాణిజ్యపరమైన కార్యకలాపాలకు అవసరమైన రెగ్యులేటరీ అనుమతులు పొందే ప్రక్రియలో ఇది ఒక ముఖ్యమైన దశగా భావిస్తున్నారు. ఈ విమానం అభివృద్ధి పర్యావరణహిత విమానయాన రంగంలో చైనాకు ఒక కీలక ముందడుగుగా నిలుస్తుందని నిపుణులు భావిస్తున్నారు.
చైనాకు చెందిన మరో ఎలక్ట్రిక్ విమానం – Matrix
ఎలక్ట్రిక్ విమానాల రంగంలో చైనా చేస్తున్న ప్రయత్నాలు CE-25Aతో మాత్రమే పరిమితం కాలేదు. 2017లో స్థాపించబడిన చైనా సంస్థ AutoFlight, Matrix పేరుతో మరో ఎలక్ట్రిక్ విమానాన్ని అభివృద్ధి చేసింది. ఈ విమానం గరిష్టంగా 10 మంది ప్రయాణికులను తీసుకెళ్లగలదు.
Matrix ప్రత్యేకతలు:
ప్రయాణికుల సామర్థ్యం: 10 మంది
వింగ్స్పాన్: 20 మీటర్లు
పొడవు: 17.1 మీటర్లు
ఎత్తు: 3.3 మీటర్లు
ప్రయాణ సామర్థ్యం: ఒకసారి ఛార్జ్ చేస్తే సుమారు గంటపాటు ప్రయాణం
ఎలక్ట్రిక్, హైబ్రిడ్-ఎలక్ట్రిక్ విమానాల అభివృద్ధిలో చైనా మాత్రమే కాకుండా అమెరికా కంపెనీలు కూడా వేగంగా పనిచేస్తున్నాయి. Heart Aerospace అనే సంస్థ 36 మంది ప్రయాణికులను తీసుకెళ్లగల హైబ్రిడ్-ఎలక్ట్రిక్ ప్రాంతీయ విమానంను అభివృద్ధి చేస్తోంది. ఇది సుమారు 125 మైళ్ల వరకు ప్రయాణించే సామర్థ్యాన్ని కలిగి ఉంటుందని సమాచారం. అలాగే, అమెరికాలోని వర్జీనియాకు చెందిన స్టార్టప్ Electra కూడా EL9 Ultra Short పేరుతో హైబ్రిడ్-ఎలక్ట్రిక్ విమానాన్ని అభివృద్ధి చేస్తోంది. ఇది గరిష్టంగా తొమ్మిది మంది ప్రయాణికులను తీసుకెళ్లేలా రూపొందిస్తున్నారు.
జర్మనీలో తయారైన Lange E1 Antares, దీనిని Antares 20E అని కూడా పిలుస్తారు, ప్రపంచంలో వాణిజ్యపరంగా ఉత్పత్తి చేసిన తొలి ఎలక్ట్రిక్ సెల్ఫ్-లాంచింగ్ మోటర్ గ్లైడర్లలో ఒకటిగా గుర్తింపు పొందింది. ఒకే వ్యక్తి ప్రయాణించే ఈ విమానం తొలిసారిగా 2003లో ప్రయాణించింది. ప్రపంచవ్యాప్తంగా కార్బన్ ఉద్గారాలను తగ్గించే ప్రయత్నాలు వేగంగా సాగుతున్న నేపథ్యంలో ఎలక్ట్రిక్ విమానాల అభివృద్ధికి ప్రాధాన్యం పెరుగుతోంది.
చైనా CE-25A విజయవంతమైన తొలి మానవ సహిత పరీక్షా విమాన ప్రయాణం, భవిష్యత్తులో చిన్న, ప్రాంతీయ ప్రయాణాల కోసం ఎలక్ట్రిక్ విమానాలను ఉపయోగించే దిశగా ఒక ముఖ్యమైన అడుగుగా భావిస్తున్నారు. అయితే, పూర్తిస్థాయి వాణిజ్య సేవల్లోకి రావడానికి ఇంకా భద్రతా పరీక్షలు, సాంకేతిక అభివృద్ధి, రెగ్యులేటరీ అనుమతులు కీలకం కానున్నాయి.
తాజావార్తలు
-
CE-25A Electric Aircraft: 22,000 పౌండ్ల ఎలక్ట్రిక్ విమానం.. చైనా CE-25A తొలి పైలట్ ఫ్లైట్ సక్సెస్
-
AP Panchayat Elections: రెండో విడత పంచాయతీ ఎన్నికలకు నేడే నోటిఫికేషన్.. పూర్తి షెడ్యూల్ ఇదే!
-
PM Modi Manila Visit 2026: PM మోడీ మనీలా పర్యటన.. ఆసియాన్ సదస్సులో భారత్ ప్రధాన లక్ష్యాలివే
-
Astrology: నవంబర్ 16 సోమవారం దినఫలాలు.. ఈ రాశివారికి అన్నీ శుభాలే..!
-
Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!