యూఎస్ను వణికిస్తున్న బాంబ్ సైక్లోన్…
- Follow Us :
-
-
Add as a preferred
source on google
ఒకవైపు అమెరికాను కరోనాతో పాటు మరో సమస్య వణికిస్తున్నది. గత కొన్నిరోజులుగా అమెరికాలోని అనేక ప్రాంతాల్లో మంచుతుఫాను కురుస్తున్నది. మంచుతోపాటు వేగంగా గాలులు వీస్తుండటంతో పరిస్థితులు మరింత దిగజారిపోయాయి. దీనిని నార్ ఈస్టర్ అని పిలుస్తారు. ఈ పరిస్థితి మరింత దిగజారి పీడనం పడిపోతే మంచు గట్టలు గుట్టలుగా పడిపోతుంది. దీనిని బాంబ్ సైక్లోన్ అని పిలుస్తారు. ప్రస్తుతం అమెరికాలోని అనేక ప్రాంతాలను ఈ బాంబ్ సైక్లోన్ అతలాకుతలం చేస్తున్నది. మంచు అడుగులమేర పేరుకుపోయింది. న్యూయార్క్, బోస్టన్ సహా అనేక రాష్ట్రాల్లో అత్యవసర పరిస్థితిని ప్రకటించారు.
Read: కెనడాలో ఉద్రిక్తంగా మారిన పరిస్థితులు… రహస్య ప్రాంతానికి ప్రధాని…
ప్రజలు అత్యవసరమైతే తప్పించి బయటకు రావొద్దని హెచ్చరించారు. బాంబ్ సైక్లోన్ కారణంగా మంచు పేరుకుపోవడంతో రోడ్లన్ని మంచుతో నిండిపోయాయి. వాహనాలు మంచులో కూరుకుపోవడంతో ప్రయాణికులు ఇబ్బందులు పడుతున్నారు. ఈ పరిస్థితులు మరికొన్ని రోజులు ఉండే అవకాశం ఉందని, ప్రజలు జాగ్రత్తగా ఉండాలని హెచ్చరిస్తున్నారు. బాంబ్ సైక్లోన్ కారణంగా అనేక రాష్ట్రాల్లో విద్యుత్ సరఫరాకు అంతరాయం కలిగింది.