Fire Accident: 15 అంతస్తుల భవనంలో భారీ అగ్నిప్రమాదం.. 8మంది మృతి

Fire Accident: రష్యాలోని మాస్కోలో 15 అంతస్తుల భవనంలో రాత్రిపూట జరిగిన అగ్ని ప్రమాదంలో ఎనిమిది మంది మరణించారని ఆ దేశ అధికారులు వెల్లడించారు. ఘటనా సమయంలో ఫైర్ అలారం పనిచేయలేదని అధికారులు తెలిపారు. మాస్కోలోని ఆగ్నేయం దిశగా ఉన్న ఓ భవనంలోని గ్రౌండ్ ఫ్లోర్‌లో మంటలు చెలరేగాయని.. ఈ ప్రమాదంలో 8 మంది ప్రాణాలు కోల్పోయారని అధికారులు వెల్లడించారు. అర్థరాత్రి దాటిన తర్వాత చెలరేగిన ఈ మంటలను వెంటనే ఆర్పి వేశామని.. 200 మందికి పైగా ప్రజలను సురక్షిత ప్రాంతాలకు తరలించామని ఎమర్జెన్సీ బృందాలు వెల్లడించారు. ఈ ఘటనలో మరో నలుగురు వ్యక్తులు ఆస్పత్రి పాలైనట్లు దర్యాప్తు ప్రారంభించిన ఏజెన్సీ తెలిపింది.

Loan Recovery Agents: నలుగురు అరెస్ట్.. ఆ బాగోతాలు రివీల్

ఆ భవనంలో ఫైర్ అలారం పని చేయలేదని.. కిటికీలన్నింటికీ మెటల్ కడ్డీలు ఉండటంతో లోపల ఉన్న వ్యక్తులు చిక్కుకుపోయారని సీనియర్ అత్యవసర అధికారి ఓ వార్తా సంస్థకు వెల్లడించారు. ఈ ఘటనకు సంబంధించి నిర్లక్ష్యం కేసు నమోదైందని అధికారులు వెల్లడించారు. పేలవమైన నిర్వహణ, మౌలిక సదుపాయాలు లేదా నిర్లక్ష్యం కారణంగా రష్యన్ భవనాలు తరచుగా మంటలు, గ్యాస్ లీక్‌ల ద్వారా అగ్ని ప్రమాదాలకు గురవుతున్నాయి.