4-Day Work Week: యూకేలోని 200 కంపెనీలు కీలక నిర్ణయం.. వారానికి 4 రోజులే పని దినాలు!

4-Day Work Week: యునైటెడ్ కింగ్‌డమ్‌లో పని భారాన్ని తగ్గించడానికి అక్కడి కంపెనీలు కీలక నిర్ణయం తీసుకున్నాయి. సుమారు 200 బ్రిటీష్ కంపెనీలు తమ ఉద్యోగులందరికీ ఎటువంటి జీతం కోల్పోకుండా వారానికి నాలుగు రోజులు మాత్రమే పని చేయాలని ప్రకటించాయి. ఇక్కడ, 5,000 మందికి పైగా ఉద్యోగులు మార్కెటింగ్, సాంకేతిక సంస్థల్లో విధులు నిర్వహిస్తున్నారు.

Read Also: Gas Cylinder Blast: ఇంట్లో పేలిన గ్యాస్‌ సిలిండర్‌.. ఇద్దరు మృతి, 8 మందికి సీరియస్‌..!

అయితే, 4- డే వీక్ ఫౌండేషన్‌ డైరెక్టర్ జో రైల్ మాట్లాడుతూ.. ఐదు రోజుల పని వారం అనేది గత 100 సంవత్సరాల క్రితం కనుగొనబడిందన్నారు. కాబట్టి, మేము కొత్తదనాన్ని తీసుకొచ్చాం.. వారంలో నాలుగు రోజుల పని దినాల తర్వాత ప్రజలు సంతోషంగా, సంతృప్తికరంగా జీవించడానికి కోరుకుంటున్నారని చెప్పుకొచ్చారు. కాగా, ఈ విధానం యూకేలో మొదట మార్కెటింగ్, అడ్వర్టైజింగ్, ప్రెస్ రిలేషన్స్ సంస్థలు ఆమోదించాయి.. ఆ తర్వాత కార్మికులు జీతం కోల్పోకుండా వారంలో నాలుగు రోజుల పాటు పని చేసిన తర్వాత కంపెనీలకు మంచి విజయాలు దక్కినట్లు బ్రిటిష్ కంపెనీలు గుర్తించాయి.. అందుకే, ఈ పద్దతిని అమలు చేయడానికి 200 కంపెనీలు రెడీ అయినట్లు జో రైల్ వెల్లడించారు.

Read Also: Ind vs Eng 3rd T20: నేడు భారత్- ఇంగ్లాండ్ మధ్య మూడో టీ20.. సిరీస్పై కన్నేసిన టీమిండియా

ఇక, వారానికి నాలుగు రోజుల పని దినాలకు యూకే ఉప ప్రధాన మంత్రి ఏంజెలా రేనర్‌తో సహా లేబర్ పార్టీకి చెందిన పలువురు సీనియర్ రాజకీయ నాయకుల మద్దతు లభించింది. కానీ, అధికారం చేపట్టినప్పటి నుంచి పార్టీ అధికారికంగా ఈ విధానాన్ని స్వీకరించలేదు. ది గార్డియన్ నివేదిక స్పార్క్ మార్కెట్ రీసెర్చ్ చేసిన సర్వేను ప్రకారం.. యువత సాంప్రదాయ పని విధానాలను వ్యతిరేకించే అవకాశం ఉందని పేర్కొంది. వారు 4-రోజుల పని సంస్కృతిని స్వీకరించే ఛాన్స్ ఉందని సూచించింది. యూకేలోని 18-34 ఏళ్ల వయస్సు గలవారిలో 78 శాతం మంది ఐదేళ్లలో వారంలో నాలుగు రోజుల పని చేయడం ఆనవాయితీగా మార్చుకోగా.. మరో 65 శాతం మంది పూర్తి స్థాయి విధులకు తిరిగి రావాలని కోరుకోవడం లేదని ది గార్డియన్ నివేదికలో తెలిపింది.