Gold Silver Price Today: పడిపోతున్న పసిడి ధర.. వరుసగా రెండో రోజూ భారీగా డౌన్‌

Gold Silver Price Today: దేశీయ మార్కెట్లో మంగళవారం, సెప్టెంబర్ 29న బంగారం, వెండి ధరల్లో భారీ కదలిక కనిపించింది. ప్రారంభ ట్రేడింగ్‌లో దేశీయ ఫ్యూచర్స్ మార్కెట్లో బంగారం ధరలు గణనీయంగా తగ్గాయి. అంతర్జాతీయంగా ఇరాన్-అమెరికా మధ్య హార్ముజ్ జలసంధిపై కొనసాగుతున్న ప్రతిష్టంభన, పెరుగుతున్న ఇంధన ధరలు, అమెరికా ఫెడరల్ రిజర్వ్ వడ్డీ రేట్లపై అంచనాలు బులియన్ మార్కెట్‌పై ప్రభావం చూపుతున్నాయి. ఉదయం 9 గంటల సమయంలో MCX గోల్డ్ అక్టోబర్ 5 ఫ్యూచర్స్ 10 గ్రాములకు రూ.1,46,513 వద్ద ఉండగా, MCX సిల్వర్ డిసెంబర్ 4 కాంట్రాక్ట్ కిలోకు రూ.2,27,390 వద్ద ట్రేడైంది. అంతర్జాతీయ మార్కెట్లో బంగారం ఔన్స్‌కు సుమారు 4,125 డాలర్ల వద్ద ట్రేడవుతోంది.

రిటైల్ మార్కెట్‌లో 24 క్యారెట్ల బంగారాన్ని అత్యంత స్వచ్ఛమైన బంగారంగా పరిగణిస్తారు. నగల తయారీకి సాధారణంగా 22 క్యారెట్ల బంగారాన్ని ఎక్కువగా ఉపయోగిస్తారు. సెప్టెంబర్ 29న ప్రధాన నగరాల్లో నమోదైన రిటైల్ ధరలు ఇలా ఉన్నాయి.

ముంబైలో 10 గ్రాముల 24 క్యారెట్ల బంగారం ధర రూ.1,47,250గా.. 22 క్యారెట్ల గోల్డ్‌ రేట్‌ రూ.1,34,979గా ఉంది.. ఇక, కిలో వెండి ధర రూ.2,25,870కి చేరింది..
న్యూఢిల్లీలో 10 గ్రాముల 24 క్యారెట్ల బంగారం ధర రూ.1,46,990గా.. 22 క్యారెట్ల గోల్డ్‌ రేట్‌ రూ.1,34,741కి తగ్గింది.. కిలో వెండి ధర రూ.2,25,490
బెంగళూరులో 10 గ్రాముల 24 క్యారెట్ల బంగారం ధర రూ.1,47,360.. 22 క్యారెట్ల గోల్డ్‌ ధర రూ.1,35,080.. కిలో వెండి ధర రూ.2,26,050గా ఉంది..
కోల్‌కతాలో 10 గ్రాముల 24 క్యారెట్ల బంగారం ధర రూ.1,47,050.. 22 క్యారెట్ల పసిడి ధర రూ.1,36,015.. కిలో వెండి ధర రూ.2,27,850గా ఉంది..
హైదరాబాద్‌లో 10 గ్రాముల 24 క్యారెట్ల బంగారం ధర రూ.1,47,520.. 22 క్యారెట్ల పసిడి ధర రూ.1,35,227.. కిలో వెండి ధర రూ.2,26,190గా ఉంది..
చెన్నైలో 10 గ్రాముల 24 క్యారెట్ల బంగారం ధర రూ.1,47,710.. 22 క్యారెట్ల పసిడి ధర రూ.1,35,401.. కిలో వెండి ధర రూ.2,26,490గా ఉంది..

హైదరాబాద్‌ బులియన్‌ మార్కెట్‌లో కూడా భారీగా తగ్గింది.. 10 గ్రాముల 24 క్యారెట్ల బంగారం ధర రూ.1,370 తగ్గి.. రూ.1,48,800కి దిగివచ్చింది.. 22 క్యారెట్ల 10 గ్రాముల ధర రూ.1,250 తగ్గి.. రూ.1,36,400కి పరిమితమైంది.. వెండి ధర కూడా స్వల్పంగా తగ్గింది.. కిలో వెండి ధర రూ.100 తగ్గి రూ.2,44,900కి దిగివచ్చింది.. అయితే, ఆభరణాల కొనుగోలు సమయంలో పైన పేర్కొన్న ధరలకు అదనంగా మేకింగ్ ఛార్జీలు, పన్నులు, GST వంటివి జోడించే అవకాశం ఉంటుంది. అందువల్ల జువెల్లరీ షాపులో చెల్లించే తుది ధర నగరం, వ్యాపారి, ఆభరణం రకం ఆధారంగా మారవచ్చు..