NLG FAKE BABA ARREST: కంత్రీ మాంత్రికుడు..
- జనాల అనారోగ్యం.. అమాయకత్వమే.. పెట్టుబడి
- మంత్రాలు, క్షుద్ర పూజల పేరుతో దోచుకుంటున్న కేటుగాడు
- Follow Us :
-
-
Add as a preferred
source on google
NLG FAKE BABA ARREST: మంత్రాలకు చింతకాయలు రాలవు.. అనేది సామెత. చింతకాయలు కాదు కదా.. ఆకులు కూడా రాలవు.. అనేది వాటిపై అవగాహన ఉన్నవారు చెబుతారు. కానీ ఇప్పటికీ మంత్రాలు, క్షుద్రపూజల నెపంతో అమాయకులను మోసం చేస్తూనే ఉన్నారు కేటుగాళ్లు. అలాంటి కంత్రీ మంత్రగాన్ని సూర్యాపేట జిల్లా పోలీసులు పట్టుకున్నారు. మంత్రాలు, క్షుద్ర పూజల పేరుతో అమాయక ప్రజలను నమ్మించి డబ్బు, బంగారం దోచుకుంటున్న అలాంటి నిందితుడు చివరికి కటకటాలపాయ్యాడు. అమాయక ప్రజలను అడ్డంగా దోచుకుంటున్న దొంగబాబాను నల్లగొండ జిల్లా మిర్యాలగూడ టూ టౌన్ పోలీసులు అరెస్టు చేసి రిమాండ్ కు తరలించారు. సూర్యాపేట జిల్లా ఆత్మకూర్ మండలం గట్టికల్ గ్రామానికి చెందిన కోన వినోద్ కుమార్ గత కొంత కాలంగా ఆయుర్వేద వైద్యుడిగా చలామణి అవుతున్నాడు. అప్పటికే జల్సలకు అలవాటుపడిన వినోద్ కుమార్కు ఆయుర్వేద వైద్యం చేయడం ద్వారా వచ్చిన డబ్బులు జల్సాలకు సరిపొవడంలేదు. ఎలాగైనా సులభంగా డబ్బులు సంపాదించాలనే దురుద్దేశంతో తనకు వచ్చిన వైద్యంలో మార్పులు చేశాడు. బాబా అవతారం ఎత్తాడు నాటు వైద్యం, మంత్రాలతో అనారోగ్యాన్ని తగ్గిస్తానని మాయమాటలతో ప్రజలను మోసం చేయడం మొదలుపెట్టాడు.
అనారోగ్యంతో బాధపడే పిల్లల కాళ్లకు కడియాలు వేసి… పూజలు చేయడం ప్రారంభించాడు వినోద్ కుమార్. ఈ క్రమంలోనే మిర్యాలగూడలోని శాంతినగర్కు చెందిన దంపతులు అడావత్ శిరీష, గోవింద్లు తమ బంధువుల సూచన మేరకు కొంత కాలంగా అనారోగ్యంతో భాదపడతున్న తమ ఇద్దరి పిల్లలను వినోద్ కుమార్ వద్దకు తీసుకువెళ్లి కడియాలు వేయించారు. బాబా అవతారం ఎత్తిన వినోద్ కుమార్ శిరీష, గోవింద్ దంపతుల ఇంటికి అప్పడప్పుడు వచ్చి వెళ్తుండేవాడు. ఈ క్రమంలో వారి అమాయకత్వాన్ని పసిగట్టిన నిందితుడు… ఓ ఫైన్ డే.. శిరీష భర్త గోవింద్కు ప్రాణహాని ఉందని తేల్చిచెప్పాడు. గండం గట్టేక్కాలంటే దేవతకు ముడుపులు కట్టాల్సిందేనని…. ప్రత్యేక పూజలు చేసి దేవతకు ముడుపులు చెల్లిస్తే ప్రాణహాని తప్పుతుందని నమ్మబలికాడు. ముడుపు వస్త్రంలో 6 తులాల బంగారం పెట్టాలని.. ప్రత్యేక పూజలు చేసినందుకు 13 వేల 2 వందలు తనకు ఇస్తే చాలని ఆ కుటుంబాలన్ని నమ్మించాడు.
Also Read
- TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
- Maharashtra: అక్రమ సంబంధం.. సుపారీ హత్య.. భర్త స్నేహితురాలిని చంపించిన భార్య..
- Drug Racket: DRI మెరుపు దాడులు.. రూ.700 కోట్ల విలువైన డ్రగ్స్ పట్టివేత..
- Bihar Robbery: బీహార్లో పట్టపగలే భారీ దోపిడీ.. గోల్డ్ షోరూమ్లో కోట్ల విలువైన నగలు చోరీ!
పాపం.. ఆ బాబా మాటలు నమ్మిన దంపతులు… ఆయన చెప్పినట్లు చేసేందుకు సిద్దం అయ్యారు. బాబా చెప్పినట్లు 6 తులాల బంగారాన్ని ఓ వస్త్రంలో ముడుపు కట్టారు. ఇంకేముంది రంగంలోకి దిగిన బాబా వినోద్ కుమార్.. శిరీష, గోవింద్ ఇంట్లో తన స్టైల్లో ప్రత్యేక పూజలు చేశాడు. పూజ పూర్తి అయ్యే వరకు కళ్లు తెరవద్దని… కళ్లు తెరిస్తే పూజా ఫలితం దక్కదని హుకుం జారీ చేశాడు. కట్టిన ముడుపు 41 రోజుల వరకు తెరవద్దని సూచించాడు. 41 రోజుల తరువాత ముడుపు విప్పిన ఆ కుటుంబం షాకైంది. ఆ ముడుపులో బంగారం లేదు… మోసపోయామని ఆలస్యంగా గ్రహించిన బాధితులు శిరిషా, గొవింద్ మిర్యాలగూడ టూటౌన్ పోలీసులకు ఫిర్యాదు చేశారు. కేసు నమోదు చేసిన పోలీసులు విచారణ చేపట్టడంతో నకిలీ బాబా ఘరానా మోసం బయటపడింది. పూజ జరుగుతుంగా కళ్లు తెవద్దని… తెరిస్తే పూజ ఫలం దక్కదని షరతు విధించిన బాబా వినోద్ కుమార్.. బాధితులు కళ్లు మూసుకుని పూజలో ఉండగానే పథకం ప్రకారం సినీ ఫక్కీలో ముడుపును మాయం చేసి… దాని స్థానంలో ఇతర వస్తువులతో కట్టిన ముడుపు వస్త్రాన్ని పూజగదిలో పెట్టినట్లు పోలీసుల విచారణలో తేలింది.
గోవింద్ ఆయుష్షు పెంచేందుకు ప్రత్యేక పూజలు చేసిన బాబా వినోద్ కుమార్కు.. బాధితులు ఫోన్ పే ద్వారా 13వేల 2వందలు చెల్లించారు. ఆ నంబర్ ఆధారంగా దొంగబాబా ఆటకట్టించారు మిర్యాలగూడ పోలీసులు.. నిందితుడి వద్ద నుంచి 3 తులాల బంగారం, ఒక సెల్ ఫోన్ను పోలీసులు స్వాధీనం చేసుకున్నారు. జల్సాలకు సరిపడా డబ్బు చేతిలో లేకపోవడంతో వినోద్ కుమార్ తాంత్రిక బాబా అవతారం ఎత్తాడని… గత కొంతకాలంగా పథకం ప్రకారం క్షుద్ర పూజలతో అమాయక ప్రజలను మోసం చేసి బంగారం, నగదు కాజేస్తున్నాడని పోలీసులు గుర్తించారు. అంతేకాదు క్షుద్ర పూజల పేరిట కాజేసిన బంగారాన్ని కుదువ పెట్టి గోల్డ్ లోన్ తీసుకొని వచ్చిన డబ్బును తన జల్సాలకు వాడుకున్నట్లు పోలీసులు గుర్తించారు. నల్లగొండ, సూర్యాపేట జిల్లాలో పలుచోట్ల వినోద్ కుమార్ ఇటువంటి మోసాలకు పాల్పడినట్లు తెలుస్తోంది.
తాజావార్తలు
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
PUC New Rules 2026: కారు, బైక్ యజమానులకు గుడ్ న్యూస్.. ఇక 3 ఏళ్ల వరకు PUC రెన్యువల్ అవసరం లేదు!
-
Cyclone Akvan: అక్వాన్ తీవ్ర తుపాన్ తీరం దాటే ప్రక్రియ ప్రారంభం.. వణుకుతున్న ఉత్తరాంధ్ర.. కీలక హెచ్చరిక!
-
Home Decor Ideas: పాత ప్లాస్టిక్ కుర్చీలను పనికిరావని పడేస్తున్నారా? ఇలా చేస్తే అస్సలు పడేయరు!
-
Devuthani Ekadashi 2026: నేడు దేవుని ఉత్థాన ఏకాదశి.. ఈ 5 తప్పులు చేస్తే లక్ష్మీదేవికి కోపం వస్తుందట..!
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!