భార్య భర్తల మధ్య గొడవలు రావడం కామన్.. కానీ కట్నం కోసం వేదిస్తూ హింసిస్తు భార్యకు బ్రతికి ఉండగానే నరకం చూపిస్తే ఆ ఇల్లాలు ఎలా తట్టుకుంటుంది.. ఇటీవల వరకట్నం వేధింపుల కేసులు ఎక్కువయ్యాయి.. తాజాగా మరో ఘటన వెలుగు చూసింది.. అడిగినంత కట్నం తీసుకురాలేదని ఓ భర్త భార్యను అతి దారుణంగా చంపిన ఘటన మధ్య ప్రదేశ్ లో చోటు చేసుకుంది.. తాడుతో కట్టి బావిలోకి తోసేసి చంపేసాడు. తను చేసిన అరాచకాన్ని వీడియో తీసి ఆమె పుట్టింటివారికి పంపాడు..
వరకట్నం కోసం భార్యను వేధించి అమానుషంగా చంపేసాడో భర్త. మధ్యప్రదేశ్ నీముచ్‌లో ఈ దారుణం జరిగింది.. వివరాల్లోకి వెళితే.. రాకేష్ కిర్ అనే వ్యక్తి భార్య ఉషను తాడుకి కట్టి బావిలోకి తోసేసాడు. ఆమె నీట మునిగి చనిపోయే వరకూ మొత్తం వీడియో తీసి తన భార్య బంధువులకు పంపించాడు. ఉష పుట్టింటి వారు వీడియో చూసి గ్రామంలో కొందరికి ఫోన్ చేసిన తమ కూతురికి రక్షించాల్సిందిగా అభ్యర్ధించారు.. వాళ్లు వెళ్ళేలోగా ఆ మహిళ చనిపోయింది..
ఈ విషయం తెలుసుకున్న ఆమె కుటుంబ సభ్యులు వెంటనే అక్కడకు చేరుకున్నారు.. తన కూతురు చనిపోవడం చూసి కన్నీరు మున్నీరుగా విలపించారు.. వారి రోదన చూసి గ్రామస్తులు కంటతడి పెట్టుకున్నారు.. నమ్మి తన కూతురును ఇచ్చి పెళ్లి చేసిన అల్లుడే ఇలా తన బిడ్డ పాలిట కాలాయముడు అవ్వడం సహించలేని తల్లి, దండ్రులు పోలీసులకు పిర్యాదు చేశారు.. ఉష కుటుంబ సభ్యుల ఫిర్యాదుతో పోలీసులు రాకేష్‌ను అరెస్ట్ చేసారు. రాకేష్ రూ.5 లక్షలు కట్నం కోసం ఉష చంపినట్లు తెలుస్తోంది. పోలీసులు కేసు దర్యాప్తు చేస్తున్నారు.. అతన్ని ఉరి తీయాలని పోలీస్ స్టేషన్ బయట ఉష కుటుంబ సభ్యులు ఆందోళన చేస్తున్నారు.. మృతదేహన్ని పోస్ట్ మార్టం కోసం ఆసుపత్రికి తరలించారు.. పూర్తి వివరాలు తెలియాల్సి ఉన్నాయి..