Haryana Girl Neelam Shot By Her Boyfriend After She Came From Canada: పాపం ఆ యువతి.. తన ప్రియుడితో కలిసి జీవితం పంచుకోవాలని ఎన్నో కలలు కంది. ప్రియుడి పిలుపు మేరకు.. ఏమీ ఆలోచించకుండా కెనడా నుంచి ఇండియాకు తిరిగొచ్చేసింది. ఇక అతనితోనే తన జీవితమని భావించింది. కానీ.. ఆ దుర్మార్గుడు మాత్రం అత్యంత దారుణంగా ఆమెను కాల్చి చంపాడు. కేవలం ఆమెను అనుభవించాలన్న ఉద్దేశంతో.. ప్రేమ నాటకం ఆడాడు, పెళ్లి చేసుకుంటానని నమ్మించి, కెనడా నుంచి రప్పించాడు. ఆపై తాను చేసిన నేరాన్ని కప్పిపుచ్చేందుకు శవాన్ని ఎవ్వరికీ దొరక్కుండా దాచాడు. చివరికి.. 10 నెలల తర్వాత అతడు పట్టుబడ్డాడు. ఈ కేసులో వివరాల్లోకి వెళ్తే..
Hair Cut: బార్బర్ చేసిన హెయిర్ కట్ నచ్చలేదని.. బాత్రూంలోకి వెళ్లి..
హర్యానకు చెందిన నీలం అనే 23 ఏళ్ల యువతి.. ఉద్యోగం నిమిత్తం కెనడాకు వెళ్లింది. అయితే.. ఆమె కెనడాకు వెళ్లడానికి ముందే సునీల్ అనే వ్యక్తిని ప్రేమించింది. కెనడాకు వెళ్లిన తర్వాత అతడ్ని విడిచి ఎక్కువకాలం ఉండలేకపోయింది. నీతోనే కలిసి జీవితం పంచుకోవాలని ఉందని నీలం తెలిపింది. దీంతో.. గతేడాది జనవరిలో ‘మనం పెళ్లి చేసుకుందాం, ఇండియాకి తిరిగొచ్చెయ్’ అని సునీల్ చెప్పాడు. మరో క్షణం ఆలోచించకుండా.. ఆ యువతి భారత్‌కు వచ్చేసింది. భారత్‌కు తిరిగొచ్చిన తర్వాత నీలం ఒకరోజు హఠాత్తుగా కనిపించకుండా పోయింది. ఆమెతో పాటు సునీల్ కూడా కొన్ని రోజుల పాటు మాయం అయ్యాడు. దాంతో.. నీలం కుటుంబ సభ్యులకు అనుమానం వచ్చింది. వాళ్లిద్దరు ఎక్కడికైనా పారిపోయారేమోననుకొని, పోలీసులకు ఫిర్యాదు చేశారు.
Extramarital Affair: దారుణం.. నాలుగు నెలల గర్భిణిని బలి తీసుకున్న ‘వివాహేతర సంబంధం’
నీలం కుటుంబ సభ్యుల ఫిర్యాదు మేరకు.. పోలీసులు కిడ్నాప్ కేసు నమోదు చేశారు. అయితే.. ఈ కేసులో ఎలాంటి పురోగతి కనిపించకపోవడంతో నీలం ఫ్యామిలీ మెంబర్స్ హర్యానా హోంమంత్రిని కలిశారు. ఆయన సూచన మేరకు కేసుని క్రైమ్ ఇన్వెస్టిగేషన్ ఏజెన్సీకి బదిలీ చేశారు. ఆ ఏజెన్సీ ఈ కేసుని టేకప్ చేసుకున్న వెంటనే.. సునీల్ ఆచూకీ కనుగొని, అతడ్ని అరెస్ట్ చేసింది. తమదైన శైలిలో అధికారులు అతడ్ని విచారించారు. అప్పులు అసలు నిజం వెలుగులోకి వచ్చింది. తాను నీలంని కిడ్నాప్ చేసి, హతమార్చానని నేరం అంగీకరించాడు. ఆమె తలపై రెండుసార్లు కాల్చి చంపానని, మృతదేహాన్ని తన పొలంలో పాతిపెట్టానని తెలిపాడు. ఈ విచారణలో భాగంగానే.. సునీల్‌పై అరడజనకు పైగా హత్య కేసులు ఉన్నట్టు తేలింది.