Father kills son: చదువుకునేందుకు నిరాకరించినందుకు తన 14 ఏళ్ల కొడుకుని తండ్రి హత్య చేసిన ఘటన బెంగళూర్‌లో జరిగింది. ఈ ఘటనపై కేఎస్ లేఅవుట్ పోలీసులు కేసు నమోదు చేశారు. తేజస్ అనే పిల్లాడు పాఠశాలకు వెళ్లడం మానేయడంతో పాటు చదువుని నిర్లక్ష్యం చేసినందు కోపంతో హత్య చేసినట్లు తెలుస్తోంది.
Read Also: Election Commission: అమిత్ షా, రాహుల్ గాంధీలకు ఈసీ నోటీసులు..
తేజస్ చదువుల్ని నిర్లక్ష్యం చేయడంతో పాటు అప్పుడప్పుడు మాత్రమే స్కూల్‌కి వెళ్లేవాడు. చెడు స్నేహాలతో చదువుల్ని నిర్లక్ష్యం చేశాడు. దీంతో తండ్రి తరుచుగా అతడిపై అసంతృప్తి వ్యక్తం చేసేవాడు. ఈ విషయమై శుక్రవారం రాత్రి తండ్రీ కొడుకుల మధ్య వాగ్వాదం జరిగింది. కోపంలో కొడుకుని చంపేశాడు. సమాచారం అందుకున్న పోలీసులు రాత్రి ఘటనా స్థలానికి చేరుకుని మృతదేహాన్ని స్వాధీనం చేసుకున్నారు. కొడుకును హత్య చేసినందుకు తండ్రిని అరెస్ట్ చేశారు. విచారణ కొనసాగుతోంది.