Crime: పెళ్లి ఇష్టం లేకపోవడంతో యువతి కిడ్నాప్ డ్రామా.. కట్ చేస్తే..

పెళ్లి ఒత్తిడితో తంటాలు పడ్డ ఓ యువతి తనను కిడ్నాప్ చేసినట్లు నటించి కుటుంబ సభ్యులను, పోలీసులను ఆశ్చర్యపరిచింది. యువతి తన కుటుంబ సభ్యులకు ఫోన్ చేసి తనను కిడ్నాప్ చేశానని, వెంటనే రక్షించాలని చెప్పింది. దీంతో భయపడిన కుటుంబీకులు వెంటనే పోలీసులకు సమాచారం అందించారు. సీనియర్ పోలీసు అధికారులు తక్షణమే చర్యలు తీసుకున్నారు. ప్రత్యేక బృందాలను ఏర్పాటు చేశారు. కొన్ని గంటల్లోనే బాలికను ఢిల్లీ నుంచి సురక్షితంగా తీసుకొచ్చారు. అమ్మాయిని పెళ్లి చేసుకోవాలని కుటుంబసభ్యులు ఒత్తిడి తెస్తున్నారని.. తప్పించుకునేందుకు ఈ తప్పుడు కథనం సృష్టించిందని విచారణలో తేలింది. ఈ ఘటన నోయిడాలోని సెక్టార్ 113 పోలీస్ స్టేషన్ పరిధిలో చోటుచేసుకుంది.

READ MORE: Masturbation: ఇదేం పాడు పనిరా.. ఆటోలో అందరి ముందు హస్తప్రయోగం..!

శనివారం ఉదయం 10 గంటల సమయంలో పోలీసులకు కిడ్నాప్ సమాచారం అందిన వెంటనే సెక్టార్ 113 పోలీస్ స్టేషన్ ఎనిమిది బృందాలుగా ఏర్పడి వెంటనే చర్యలు ప్రారంభించింది. పోలీసులు అమ్మాయి లొకేషన్‌ను ట్రాక్ చేశారు. కొన్ని గంటల్లో ఢిల్లీలోని హజ్రత్ నిజాముద్దీన్ రైల్వే స్టేషన్ లో గుర్తించారు. తన కిడ్నాప్‌కు సంబంధించిన కథనాన్ని యువతి స్వయంగా రూపొందించిందని దర్యాప్తులో తేలింది. పోలీసులకు ఇచ్చిన వాంగ్మూలంలో, వివాహం కోసం తన కుటుంబం, బంధువులు తనపై విపరీతమైన ఒత్తిడి తెస్తున్నారని, అయితే ఈ సమయంలో తన వృత్తిని కొనసాగించాలనుకుంటున్నట్లు ఆమె తెలిపింది. ఈ ఒత్తిడి నుంచి తప్పించుకుని తాత్కాలికంగా ఉపశమనం పొందేందుకు కిడ్నాప్ చేసినట్లు పేర్కొంది.