RBI: ఆర్బీఐ షాక్ ఇవ్వబోతుందా? రేపు వడ్డీ రేట్లు పెరగబోతున్నాయా? నిపుణుల అంచనా ఇదే!
- రేపు ద్రవ్య విధానాన్ని ప్రకటించనున్న ఆర్బీఐ
- ద్రవ్యోల్బణం కట్టడిపై కీలక ప్రకటన చేసే ఛాన్స్
- 2023 తర్వాత ఆర్బీఐ షాక్ ఇచ్చే అవకాశం
- Follow Us :
-
-
Add as a preferred
source on google
ఎల్నినో కారణంగా ప్రస్తుతం దేశంలో ద్రవ్యోల్బణం పెరిగిపోతుంది. ఈ నేపథ్యంలో ఆర్బీఐ అప్రమత్తం అయింది. ద్రవ్యోల్బణం కట్టడికి భారతీయ రిజర్వ్ బ్యాంక్ (RBI) కీలక నిర్ణయం తీసుకునే అవకాశం ఉన్నట్లు కనిపిస్తోంది. వరుసగా 21 ద్రవ్య విధాన కమిటీ (MPC) సమావేశాల్లో వడ్డీ రేట్లను మార్చకుండా కొనసాగించిన ఆర్బీఐ.. అక్టోబర్ 7న (బుధవారం) రెపో రేటును 25 బేసిస్ పాయింట్లు పెంచి 5.5 శాతానికి తీసుకెళ్లే అవకాశం ఉందని మార్కెట్ నిపుణులు అంచనా వేస్తున్నారు. ఇదే జరిగితే.. 2023 ఫిబ్రవరి తర్వాత తొలిసారిగా ఆర్బీఐ రెపో రేటును పెంచినట్లవుతుంది. పెరుగుతున్న ముడిచమురు ధరలు, అంతర్జాతీయ ఆర్థిక పరిస్థితులు కఠినతరం కావడం, రూపాయి విలువపై ఒత్తిడి వంటి అంశాలు ద్రవ్యోల్బణం విషయంలో ఆర్బీఐకి సవాళ్లుగా మారాయి.
రెపో రేటులో 25 బేసిస్ పాయింట్ల పెంపును మార్కెట్లు ఇప్పటికే చాలావరకు అంచనా వేస్తున్నాయి. దీంతో అసలు ఆసక్తి వడ్డీ రేటు పెంపు ఎంత అన్నదానికంటే.. రాబోయే రోజుల్లో ఆర్బీఐ అనుసరించే విధానం, ద్రవ్యోల్బణం-వృద్ధిపై దాని అంచనాలు, బ్యాంకింగ్ వ్యవస్థలో అదనపు నగదు నిర్వహణ ఎలా ఉంటాయన్నదానిపైనే ఉంది. ఆర్బీఐ వైఖరి ప్రస్తుతం ‘న్యూట్రల్’గా ఉన్నప్పటికీ.. ద్రవ్యోల్బణాన్ని నియంత్రించేందుకు మరింత కఠినమైన లేదా హాకిష్ వైఖరి అవలంబిస్తుందా? అన్నది మార్కెట్లు గమనిస్తున్నాయి.
Also Read
- Meesho: సోమవారం మీషో షేర్లపైనే అందరి కళ్లు.. రూ. 1,885 కోట్ల వాటా అమ్మేసిన సాఫ్ట్బ్యాంక్!
- EPFO Alert: ప్రైవేట్ ఉద్యోగులూ తెలుసుకోండి.. PF విషయంలో EPFO కొత్త అప్డేట్.. డెడ్లైన్ ఇదే..!
- Credit Card Rule Changes: ఆ బ్యాంక్ క్రెడిట్ కార్డ్ వినియోగదారులకు షాక్.. రూల్స్ మారుతున్నాయ్.. కొత్త ఛార్జీలు వస్తున్నాయి..!
- RBI Repo Rate Hike: సామాన్యులకు మరో షాక్.. EMI భారం పెరగనుందా..?
2026-27 ఆర్థిక సంవత్సరానికి వినియోగదారుల ధరల సూచీ (CPI) ఆధారిత ద్రవ్యోల్బణ అంచనాను ఆర్బీఐ ప్రస్తుతం 5 శాతంగా ఉంచింది. అయితే ముడిచమురు, ఇతర కమోడిటీ ధరలు పెరుగుతున్న నేపథ్యంలో ఈ అంచనాను పెంచుతుందా? లేదా కొనసాగిస్తుందా? అనేది కీలకం. ఆగస్టులో రిటైల్ ద్రవ్యోల్బణం 4.82 శాతానికి పెరిగింది. జూలైలో ఇది 4.45 శాతంగా ఉంది. దేశీయ పరిస్థితులు క్రమంగా సాధారణీకరణకు అనుకూలంగా ఉన్నప్పటికీ.. 2026-27లో CPI ద్రవ్యోల్బణం 5.2 శాతానికి చేరవచ్చని కొందరు ఆర్థిక నిపుణులు అంచనా వేస్తున్నారు. ముఖ్యంగా ముడిచమురు వంటి వస్తువుల ధరల పెరుగుదల సరఫరా ఆధారిత ద్రవ్యోల్బణాన్ని మరింత పెంచుతుందా? అన్నది ఆర్బీఐకి సవాలుగా మారనుంది.
ప్రస్తుతం మార్కెట్ అంచనాల ప్రకారం.. ఆర్బీఐ 25 బేసిస్ పాయింట్ల రేటు పెంపుతో వడ్డీ రేట్ల పెంపు ప్రక్రియను ప్రారంభించే అవకాశం ఉన్నట్లు కనిపిస్తోంది. అయితే ఆ తర్వాత ఎన్ని దశల్లో రేట్లు పెంచుతారు? ద్రవ్యోల్బణంపై ఆర్బీఐ అంచనా ఏంటి? వృద్ధి విషయంలో ఎలాంటి వైఖరి తీసుకుంటుంది? లిక్విడిటీని ఎలా నిర్వహిస్తుంది? అనే అంశాలే మార్కెట్లకు కీలకంగా మారనున్నాయి. మొత్తంగా ద్రవ్యోల్బణాన్ని అదుపులో ఉంచుతూనే ఆర్థిక వృద్ధికి పెద్దగా ఇబ్బంది కలగకుండా క్రమబద్ధమైన రేట్ల పెంపు విధానాన్ని ఆర్బీఐ అనుసరించే అవకాశం ఉందని ఆర్థిక నిపుణులు భావిస్తున్నారు.
- Tags
- india
- RBI
- RBi Repo Rate
తాజావార్తలు
-
CM Delhi Tour: ఢిల్లీ చేరుకున్న సీఎం రేవంత్ రెడ్డి.. ప్రధాని మోదీతో కీలక భేటీ..!
-
Virat Kohli: అప్పుడు 18, ఇప్పుడు 21.5.. విరాట్ కోహ్లీ కెరీర్లోనే చెత్త వన్డే సిరీస్!
-
Yash Thakur Duck out: ఒక్క పరుగు చేయకుండానే.. 16 ఏళ్ల తర్వాత ధోనీ, సచిన్, కోహ్లీల సరసన యశ్ ఠాకూర్..!
-
Huawei Mate X8: 8.15 ఇంచుల డిస్ప్లే, 16GB RAMతో కొత్త ఫోల్డబుల్ ఫోన్.. Huawei Mate X8 వచ్చేస్తోంది
-
Varanasi Target: ‘వారణాసి’ ముందు బిగ్ టార్గెట్.. మహేష్-రాజమౌళి ఈజీగా కొట్టేస్తారా?
ట్రెండింగ్
-
India Top ODI Captains: ధోనీ టాప్.. కోహ్లీ లాస్ట్..! టాప్ కెప్టెన్స్ వీరే అంటున్న టీమిండియా మాజీ ప్లేయర్..
-
Cameras on Vegetable Vendors: కూరగాయల మార్కెట్లో AI కలకలం.. వ్యాపారుల తలపై వింత గ్యాడ్జెట్లు.. అసలేం జరుగుతోంది?
-
Toyota Innova Hycross Facelift: E100 ఇథనాల్ టెక్నాలజీతో నవంబర్ 25న కొత్త ఇన్నోవా హైక్రాస్ లాంచ్..!
-
200MP+200MP కెమెరాలు, 100W ఫాస్ట్ ఛార్జింగ్, 1TB స్టోరేజ్ తో HONOR Magic9 Pro Max నవంబర్ 24న గ్లోబల్ లాంచ్..
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!