RapidEVChargE : హైదరాబాద్‌లో ఈవీ ఛార్జర్ తయారీ యూనిట్‌

తెలంగాణలో ఈవీ (ఎలక్రిక్‌ వెహికల్‌) ఛార్జర్ తయారీ యూనిట్‌ను ఏర్పాటు చేయాలని రాపిడ్‌ ఈవీ చార్జ్‌-ఈ (RapidEVChargE) యోచిస్తోంది. ఎలక్ట్రికల్ ఛార్జర్‌ల తయారీ మరియు సంబంధిత సాఫ్ట్‌వేర్ అప్లికేషన్‌లను రూపొందించడంలో ఉన్న రాపిడ్ ఈవీ ఛార్జ్‌-ఈ, తెలంగాణ హైదరాబాద్‌లో ఎలక్ట్రిక్ వెహికల్ ఛార్జర్ తయారీ యూనిట్‌ను ఏర్పాటు దిశగా అడుగులు వేస్తోంది. రాపిడ్ ఈవీ ఛార్జ్‌-ఈ ప్రస్తుతం కోయంబత్తూరులో ఛార్జర్‌లను తయారు చేస్తోందని కంపెనీ వ్యవస్థాపకుడు, చీఫ్ ఎగ్జిక్యూటివ్ ఆఫీసర్ పి శివసుబ్రమణ్యం తెలిపారు.

తెలంగాణ, ఆంధ్రప్రదేశ్‌లలో 18 నెలల్లో 1,000 ఛార్జింగ్ స్టేషన్లను ఏర్పాటు చేసేందుకు ప్రణాళికలు సిద్ధం చేసినట్లు ఆయన వెల్లడించారు. హౌసింగ్ సొసైటీలు, మాల్స్, ఆసుపత్రులు మరియు ఇతర పార్కింగ్ ప్రదేశాలలో ఛార్జింగ్‌ స్టేషన్‌లు ఏర్పాటు చేయడానికి పరిశీలించినట్లు ఆయన పేర్కొన్నారు. ఇన్‌స్టాలేషన్ ఖర్చులను భరించే ఛార్జ్ పాయింట్ ఆపరేటర్ల ద్వారా ఇవి ఉంటాయని, ఇది ఛార్జర్‌లు, సాఫ్ట్‌వేర్‌లను అందిస్తుందని ఆయన తెలిపారు. ఛార్జర్ ఇన్‌ఫ్రాస్ట్రక్చర్ కాన్ఫిగరేషన్‌ను బట్టి రూ.40,000 నుండి రూ.12 లక్షల వరకు ఖర్చవుతుందని ఆయన వెల్లడించారు.

ఛార్జింగ్ పాయింట్‌లు స్లో ఛార్జర్‌లను కలిగి ఉంటాయని, వీటికి దాదాపు ఆరు గంటల సమయం పడుతుందన్నారు. కేవలం 30 నిమిషాల సమయం పట్టే ఫాస్ట్ ఛార్జర్‌లు కూడా ఉంటాయని, ఛార్జింగ్ వేగాన్ని బట్టి ఛార్జింగ్ టారిఫ్ యూనిట్‌కు రూ.8 నుండి 25 వరకు ఉంటుందని ఆయన పేర్కొన్నారు. ఈ పాయింట్లు అన్ని రకాల వాహనాలకు సరిపోతాయని ఆయన తెలిపారు.

ఇతరులతో పాటు ఇది ఎలక్ట్రిక్ పోల్ ఛార్జింగ్ స్టేషన్‌ల వంటి ఉత్పత్తులను కూడా కలిగి ఉంది. ఓటీపీ (OTP)తో వినియోగదారులను ప్రమాణీకరించడానికి ఇది పవర్ సాకెట్ మరియు మినీ స్క్రీన్ లేదా క్యూఆర్‌ (QR Code) కోడ్‌ని కలిగి ఉంటుంది. స్లాట్‌ను యాప్‌లో బుక్ చేసుకోవాలి. ఇది ప్రీపెయిడ్ లావాదేవీ అవుతుంది. ఇటువంటి పోల్స్ ఇప్పటికే కోయంబత్తూరులో ప్రారంభించబడ్డాయి. త్వరలో తెలంగాణలో వాటిని ప్రవేశపెట్టాలని కంపెనీ యోచిస్తోందని ఆయన తెలంగాణ తెలిపారు.