Post Office Scheme: పోస్టాఫీస్ సూపర్ స్కీమ్.. రూ. 5 లక్షలు లాభం..
ఎటువంటి రిస్క్ లేకుండా లాభాలను పొందాలని అనుకొనేవారు పోస్టాఫీస్ స్కీమ్స్ బెస్ట్ అనే చెప్పాలి.. తక్కువ పెట్టుబడితో ఎక్కువ లాభాలను పొందవచ్చు.. పోస్టాఫీస్లో పలు రకాల పథకాలు అందుబాటులో ఉన్నాయి. వీటిల్లో మనం ఇప్పుడు టైమ్ డిపాజిట్ స్కీమ్ గురించి తెలుసుకుందాం. ఇందులో డబ్బులు పెట్టడం వల్ల మీరు మీ ఇన్వెస్ట్మెంట్ను రెట్టింపు చేసుకోవచ్చు. అయితే దీని కోసం దీర్ఘ కాలం వేచి ఉండాల్సి ఉంటుంది.. అయితే అధిక లాభాలు ఉండటంతో ఎక్కువ మంది వీటిలో ఇన్వెస్ట్ చేసేందుకు ఆసక్తి చూపిస్తున్నారు..
మీరు పోస్టాఫీస్లో ఎస్బీఐ కన్నా ఎక్కువ వడ్డీ సొంతం చేసుకోవచ్చు. స్టేట్ బ్యాంక్లో ఐదేళ్ల ఎఫ్డీలపై వడ్డీ రేటు 6.5 శాతంగా ఉంది. అయితే మీకు పోస్టాఫీస్లో ఐదేళ్ల ఎఫ్డీలపై 7.5 శాతం వరకు వడ్డీ పొందొచ్చు. అలాగే మీరు ఏడాది టెన్యూర్లో డబ్బులు దాచుకోవాలని చూస్తే వడ్డీ రేటు 6.9 శాతంగా ఉంది. అదే రెండేళ్ల టెన్యూర్ అయితే 7 శాతం, మూడేళ్ల టెన్యూర్పై కూడా 7 శాతం వడ్డీ పొందొచ్చు.. అంటే ఉదాహరణకు మీరు పోస్టాఫీస్ టైమ్ డిపాజిట్లలో డబ్బు దాచుకోవాలని అనుకుంటే.. మీ ఇన్వెస్ట్మెంట్ 7.5 శాతం వడ్డీ రేటు ప్రకారం అయితే 114 నెలల్లో రెట్టింపు అవుతుంది. మీరు రూ. 5 లక్షలు పెట్టాలని అనుకున్నారు. వడ్డీ రేటు 7.5 శాతం. మెచ్యూరిటీ పీరియడ్ 5 ఏళ్లు. మెచ్యూరిటీ సమయంలో మీకు రూ. 7.25 లక్షలు వస్తాయి. వడ్డీ రాబడి రూ. 2.25 లక్షలుగా ఉంది. అదే రూ.10 లక్షలు పెడితే.. మీకు మెచ్యూరిటీ సమయంలో దాదాపు రూ. 5 లక్షల వరకు లాభాన్ని పొందవచ్చు..
స్కీమ్లో రూ.1000 నుంచి డబ్బలు పొదుపు చేయొచ్చు. గరిష్ట పరిమితి అంటూ ఏమీ లేదు. వడ్డీ మొత్తాన్ని త్రైమాసికం చొప్పున లెక్కిస్తారు. కానీ ఏడాది ప్రాతిపదికన చెల్లిస్తారు. ఇక మెచ్యూరిటీ సమయంలోనే మీరు పెట్టిన డబ్బులు, వచ్చిన వడ్డీని ఒకేసారి పొందొచ్చు. రిస్క్ లేకుండా రాబడి పొందాలని భావించే వారు ఈ స్కీమ్లో ఇన్వెస్ట్ చేయొచ్చు. మీకు నచ్చిన టెన్యూర్ ఎంచుకోవచ్చు.. మీరు డబ్బులను పెట్టేదాన్ని బట్టి ఆదాయం ఉంటుంది.. మీరు ట్యాక్స్ బెనిఫిట్ కూడా పొందొచ్చు. సెక్షన్ 80సీ కింద ఈ ప్రయోజనం పొందొచ్చు.. అలాగే లోన్ పొందే అవకాశం కూడా ఉంది..