Indian Railways: రైల్వే ప్రయాణికులకు బిగ్ షాక్.. ఆ టైంలో ట్రైన్లలో మొబైల్ ఛార్జింగ్ బంద్!
- Follow Us :
-
-
Add as a preferred
source on google
Indian Railways: ట్రైన్ ప్రయాణికులకు ఇండియన్ రైల్వే ఊహించని షాక్ ఇచ్చింది. రాత్రిపూట ప్రయాణించేటప్పుడు ఫోన్లు, ల్యాప్టాప్లు ఛార్జింగ్ పెట్టుకుందామనుకుంటే ఇకపై కుదరదు. ప్రయాణికుల భద్రతను దృష్టిలో ఉంచుకుని, రాత్రి 11 గంటల నుంచి తెల్లవారుజామున 5 గంటల వరకు ట్రైన్లలోని ఛార్జింగ్ పాయింట్లను పూర్తిగా ఆఫ్ చేయాలని రైల్వే బోర్డు అన్ని జోన్లను ఆదేశించింది. ఇటీవల ఓ రైలులో ఛార్జింగ్లో పెట్టిన పవర్ బ్యాంక్ పేలిపోవడంతో రైల్వే శాఖ ఈ నిర్ణయాన్ని అత్యంత కఠినంగా అమలు చేయాలని ఫిక్స్ అయింది.
సౌత్ ఈస్టర్న్ రైల్వే పరిధిలో ఇటీవల జరిగిన ఒక ఘటనే ఈ కఠిన ఆంక్షలకు ప్రధాన కారణం అని చెబుతున్నారు. రైలు సిబ్బంది నిర్లక్ష్యంతో నిర్ణీత సమయం దాటిన తర్వాత కూడా ఛార్జింగ్ పాయింట్లను ఆఫ్ చేయలేదు. దీంతో ఓ ప్రయాణికుడు ఛార్జింగ్ పెట్టిన పవర్ బ్యాంక్ ఒక్కసారిగా పేలిపోయి, బోగీ అంతా దట్టమైన పొగలు కమ్ముకున్నాయి. అదృష్టవశాత్తూ పెద్ద ప్రమాదం తప్పినప్పటికీ, బోగీలోని ప్రయాణికులు తీవ్ర భయాందోళనలకు గురయ్యారు. ఈ ఉదంతాన్ని అత్యంత సీరియస్గా తీసుకున్న రైల్వే బోర్డు, రాత్రి వేళల్లో ఛార్జింగ్ ఆపేయాలన్న రూల్ని ఇకపై పక్కాగా అమలు చేయాలని ఆదేశాలు జారీ చేసింది.
Also Read
- EPFO New Rules 2026: పీఎఫ్ ఖాతాదారులకు జాక్పాట్.. ఇకపై 90% డబ్బు మీ చేతికే! కొత్త రూల్ ఇదే..
- Nifty 50: పరుగులు పెడుతున్న నిఫ్టీ 50.. 52 వారాల గరిష్టానికి చేరుతుందా..?
- Wedding Business: 25 రోజుల్లో రూ.7.50 లక్షల కోట్ల వ్యాపారం.. పెళ్లిళ్ల జోరు మామూలుగా లేదుగా!
- PM Modi: 50 కోట్ల మంది పేదరికాన్ని జయించారు.. రాహుల్ గాంధీకి ప్రధాని మోడీ స్ట్రాంగ్ కౌంటర్!
నిజానికి 2014 నుంచే రాత్రి 11 నుంచి ఉదయం 5 గంటల వరకు ఛార్జింగ్ సాకెట్లను ఆఫ్ చేయాలనే రూల్ ఉన్నప్పటికీ, చాలా రైళ్లలో సిబ్బంది నిర్లక్ష్యంగా వ్యవహరిస్తున్నట్లు తేలింది. దీంతో రంగంలోకి దిగిన రైల్వే బోర్డు.. ఇకపై ఎలాంటి మినహాయింపులు ఇచ్చేది లేదని స్పష్టం చేసింది. సిబ్బందికి తగిన ట్రైనింగ్ ఇవ్వడంతో పాటు, రాత్రి వేళల్లో నిబంధనలు పాటిస్తున్నారా లేదా అన్నది చెక్ చేసేందుకు ప్రత్యేక బృందాలతో ‘సర్ప్రైజ్ ఇన్స్పెక్షన్లు’ నిర్వహించాలని అధికారులను ఆదేశించింది.
2013లో నాందేడ్-బెంగళూరు ఎక్స్ప్రెస్ ఏసీ కోచ్లో జరిగిన అగ్ని ప్రమాదం తర్వాతే ‘కమిషనర్ ఆఫ్ రైల్వే సేఫ్టీ’ ఈ నిబంధనను ప్రతిపాదించింది. ఆ తర్వాత 2023లో ఢిల్లీ-దర్భంగా హమ్సఫర్ స్లీపర్ క్లాస్లోనూ మంటలు చెలరేగడంతో స్లీపర్ బోగీల్లోనూ అమలు చేయాలని సూచనలొచ్చాయి. అయితే సాధారణ స్లీపర్ బోగీల్లో రాత్రిపూట పాయింట్లు ఆఫ్ చేసేందుకు ప్రత్యేక సిబ్బందిని నియమించడం భారీ ఖర్చుతో కూడుకున్న పని కావడంతో, ప్రస్తుతానికి ఈ నిషేధం కేవలం ఏసీ బోగీలకే పరిమితమైంది. రాత్రి వేళల్లో ప్రయాణికులు గాఢ నిద్రలో ఉన్న సమయంలో పరికరాలను ఛార్జింగ్లో వదిలేయడం వల్ల ఓవర్హీటింగ్ జరిగి మంటలు చెలరేగే ప్రమాదం ఉందని అధికారులు హెచ్చరిస్తున్నారు. అంతేకాకుండా, ఇలా రాత్రిపూట ఫోన్లు ఛార్జింగ్లో పెట్టి నిద్రపోవడం వల్ల దొంగతనాలకు ఆస్కారం ఎక్కువవుతోందని రైల్వే శాఖ పేర్కొంది. అందుకే ట్రైన్ ఎక్కే ముందే ఫోన్లను ఫుల్ ఛార్జ్ చేసుకోవాలని ప్రయాణికులకు సూచిస్తోంది.
తాజావార్తలు
-
Koti Deepotsavam 2026 : కోటి దీపోత్సవంలో మరో అద్భుత ఘట్టం.. కనులపండువగా లక్ష్మీనృసింహుడి కల్యాణం
-
Rahul Gandhi: ఎన్నికల బహిష్కరణపై రాహుల్ గాంధీ కీలక వ్యాఖ్యలు!
-
‘RAPO23’ లో ఊహించని ట్విస్ట్ ఇదేనట! విలన్గా ఆ సీనియర్ స్టార్?
-
TG SAFE: హైదరాబాద్లో ఫుడ్ సేఫ్టీ అధికారుల కొరడా.. కరాచీ బేకరీ సహా పలు మాంస విక్రయ కేంద్రాలపై మెరుపు దాడులు!
-
CM Revanth Reddy : రాష్ట్ర హక్కుల కోసం రాజీలేని పోరాటం.. కేసీఆర్, హరీష్పై సీఎం రేవంత్ తీవ్ర ఆగ్రహం
ట్రెండింగ్
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!